Siyasət

Həbsdə olan inanclı fəalın "kars"a salındığı deyilir

25 May, 2026

205

Toplum TV

Həbsdə olan inanclı fəal Elvin Nəzərovun saxlanıldığı 12 saylı Cəzaçəkmə Müəsissəsində mayın 21-dən cərimə kamerasına ("karser") salındığı bildirilir.

Bu barədə jurnalist Arzu Abdulla fəalın həyat yoldaşı Şəbnəm Nəzərovaya istinadən məlumat yayıb.

Həyat yoldaşının sözlərinə görə, müəssisə rəhbərliyi həm də fəalı qapalı rejimli Umbakı Penitensiar Kompleksinə köçürməyə hazırlaşır.

"Hansı məhbusu gözləri götürmürsə, onu nizam-intizam qaydasını pozmaqda günahlandırıb ciddi rejimə göndərirlər.
Elvin hazırda "kars"dadır və bütün hüquqları pozulub. Pulunu götürüblər, verməyiblər. Elvinin həftədə bir dəfə köşkdən yemək alıb yemək icazəsi var. Amma pulunu vermirlər ki, özünə yemək alsın. Həbsxananın yeməyi yeyiləsi gündə deyil", - o qeyd edib.

Ş.Nəzərova əlavə edib ki, həyat yoldaşının səhhətində problemlər var.

"Elvin bir neçə gün öncə ödündəki polipə görə Penitensiar Xidmətin Müalicə Müəssisəsinə aparılmışdı. Həkim bildirib ki, ödündəki polip böyüyüb. Həkimlər də deyiblər ki, Elvinə qapalı şərait olmaz, normal qida lazımdır", - o vurğulayıb.

İddialar ilə bağlı aidiyyəti qurumlardan münasibət almaq mümkün olmayıb.

E.Nəzərov 2018-ci il iyulun 3-də Gəncə Şəhər İcra Hakimiyyətinin başçısı Elmar Vəliyevə silahlı hücumdan sonra həbs olunaraq 2 il 6 ay müddətinə azadlıqdan məhrum edilmişdi. O, 2021-ci ilin yanvarında cəza müddəti bitdiyi üçün azadlığa çıxmışdı.

O, 2024-cü ildə şiə dindarların kütləvi şəkildə həbs edildiyi dönəmdə narkotik ittihamı ilə saxlanılmışdı. 2025-ci il yanvarın 9-da Şəki Ağır Cinayətlər Məhkəməsində ona 5 il yarım həbs cəzası verilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Almaniyada hərbi aviabaza yaxınlığına dron düşüb

“QHT işi”: Hafiz Həsənova 8 il şərti həbs cəzası verilib

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

Ramiz Mehdiyevin işi Bakı Ağır Cinayətlər Məhkəməsinə göndərilib

DGK: Azərbaycan bu il 9 milyard dollarlıq neft ixrac edib

Ülviyyə Əli: "Həbsimiz İlham Əliyevin şüurlu seçimidir"

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

“QHT işi”: Hafiz Həsənova 8 il şərti həbs cəzası verilib

16 Sentyabr 2026

sosial media

"QHT işi" üzrə ittiham olunanlardan biri, "Hüquq və İnkişaf" İctimai Birliyinin rəhbəri Hafiz Həsənovun işi üzrə sonuncu məhkəmə prosesi keçirilib. APA xəbər verir ki, sentyabrın 16-da Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən prosesdə hökm oxunub. Hökmə əsasən, Hafiz Həsənov 2 il müddətinə dövlət və yerli özünü idarəetmə orqanlarında maddi məsul vəzifə tutmaq hüququndan məhrum edilməklə 8 il müddətinə azadlıqdan məhrum edilib. Onun cəzası Cinayət Məcəlləsinin 70-ci maddəsi tətbiq edilməklə, 3 il sınaq müddəti seçilməklə şərti hesab olunub. Barəsində seçilmiş polis nəzarəti altına vermə qətimkan tədbiri başqa yerə getməmək iltizam qətimkan tədbiri ilə əvəzlənib. Dövlət ittihamçısı onun 9...

Davamını oxu

Siyasət

Ramiz Mehdiyevin işi Bakı Ağır Cinayətlər Məhkəməsinə göndərilib

15 Sentyabr 2026

sosial media

Prezident Administrasiyasının keçmiş rəhbəri Ramiz Mehdiyevin işi üzrə ibtidai istintaq başa çatıb. İş Bakı Ağır Cinayətlər Məhkəməsinə göndərilib. Hökumətə yaxın media qurumlarının əlumatına görə, işə hakim Murad Aslanovun sədrliyi ilə baxılacaq. İlk məhkəmə iclası sentyabrın 21-nə təyin olunub. Mehdiyev dövlətə xəyanət, hakimiyyəti zorla ələ keçirməyə yönələn əməllər, cinayət yolu ilə əldə edilmiş əmlakın leqallaşdırılması və rüşvət almaqda ittiham olunur. Onun barəsində cinayət təqibi 2025-ci ilin oktyabrında başlayıb. Oktyabrın 14-də Səbail rayon Məhkəməsi onun haqqında dörd aylıq ev dustaqlığı qətimkan tədbiri seçib. Mehdiyevin ev dustaqlığı müddəti sonradan bir neçə dəfə artırılıb. Eyni iş çərçivəsində Azərbaycan Xalq Cəbhəsi Partiyasının (AXCP) sədri Əli...

Davamını oxu