Siyasət

Hesabat: "Aİ Azərbaycanla dəyərlərə deyil, maraqlara əsaslanan münasibətə keçdi"

9 Dekabr, 2025

170

Foto: açıq mənbə

"Azərbaycanda Repressiyaya Son Kampaniyası" Azərbaycanda vətəndaş cəmiyyətinə qarşı təqiblər fonunda Avropa İttifaqının (Aİ) son illərdə bu ölkə ilə münasibətləri haqda hesabat dərc edib.

Dekabrın 9-da dərc olunan hesabatda bildirilir ki, Aİ Azərbaycanla "dəyərlərə əsaslanan münasibətdən maraqlara əsaslanan münasibətə" keçid edib.

Hesabat müəllifləri qeyd edir ki, yeni münasibətlərdə enerji və geosiyasi maraqlara insan hüquqlarından daha çox əhəmiyyət verilir.

“Eyni zamanda, Azərbaycan möhkəmlənmiş avtoritar sistemi daha da gücləndirib, siyasi məhbusların sayı rekord həddə çatıb və müstəqil media demək olar ki, tamamilə məhv edilib. Azərbaycanın əsas ixrac bazarı və ən böyük investoru olmasına baxmayaraq, Aİ öz təsir imkanlarından istifadə etmir. Yüksək səviyyədə siyasi susqunluq Bakıda repressiyaları daha da dərinləşdirmək üçün ‘yaşıl işıq’ kimi şərh olunur", - deyə əlavə olunub.

Hesabatda müxtəlif Aİ institutları arasında bu mövzuda ziddiyyətlər olduğuna da diqqət yetirilib.

"Avropa Parlamenti Azərbaycana qarşı şərtlər və sanksiyalar irəli sürməyə, 2022-ci il enerji memorandumunun dayandırılmasına çağırarkən, Avropa Komissiyası və Avropa Xarici Fəaliyyət Xidməti insan haqları böhranından böyük ölçüdə təcrid olunmuş şəkildə əməkdaşlığı davam etdirir", - deyə vurğulanıb.

Hesabatda həm də xatırladılıb ki, Azərbaycan hakimiyyəti repressiyaları artıq sərhədlərindən kənara çıxararaq mühacirətdə olan jurnalistləri, fəalları və insan haqları müdafiəçilərini hədəfə almağa başlayıb. "Halbuki Aİ-nin cavab tədbirləri və ev sahibi ölkələrin təmin etdiyi müdafiə mexanizmləri kortəbii və yetərsiz qalmaqdadır", - müəlliflər qeyd edir.

Hesabat müəllifləri Aİ rəsmilərinə tövsiyələr də veriblər. Onlar Aİ-nin Azərbaycanla münasibətlərdə insan hüquqları və demokratiyanı prioritetləşdirməsini və Azərbaycanın müstəqil vətəndaş cəmiyyəti və mediasına siyasi və maliyyə dəstəyini artırmağı təklif ediblər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fərid İsmayılovun azadlığı üçün Avropanın bir neçə şəhərlərində kampaniya keçirilib

Jurnalist Fərid İsmayılovun həbs olunmasından bir il keçir

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

4 erməni məhbus azad olundu: Digərlərini və “siyasi məhbus”ları nə gözləyir?

“Tramp marşrutu” ətrafında suallar: Erməni sərhədçilər görünməyəcək?

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

Redaktorun Tövsiyələri

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

İranda valyuta böhranı fonunda etirazlar: “Hakimiyyət etirazlardan dərs çıxarmasa, daha repressiv olacaq”

Trampın Qəzzada sülh planı hansı mərhələdədir: HƏMAS tərk-silah olacaqmı?

Azərbaycan regionlarında əhali azalır: Rəsmi rəqəmlərin gizlədə bilmədiyi reallıq

Siyasət

Fərid İsmayılovun azadlığı üçün Avropanın bir neçə şəhərlərində kampaniya keçirilib

17 Yanvar 2026

Foto: sosial media

"Toplum TV"-nin həbsdə olan əməkdaşı Fərid İsmayılovun azadlığı tələbilə Avropanın müxtəlif şəhərlərində kampaniya keçirilib. Kampaniyanın təşkilatçıları Azərbaycan səfirliyinin binası da daxil olmaqla ictimai məkanlara posterlər yapışdırıblar. Posterdə Jurnalistləri Müdafiə Komitəsinin saytında F.İsmayılov barədə məlumatın əks olunduğu səhifəyə aparan QR kod yerləşdirilib. Təşkilatçıların sırasında jurnalist Ülviyyə Şahin, Azərbaycan Xalq Parlamentinin həmsədri Abid Qafarov və digərləri var. "Fərid gənc, qətiyyətli, cəsarətli və perspektivli jurnalistdir. Dövlət belə gəncləri potensiallarını reallaşdırmaları üçün dəstəkləməli, onları həbs etməməlidir. Bu repressiv siyasət nəticəsində Azərbaycan dünyada gəncliyi məhv edilən ölkə kimi tanınacaq. Əgər bu zülmü dayandıra bilmiriksə, o zaman hamının bundan xəbərdar olmasını təmin etməyə borcluyuq", - kampaniya...

Davamını oxu

Siyasət

4 erməni məhbus azad olundu: Digərlərini və “siyasi məhbus”ları nə gözləyir?

16 Yanvar 2026

Foto/kollaj: Toplum TV

Yanvarın 14-də Azərbaycanda həbs cəzası çəkən dörd erməni məhbus azad olunaraq Ermənistana qaytarıldı. Azərbaycan ictimaiyyəti xəbəri Ermənistan baş naziri Nikol Paşinyandan öyrəndi və müharibə cinayətlərində təqsirli bilinmiş şəxslərin qaytarılması ilə bağlı rəsmi izahat verilmədi. Növbəti gündən mətbuatda çıxış edən deputatlar isə burada “humanizm prinsipinin rəhbər tutulduğuna” diqqət çəkdilər. “Biz artıq başqa bir müstəviyə keçir, dünyaya başqa nümunələri də göstəririk. Göstəririk ki, biz kişi kimi mübarizə apara bilirik”, - Milli Məclisin üzvü Səməd Seyidov “Pravda.az”a deyib. Azərbaycanda soyqırımı və terrorizm də daxil olmaqla müxtəlif cinayət əməllərində təqsirləndirilərək həbsdə saxlanılan daha 19 erməni məhbus var. Onların sırasında keçmiş Dağlıq Qarabağ ərazisində mövcud...

Davamını oxu