Siyasət

Həyat yoldaşı həbsdə olan inanclı fəalın ağrılardan əziyyət çəkdiyini deyir

13 Aprel, 2026

154

Foto/kollaj: Toplum TV

Həbsdə olan inanclı fəal Elvin Nəzərovun səhhətinin pisləşdiyi və ağrılardan əziyyət çəkdiyi bildirilir.

Bu barədə jurnalist Arzu Abdulla məhkumun həyat yoldaşı Şəbnəm Nəzərovaya istinadən məlumat yayıb.

Ş.Nəzərovanın sözlərinə görə, həyat yoldaşının hazırda səhhəti ilə bağlı əziyyət çəkdiyi problemlərin çoxu daha əvvəl, onun "Gəncə işi" üzrə həbsdə olduğu dövrdə yaranıb.

"Birinci həbsi dövründə Elvinin bütün sağlamlığını məhv etdilər. Gəncə Şəhər Polis İdarəsində Elvinə o qədər işgəncə vermişdilər ki, o, hələ də özünə gələ bilmir. Elvinin ödündə birinci həbsindən sonra polip yaranıb. İkinci həbsi dövründə də həkimlər Elvinin ödündə bir neçə polipin yarandığını və 6 aydan bir ultrasəs (USM) müayinəsindən keçməyin vacib olduğunu demişdilər", - o qeyd edib.

Həyat yoldaşı bildirib ki, fəal günlərdir şiddətli ağrılardan əziyyət çəksə də, saxlanıldığı 15 saylı Cəzaçəkmə Müəssisəsinin baş həkiminə müraciətləri cavabsız qalıb. Onun sözlərinə görə, baş həkim müəssisədə USM aparatının olmadığını və gətirilməyəcəyini deyib.

"Elvin müayinə üçün Pentensiar Xidmətin Müalicə Müəssisəsinə göndərilməlidir, lakin göndərmirlər. Elvin təklif edib ki, öz hesabımıza müayinə üçün xəstəxanaya göndərilsin, bunu da qəbul etməyiblər. Yəni, biz neyləyək, bu insan ölməlidir? Bu insana 6 aydan bir yoxlanış vacibdir ki polipin həcmi nəzarətdə saxlanılsın", - o əlavə edib.

E.Nəzərov 2018-ci il iyulun 3-də Gəncə Şəhər İcra Hakimiyyətinin başçısı Elmar Vəliyevə silahlı hücumdan sonra həbs olunaraq 2 il 6 ay müddətinə azadlıqdan məhrum edilmişdi. O, 2021-ci ilin yanvarında cəza müddəti bitdiyi üçün azadlığa çıxmışdı.

O, 2024-cü ildə şiə dindarların kütləvi şəkildə həbs edildiyi dönəmdə narkotik ittihamı ilə saxlanılmışdı. 2025-ci il yanvarın 9-da Şəki Ağır Cinayətlər Məhkəməsində ona 5 il yarım həbs cəzası verilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Fridrix Merts: “Şimali Koreya bütün Avropanın azadlığını təhdid edir”

“Amnesty International” Bəhruz Səmədovun azadlığa buraxılmasına çağırıb

“Novaya qazeta” fəaliyyətini dayandırdığını açıqlayıb

Mask ABŞ-dəki aralıq seçkilərə 445 milyon dollardan çox vəsait ayırıb

Ağaəli Yəhyayevin ailəsi: “Hicabla bağlı müraciətindən sonra onunla əlaqə saxlaya bilmirik”

CNN: Dünyanın ən böyük kriptovalyuta birjasına tarixin ən böyük kiberhücumu edilib

Redaktorun Tövsiyələri

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Siyasət

“Amnesty International” Bəhruz Səmədovun azadlığa buraxılmasına çağırıb

30 Oktyabr 2026

sosial media

“Amnesty International” insan haqları təşkilatı Azərbaycanda həbsdə olan akademik tədqiqatçı və sülh fəalı Bəhruz Səmədovun işgəncə və digər pis rəftar riski ilə üzləşdiyini bildirərək onun dərhal və qeyd-şərtsiz azadlığa buraxılmasına çağırıb. Təşkilat oktyabrın 26-da yaydığı bəyanatda Səmədovun iki aydır Umbakı həbsxanasında təkadamlıq kamerada saxlanıldığını və zəruri tibbi yardımdan məhrum edildiyini qeyd edib. “Bəhruz Səmədovun həbsdə gördüyü rəftar mümkün işgəncə və digər pis rəftar halları ilə bağlı ciddi narahatlıq doğurur”, - bəyanatda deyilir. Təşkilatın məlumatına görə, Səmədovun görmə qabiliyyəti zəifləsə də, ona bir aydan artıq müddətdə təyin olunmuş dərmanlar verilməyib və oftalmoloji yardım göstərilməyib. Bəyanatda onun qaranlıq, dar kamerada, həbsxana həyətinə...

Davamını oxu

Siyasət

Ağaəli Yəhyayevin ailəsi: “Hicabla bağlı müraciətindən sonra onunla əlaqə saxlaya bilmirik”

30 Oktyabr 2026

sosial media

Müsəlman Birliyi Hərəkatının həbsdə olan üzvü Ağaəli Yahyayevin ailəsi 8 gündür onunla telefon əlaqəsi saxlaya bilmədiyini bildirir. Bu barədə oktyabrın 30-da onun yaxınları sosial mediada məlumat yayıblar. Onların sözlərinə görə, Ağaəli Yəhyayev oktyabrın 22-də zəng edərək hicablı şagird və müəllimələrin məktəblərə buraxılmamasına etirazını ifadə edən müraciətini göndərib. Yaxınları həmin vaxtdan sonra onun telefonla əlaqə saxlamasına imkan verilmədiyini bildirirlər. Yəhyayev müraciətində hicabı “qırmızı xətt” adlandırıb: “Hicab bizim evimizin içinə girmək deməkdir. Bu gün bizim evimizin içinə girənlər sabah nələr etməzlər. Bu, artıq durulmalı və dayanılmalı olan bir nöqtədir. Öz haqqımızdan keçərik, amma hicabdan keçmərik”. O, həmçinin yaxın günlərdə “ciddi addım atılmasa”,...

Davamını oxu