Siyasət

İraq müharibəsinin memarlarından biri Dik Çeyni vəfat edib

4 Noyabr, 2025

253

Foto: açıq mənbə

ABŞ-nin keçmiş vitse-prezidenti, İraq müharibəsinin memarlarından biri kimi tanınan Dik Çeyni 84 yaşında vəfat edib.

Siyasətçinin ölüm xəbərini noyabrın 4-də ailəsi paylaşıb. Onların dediyinə görə, Çeyni pnevmoniya və ürək-damar xəstəliklərinin fəsadları nəticəsində vəfat edib.

“Dik Çeyni böyük və yaxşı insan idi. O, övladlarına və nəvələrinə ölkəmizi sevməyi, cəsarətli, şərəfli, sevgi dolu və mərhəmətli həyat yaşamağı, həmçinin balıqçılığı öyrədib", - Çeyni ailəsi əlavə edib.

ABŞ-nin 46-cı vitse-prezidenti olan Çeyni 2001-2009-cu illərdə Respublikaçı prezident Corc Buşun administrasiyasında xidmət edib.

Uzun illər Respublikaçılar Partiyasında ən nüfuzlu fiqurlardan sayılan Çeyni son illərində partiyadan bir növ təcrid olunmuşdu. Buna səbəb onun prezident Donald Trampı ABŞ-yə ən böyük təhdid kimi qiymətləndirməsi idi.

Çeyni 2001-ci ilin 11 sentyabrında 3 minə yaxın amerikalının ölümü ilə nəticələnmiş terror hadisələrindən sonra ABŞ-nin İraq və Əfqanıstanda başlatdığı müharibələrin əsas memarlarından biri kimi yadda qalıb. Hətta bəzi müşahidəçilər onun ABŞ-ni idarə edən əsas qüvvə olduğunu iddia ediblər.

Çeyni, həmçinin, terrorizmdə təqsirləndirilən şəxslərin Kubanın Quantanamo körfəzində həbsxanada məhkəməsiz saxlanmasının, habelə məlumat toplamaq məqsədilə onlara işgəncə tətbiq edilməsinin açıq tərəfdarı olub.

Çeyni müharibələri dəstəkləmək qərarları ilə bağlı heç vaxt təəssüf ifadə etməyib. 2015-ci ildə o, "CNN"-ə demişdi: “O vaxt bu, doğru qərar idi. O zaman da buna inanırdım, indi də inanıram."

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Həyat yoldaşı: "Azər Qasımlının qaldığı 4 nəfərlik kamerada 6 nəfər saxlanılır, biri Hepatit C xəstəsidir"

Putin Ermənistanın "Ukrayna ssenarisi" ilə üzləşə biləcəyinə eyham vurub

Hesablama Palatası milyonluq maliyyə pozuntuları aşkarlayır, bəs niyə heç kim cəzalanmır?

AP-də Azərbaycanla bağlı dinləmə: “Avropa Şurasına üzvlük Azərbaycana mətbuat azadlığını qoruma öhdəliyi yaradır”

Paşinyan: "Ermənistanı 'banan respublikası' olmaqdan xilas etdik"

İnflyasiya və gəlirlər arasında uçurum: Azərbaycanda bahalaşma davam edir

Redaktorun Tövsiyələri

İnflyasiya və gəlirlər arasında uçurum: Azərbaycanda bahalaşma davam edir

Milli Onkologiya Mərkəzində müalicə almış şəxs: “Bəzi dərmanlar yalnız həkimin yönləndirdiyi apteklərdə və baha satılırdı”

Azərbaycan və Ermənistan bir-birinə hansı məhsulları sata bilər?

Ramil Babayev yazır: “Bakı İstintaq Təcridxanasında zorakılıq ayıdır”

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

İranın Hörmüz silahı öz əleyhinə çevrilir?

Siyasət

Həyat yoldaşı: "Azər Qasımlının qaldığı 4 nəfərlik kamerada 6 nəfər saxlanılır, biri Hepatit C xəstəsidir"

11 May 2026

Sosial media

Həbsdə olan müxalif siyasətçi Azər Qasımlının saxlanıldığı Umbakı Pentensiar Kompleksində məhbusların saxlanma qaydalarının pozulduğu bildirilir. Bu barədə onun həyat yoldaşı Samirə Qasımlı sosial media hesabında məlumat yayıb. Onun sözlərinə görə, A.Qasımlının saxlanıldığı kamera 4 nəfər üçün nəzərdə tutulsa da, kamerada 6 nəfər saxlanılır, onların biri isə "Hepatit C" xəstəliyindən əziyyət çəkir. "Azər şəxsən müraciət etmişdi ki, bu adamın ayaqları şiş vəziyyətində (qanqrena əlamətləri) olduğu üçün təcili xəstəxanaya yerləşdirilməlidir və müalicə olunmalıdır. Bundan sonra xəstə məhbus Penitensiar Xidmətin Müalicə Müəssisəsinə köçürüldü. Lakin bir həftədən sonra, məhbusun dediyinə görə, baş həkimin xəbəri olmadan müalicəsi yarımçıq saxlanılaraq rəisin göstərişi ilə o, yenidən Umbakıya...

Davamını oxu

Siyasət

AP-də Azərbaycanla bağlı dinləmə: “Avropa Şurasına üzvlük Azərbaycana mətbuat azadlığını qoruma öhdəliyi yaradır”

8 May 2026

açıq mənbə

Mayın 7-də Avropa Parlamentinin İnsan hüquqları altkomitəsində Azərbaycanda insan hüquqlarına dair vəziyyətlə bağlı dinləmə keçirilib. Dinləmədə çıxış edən hüquq müdafiəçisi Səməd Rəhimli Azərbaycanda siyasi müxalifətə qarşı yeni cinayət işlərinə nümunə olaraq Azərbaycan Xalq Cəbhəsi Partiyasının (AXCP) sədri Əli Kərimlinin dövlət çevrilişinə cəhd ittihamı ilə həbsini və mühacirlərə qarşı hakimiyyəti ələ keçirməyə çağırış ittihamı ilə açılan cinayət işlərini göstərib. "Azərbaycan hakimiyyəti Cinayət Məcəlləsini müxtəlif cür şərh etməklə qanunları siyasi müxalifətə qarşı öz əlində silaha çevirir. Jurnalistlərə qarşı isə maliyyə ilə bağlı cinayətlərlə əlaqəli ittihamlar irəli sürülür", - o qeyd edib. Daha sonra çıxış edən "Qəzetçi" nəşrinin baş redaktoru Leyla Mustafayeva isə...

Davamını oxu