Siyasət

İşçi hüquqları fəalının cərimə kamerasına salındığı deyilir

3 İyul, 2026

Fərqanə Novruzova

"İşçi Masası" Həmkarlar İttifaqları Konfederasiyasının üzvü Elvin Mustafayevin saxlanıldığı 17 saylı Cəzaçəkmə Müəssisəsində cərimə kamerasına ("kars") yerləşdirildiyi bildirilir.
Bu barədə onun yaxınları iyulun 2-də məlumat yayıblar.

Onların sözlərinə görə, Elvin Mustafayev iyunun 30-da cərimə kamerasına salınıb və buna etiraz olaraq iyulun 1-dən aclıq aksiyasına başlayıb.
Yaxınlarının bildirdiyinə görə, Mustafayevin cəza müddətinin başa çatmasına təxminən 40 gün qalıb. Onlar iddia edirlər ki, penitensiar müəssisənin rəhbərliyi onu məqsədli şəkildə təxribata çəkməyə çalışır.

İddialarla bağlı Penitensiar Xidmətdən münasibət almaq mümkün olmayıb.

Elvin Mustafayev daha əvvəl də cəzaçəkmə müəssisəsinin rəhbərliyi tərəfindən hədələndiyini bildirmişdi. Onun sözlərinə görə, müəssisənin rejim rəisi Samit Qafarov onu əlavə cinayət işi açılacağı ilə hədələyib. Mustafayev iddia edirdi ki, buna səbəb siyasətçi Tofiq Yaqublunun səhhətinə göstərilən laqeyd münasibətə etiraz etməsi olub.

Elvin Mustafayev 2023-cü ilin avqustunda narkotik vasitələrin qanunsuz dövriyyəsində ittiham olunaraq saxlanılıb. Bakı Ağır Cinayətlər Məhkəməsinin 2024-cü il yanvarın 31-də çıxardığı hökmə əsasən, o, 3 il müddətinə azadlıqdan məhrum edilib.

Mustafayev ittihamı qəbul etməyib və cinayət təqibini "İşçi Masası" Həmkarlar İttifaqları Konfederasiyasındakı fəaliyyəti ilə əlaqələndirib.

2022-ci ildə yaradılan "İşçi Masası" Həmkarlar İttifaqları Konfederasiyasının dörd üzvü - sədr Afiəddin Məmmədov, eləcə də Ayxan İsrafilov, Elvin Mustafayev və Möhyəddin Orucov hazırda həbsdədir. Onlar müxtəlif ittihamlarla üzləşsələr də, ittihamların siyasi motivli və qurama olduğunu bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Tərtər işi": 5 milyon manat təzminat istəyən ataya 40 min manat kəsilib

Kreml: "Əliyevin Ukraynanın ərazi bütövlüyü ilə bağlı mövqeyi yanlışdır"

Ruslan İzzətli oğluna: “Sənin və həmyaşıdlarının azad yaşaması üçün hər cəzaya hazıram"

ABŞ: "Tramp marşrutu”nda gömrük və sərhəd xidməti Ermənistanın nəzarətində olacaq

Həbsdə olan inanclı fəallar qadın məhbuslar üçün aclığa başlayıb

Tramp Hörmüzdə gəmiləri qorumağa görə ödəniş istəyir

Redaktorun Tövsiyələri

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

Siyasət

Kreml: "Əliyevin Ukraynanın ərazi bütövlüyü ilə bağlı mövqeyi yanlışdır"

14 İyul 2026

president.az

Azərbaycan prezidenti İlham Əliyev iyulun 13-də Şuşada keçirilən Qlobal Media Forumunda ölkəsinin Ukraynanın ərazi bütövlüyünü və suverenliyini dəstəklədiyini bildirib. Kreml sözçüsü Dmitri Peskov isə iyulun 14-də jurnalistlərlə söhbətində bu mövqenin yanlış olduğunu deyib. "Bütün kanallar vasitəsilə, ardıcıl şəkildə əsaslandırılmış arqumentlərlə bunun niyə yanlış mövqe olduğunu izah etməyə davam edəcəyik", - o əlavə edib. Lakin Peskov bu cür fikir ayrılıqlarının ikitərəfli münasibətlər üçün təhlükə yaratmadığını düşündüyünü də deyib. "Bizim yaxın münasibətlərdə olduğumuz və bu məsələdə bizim qətiyyən razılaşmadığımız mövqeyi bölüşən bir sıra dövlətlər var. Bəli, bu fikir ayrılıqları mövcuddur. Lakin hesab edirik ki, bu məsələ ikitərəfli münasibətlərimizə kölgə salmaq üçün əsas...

Davamını oxu

Siyasət

Həbsdə olan inanclı fəallar qadın məhbuslar üçün aclığa başlayıb

14 İyul 2026

Toplum TV

Həbsdə olan bir qrup inanclı fəal "siyasi məhbus" kimi tanınan qadınlar üçün aclığa başlayıb. Jurnalist Arzu Abdullanın "Toplum TV"-yə dediyinə görə, onlar Umbakı Penitensiar Kompleksində saxlanılan, Müsəlman Birliyi Hərəkatının (MBH) üzvləri Süleyman Ələkbərov, Vəli Allahverdiyev, Vüqar Alıyev və Elvin Zeynalovdur. İlk üç inanclı iyulun 11-də, E.Zeynalov isə iyulun 13-də aclığa başlayıb. Onlar həbsdə olan 9 qadın jurnalistin, eləcə də 6 inanclı qadın fəalın azadlığa buraxılmasını tələb edirlər. Qadın jurnalistlər son üç il ərzində "Abzas Media" və "Meydan TV"-yə qarşı cinayət işləri üzrə həbs olunub. Onlar qaçaqmalçılıq, vergidən yayınma, qanunsuz sahibkarlıq kimi əməllərdə ittiham olunurlar. Özləri isə əslində peşə fəaliyyətlərinə görə...

Davamını oxu