Siyasət

Kallas: “ABŞ Avropanı parçalamaq istəyir"

13 Mart, 2026

Foto: Shutterstock

Avropa İttifaqının (Aİ) xarici siyasət və təhlükəsizlik üzrə ali nümayəndəsi Kaya Kallas düşünür ki, ABŞ Avropanı parçalamaq istəyir.

O, bunu "The Financial Times" nəşrinə martın 13-də dərc olunmuş müsahibədə deyib.

“Məncə hamının anlamasının həqiqətən vacib olduğu bir şey odur ki, ABŞ Avropanı parçalamaq istədiyini çox açıq şəkildə bəyan edib. Onlar Avropa İttifaqını sevmirlər", - Kallas qeyd edib.

O əlavə edib ki, ABŞ-nin yanaşması Aİ-nin rəqiblərinin istifadə etdiyi taktikaları xatırladır.

Kallasın sözlərinə görə, Aİ ölkələri ABŞ prezidenti Donald Tramp ilə ikitərəfli qaydada ayrı-ayrılıqda yox, birlikdə danışıq aparmalıdırlar.

Aİ-nin müdafiə məsələsinə gəldikdə isə, o bildirib ki, blok “ABŞ-dən silah almağa məcburdur, çünki bizdə ehtiyac duyduğumuz resurslar, imkanlar və ya qabiliyyətlər yoxdur.” O əlavə edib ki, Avropa öz müdafiə sənayesinə sərmayə qoymalıdır.

Tramp ötən ilin yanvarında prezidentlik səlahiyyətlərinə başlayandan bəri Aİ-ni hədəf alıb. O, Aİ-yə üzv ölkələrdən idxal olunan məhsullara tariflər tətbiq edib. Tramp, həmçinin, Danimarka ərazisi olan Qrenlandiyanı almaq istəyib.

Bu həftə isə Tramp administrasiyası "ədalətsiz ticarət praktikaları" iddiası ilə Aİ və digər ölkələr, o cümlədən Çin, Hindistan, Yaponiya, Cənubi Koreya və Meksika barəsində araşdırmalar başladıb.

ABŞ Ali Məhkəməsi ötən ay Trampın tariflərini qanunsuz hesab etsə də, administrasiya tarifləri qüvvədə saxlamaqda iddialıdır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qraffitiyə görə həbs olunan gəncin həbs müddəti 2 ay uzadılıb

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

Mərakeşdən yüzlərlə miqrant İspaniyanın Seuta anklavına keçib

Əli Kərimlinin mühafizəçisi 9 il azadlıqdan məhrum edilib

Kamal İsayevin məhkəməsi davam edir: "Bu proses söz davası olmamalıdır"

Bəhruz Səmədov: "Göz müayinəsi üçün hələ də həkim göndərilmir"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Bəhruz Səmədov: "Göz müayinəsi üçün hələ də həkim göndərilmir"

30 İyul 2026

Sosial media

Həbsdə olan sülh fəalı və akademik tədqiqatçı Bəhruz Səmədov gözündəki problemə baxmayaraq hələ də müayinədən keçmədiyini deyir. Bu barədə ictimai fəal Əmrah Təhməzov "Toplum TV"-yə məlumat verib. Onun sözlərinə görə, 10 gün əvvəl B.Səmədovun uzun müddət əvvəlki çağırışına cavab olaraq müayinə üçün dəri həkimi göndərilib. "Ekzema adlı dəri xəstəliyindən də əziyyət çəkir. Lakin gözündəki problemlə bağlı da daha öncə həkim istəsə də, hələ də təmin olunmayıb. Dəri həkimi deyib ki, 1-2 günə göz həkimi də gələcək. Lakin hələ də göndərilməyib", - o qeyd edib. B.Səmədov bununla bağlı Ombudsman Aparatına şikayət etdiyini, hələ də cavab almadığını bildirib. İyulun 9-da sülh fəalı...

Davamını oxu

Siyasət

HRW: “Bu, müstəqil mediaya qarşı repressiyalar başlayandan bəri çıxarılan ən ağır hökmdür”

30 İyul 2026

Açıq mənbə

“2026-cı il iyulun 27-də Azərbaycan məhkəməsi doqquz media əməkdaşı və vətəndaş cəmiyyəti fəalını 12 ildən 15 ilədək azadlıqdan məhrum edib. Bu, hökumətin müstəqil mediaya qarşı davam edən repressiyalarına başladığı vaxtdan bəri çıxarılan ən ağır cəzalardır. “Human Rights Watch” (HRW) insan haqları təşkilatının “Toplum TV işi” üzrə çıxarılmış hökmlərlə bağlı açıqlamasında belə deyilir. Təşkilat qeyd edir ki, bu, 2025-ci ilin iyununda “Abzas Media işi” üzrə jurnalistlərə verilən 7 il 6 aydan 9 ilədək həbs cəzalarını da geridə qoyur. HRW xatırladır ki, hakimiyyət əvvəlcə doqquz nəfəri qaçaqmalçılıqda ittiham edib, daha sonra isə onlara digər maliyyə xarakterli ittihamlar da əlavə olunub. “Təqsirləndirilən şəxslərin...

Davamını oxu