Siyasət

Polşa Rusiya dronlarını vurub

10 Sentyabr, 2025

Foto: Reuters

Polşa ordusu hava məkanını pozan Rusiya dronlarını vurub.

Bu, NATO üzvü olan ölkənin Rusiyaya qarşı ilk belə addımıdır.

“Bu hücum vətəndaşlarımızın təhlükəsizliyi üçün real təhdid yaradan bir aqressiya aktıdır", - deyə Polşanın Əməliyyat Komandanlığı sentyabrın 10-u səhər "X" səhifəsində yaydığı paylaşımda bildirib.

Bildirilir ki, dronlar Ukrayna üzərinə hücuma gedərkən Polşa hava məkanını pozublar.

Baş nazir Donald Task “Polşa hava məkanının bir neçə dəfə pozulması ilə bağlı” hərbi əməliyyatın davam etdiyini təsdiqləyib və bildirib ki, “ordu yad obyektlərə qarşı silah işlədib.”

“Vətənimizin təhlükəsizliyi bizim üçün ən yüksək prioritetdir”, - deyə prezident Karol Navrotski "X"-də bildirib və əlavə edib ki, qarşıdakı saatlarda Polşanın Milli Təhlükəsizlik Bürosunun iclasını keçirəcək.

Ukrayna müharibəsinin sonlandırılması üzrə danışıqların dalana dirənməsi fonunda Rusiya son günlərdə hücumların miqyasını artırıb.

Son günlərdəki hücumlar əsasən Ukrayna ərazisində və paytaxt Kiyev yaxınlığında yaşayış məntəqələrini hədəfə alıb. Ukrayna rəsmiləri bildirib ki, sentyabrın 9-da Donetsk regionunun Yarova kəndinə edilən Rusiya zərbəsində 24 mülki şəxs həlak olub.

Ötən həftəsonu Rusiya indiyə qədərki ən böyük hücumunu həyata keçirərək Ukrayna üzərinə 800-dən çox dron göndərib və ilk dəfə olaraq Kiyevdə hökumət binasını vurub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Əsgər ölümünə görə həbsdə olan komandir və tibbi xidmət rəisi azadlığa buraxılıb

Simonyan: "Azərbaycanda mağazalarda erməni malları olacaq"

Türkiyədə "Habertürk" və "Show TV" daxil olmaqla 121 şirkətə həbs qoyulub

Bəhruz Səmədov aclığı dayandırıb

"Zərərçəkən" Azər Qasımlının ondan öz pulunu istədiyini etiraf edib

Paşinyan "Tramp marşrutu" üçün BƏƏ modeli təklif edir

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

Simonyan: "Azərbaycanda mağazalarda erməni malları olacaq"

11 Sentyabr 2025

Foto: parliament.am

Ermənistan parlamentinin sədri Alen Simonyan ölkəsi ilə Azərbaycan arasında sülhün yaranma perspektivlərindən danışıb. Jurnalistlərə danışan parlament sədri iki ölkə xalqları arasında münasibətlərin düzələcəyinə ümid etdiyini, lakin bunun üçün vaxt lazım olduğunu deyib. "Əksər ermənilərin Azərbaycan sərhədçisinin üzünü görmək istəməməsi yaxşı hal deyil, çünki biz qonşuyuq və zaman keçdikcə bu məsələ də aktual olacaq. Həmin o ermənilər və azərbaycanlılar Moskvada birgə biznes qurur, dostluq edir və bir-birinin ad gününə gedirlər, başqa ölkələrdə də eynilə belədir", - o qeyd edib. “Bəli, gərginlik var, həm bizdə, həm də onlarda yaralar təzədir. Biz adam öldürməmişikmi, azərbaycanlı tərəfdən ölən olmayıbmı?”, - Simonyan bildirib. O əlavə...

Davamını oxu

Siyasət

Türkiyədə "Habertürk" və "Show TV" daxil olmaqla 121 şirkətə həbs qoyulub

11 Sentyabr 2025

Foto: Habertürk

Türkiyədə "Can Holding" şirkətlər qrupuna qarşı cinayət işi açılıb. Şirkət idarəçiləri cinayətkar təşkilat yaratmaq, qaçaqmalçılıq, dələduzluq və qanunsuz valyutanın leqallaşdırılması ittihamları ilə üzləşib. 10 nəfər barəsində şübhəli şəxs qismində saxlanma qərarı verilib. Holdinqə daxil olan 121 şirkətin əmlak və aktivlərinə isə həbs qoyulub. Şirkətlər arasında "Show TV", "Habertürk", İstanbul Bilgi Universiteti, "Ciner Media", Doğa Məktəbləri İdarəçiliyi, "Turkish Tobacco" Tütün Məhsulları Satışı Anonim Şirkəti var. Saxlanılan şəxslərin "Can Holding"ə bağlı şirkətlər vasitəsilə mənbəyi bəlli olmayan külli miqdarda valyutanı leqallaşdırmağa çalışdığı vurğulanır. İttihama əsasən, holdinq altında yaradılan "məqsədyönlü cinayət təşkilatı" Kemal Can, Mehmet Şakir Can və Kenan Tekdağın rəhbərliyi ilə fəaliyyət göstərib. ...

Davamını oxu