Siyasət

Azərbaycan jurnalist həbsinə görə ilk 5 ölkə arasındadır - İFJ

7 Yanvar, 2025

532

açıq mənbədən götürülüb

Beynəlxalq Jurnalistlər Federasiyasının (IFJ) illik hesabatına görə, Azərbaycan həbsdə olan jurnalistlərin sayının ən çox olduğu Avropa ölkələri arasında beşinci yerdədir (Turan).

Azərbaycanda hazırda 25 jurnalist həbsdədir. Bunların əksəriyyəti tənqidçi medianın - Abzas Media, Meydan TV və Toplum TV-nin əməkdaşlarıdır. Onların çoxu qaçaqmalçılıqda ittiham edilir, özləri ittihamı rədd edir, jurnalist fəaliyyətlərinə, korrupsiya araşdırmalarına görə həbs olunduqlarını bildirirlər.

Daha bir azərbaycanlı jurnalist Əfqan Sadıqovsa Azərbaycan hakimiyyətinin sorğusu ilə Gürcüstanda həbs edilib.

IFJ-nin hesabatında deyilir ki, ötən il dünyada 516 jurnalist həbs olunub. Əvvəlki illərlə müqayisədə kəskin artım qeydə alınıb - 2023-cü ildə 427, 2022-ci ildə 375 jurnalist həbs olunub.

Qeyd olunur ki, ən çox jurnalist (135) Çində həbs edilib.

Sonrakı yerlərdə 59 fələstinli jurnalistlərin həbsi ilə İsrail, 44 mətbuat işçisinin həbsi ilə isə Myanma gəlir.

Azərbaycan həbsdə olan jurnalistlərin sayına görə Avropada Rusiya (38), Belarus (30), Ukrayna (28) və Türkiyə (20) ilə birlikdə ilk beş ölkə arasında yer alır.

Hesabatda deyilir ki, 2024-cü ildə dünyada 122 jurnalist və KİV işçisi öldürülüb, onlardan 14-ü qadındır.

Federasiya ötən ili jurnalistlər üçün ən ölümcül illərdən biri kimi qiymətləndirib. Hesabata əsasən, Yaxın Şərqdə və ərəb dünyasında 77, Afrikada 10, Amerikada 9 və Avropada 4 jurnalist öldürülüb.

IFJ BMT-nin Jurnalistlərin Müdafiəsi haqqında Beynəlxalq Konvensiyasının təcili qəbul edilməsi zərurətini də vurğulayıb.

Ötən il beynəlxalq təşkilatlar Azərbaycan hakimiyyətini jurnalistləri azad etməyə çağırıblar. Azərbaycan hakimiyyəti isə onların peşə fəaliyyətinə görə həbs edilmədiyini, ölkədə söz, fikir azadlığının təmin olunduğunu bəyan edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ramiz Mehdiyevin işi Bakı Ağır Cinayətlər Məhkəməsinə göndərilib

DGK: Azərbaycan bu il 9 milyard dollarlıq neft ixrac edib

Ülviyyə Əli: "Həbsimiz İlham Əliyevin şüurlu seçimidir"

İctimai fəal: “Bu hakimiyyət artıq mənim həyatımdan 1000 gündən çox oğurlayıb”

İqbal Əbilov barədə 22 səhifəlik hesabat: qaydaları pozduğu iddia olunur

İsrail Qəzza barədə filmin rejissorlarını vətəndaşlıqdan məhrum etməklə hədələyib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Ramiz Mehdiyevin işi Bakı Ağır Cinayətlər Məhkəməsinə göndərilib

15 Sentyabr 2026

sosial media

Prezident Administrasiyasının keçmiş rəhbəri Ramiz Mehdiyevin işi üzrə ibtidai istintaq başa çatıb. İş Bakı Ağır Cinayətlər Məhkəməsinə göndərilib. Hökumətə yaxın media qurumlarının əlumatına görə, işə hakim Murad Aslanovun sədrliyi ilə baxılacaq. İlk məhkəmə iclası sentyabrın 21-nə təyin olunub. Mehdiyev dövlətə xəyanət, hakimiyyəti zorla ələ keçirməyə yönələn əməllər, cinayət yolu ilə əldə edilmiş əmlakın leqallaşdırılması və rüşvət almaqda ittiham olunur. Onun barəsində cinayət təqibi 2025-ci ilin oktyabrında başlayıb. Oktyabrın 14-də Səbail rayon Məhkəməsi onun haqqında dörd aylıq ev dustaqlığı qətimkan tədbiri seçib. Mehdiyevin ev dustaqlığı müddəti sonradan bir neçə dəfə artırılıb. Eyni iş çərçivəsində Azərbaycan Xalq Cəbhəsi Partiyasının (AXCP) sədri Əli...

Davamını oxu

Siyasət

Ülviyyə Əli: "Həbsimiz İlham Əliyevin şüurlu seçimidir"

15 Sentyabr 2026

sosial media

Sentyabrın 14-də Bakı Ağır Cinayətlər Məhkəməsində "Meydan TV işi" üzrə növbəti məhkəmə prosesi keçirilib. "Meydan TV"nin xəbərinə görə, hakim Zaur Hacıyevin sədrliyi ilə baş tutan prosesdə iş üzrə həbs olunan jurnalistlərdən Ülviyyə Əli (Quliyeva) ifadə verib. Jurnalist ittihamları rədd edib və həbsinin siyasi sifarişli olduğunu bildirib. "Bu gün mən İlham Əliyev və onun sadiq qullarını ittiham edirəm. Bizim həbsimiz hansısa ehtiyatsızlıqdan alınmış qərar deyil. Bizim həbsimiz İlham Əliyevin etdiyi şüurlu və məqsədli seçimdir, onun siyasi iradəsidir. Və bəli, mən sizi insan hüquqlarını tapdalamaqda, hüququn aliliyinə ləkə bulaşdırmaqda, öz tənqidçilərinizə qarşı dözümsüz yanaşmaqda, o kürsülərdə vətəndaşlarınızın canı və qanı bahasına əyləşməkdə,...

Davamını oxu