Siyasət

Tofiq Yaqublunun qızı: “Atamın başına nəsə gəlməsindən narahatıq”

12 noyabr, 2026

sosial media

Müsavat Partiyasının və Milli Şuranın üzvü, həbsdə olan Tofiq Yaqublunun ailəsi ondan narahatdır.

Siyasətçinin qızı Nigar Həzi noyabrın 12-də sosial media hesabında yazıb ki, atası adətən zəng günləri saat 10-11 arası evə zəng edir. Onun sözlərinə görə, həmin vaxtdan iki saatdan çox keçməsinə baxmayaraq, Yaqublu ailəsi ilə əlaqə saxlamayıb.

“Ayın 10-u ata ilə görüşəndə həbsxanada ona qarşı təzyiqlərin yenidən başladığını demişdi. Bu təzyiqlər Sahib Rzayev Penitensiar Xidmətə yeni rəis təyin olunandan sonra başlayıb. Mən görüş günü bunu ictimailəşdirmədim. Düşündüm ki, səngiyər. Ancaq bu gün atanın evə zəng etməməsi bizdə ciddi narahatlıq və onun başına nəsə gəldiyi ehtimalını yaradır”, - Nigar Həzi yazıb.

O, atasının saxlanıldığı həbsxanadakı şəraitdən də narazılıq edib:

“Onsuz da saxlanıldığı həbsxana olduqca dəhşətli yerdir. Yarımqapalı rejim, antisanitariya, üstəlik də bitib-tükənməyən təzyiqlər. Sözsüz ki, Tofiq Yaqubluya qarşı təzyiqlərin sifarişi Prezident Administrasiyasından gəlir. Görünən odur ki, Penitensiar Xidmətin yeni rəisi Sahib Rzayev də yeni vəzifəsinin ‘haqqını’ layiqincə vermək, yuxarıdakıların gözünə girmək üçün Tofiq Yaqubluya qarşı təzyiq göstərilməsini tapşırıb”.

“Toplum TV” deyilənlərlə bağlı Penitensiar Xidmətdən münasibət öyrənə bilməyib.

Tofiq Yaqublu ötən il martın 10-da Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum edilib. O, külli miqdarda ziyan vurmaqla dələduzluq və saxta sənəd hazırlama və ya istifadə etmə ittihamları ilə təqsirli bilinib. Yaqublu ittihamları siyasi motivli sayır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ülvi Həsənlinin 10 gündür “kars”da saxlanıldığı bildirilir

Əbu-Dabi danışıqları: Ukrayna və Rusiya yalnız əsir mübadiləsi üzrə razılığa gəlib

Qafqaz Müsəlmanları İdarəsi: “Yerevandakı Göy məsciddə keçirilən mərasim vandalizm təzahürüdür”

Ermənistan KTMT-də səsvermə hüququndan məhrum edilib

Berlində həbsdə olan azərbaycanlı jurnalistlərə dəstək sərgisi keçirilib

İran Argentina Hərbi Dəniz və Hərbi Hava Qüvvələrini “terror təşkilatı” elan edib

Redaktorun Tövsiyələri

Siyasi məhbus kimi tanınan bir qrup şəxs: “Əliyev rejimi ölkəni həbs qəbiristanlığına çevirib”

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Siyasət

Ülvi Həsənlinin 10 gündür “kars”da saxlanıldığı bildirilir

12 noyabr 2026

foto:şəxsi arxivi

“Abzas Media”nın direktoru, 9 il azadlıqdan məhrum edilən Ülvi Həsənlinin artıq 10 gündür cərimə kamerasında (“kars”) saxlanıldığı deyilir. Bu barədə nəşrin baş redaktoru Günel Səfərova noyabrın 11-də sosial media hesabında məlumat yayıb. Səfərovanın sözlərinə görə, Həsənlidən müxtəlif cəzaçəkmə müəssisələrindən “Abzas Media”ya daxil olan məhbus şikayətlərinin saytdan silinməsi tələb olunur: “Həbsxanalardakı problemləri həll etmək əvəzinə, onları ictimailəşdirən medianın həbsdə olan jurnalistlərinə təzyiq göstərmək çıxış yolu deyil”, - G.Səfərova bildirib. Noyabrın 3-də Ülvi Həsənlinin həyat yoldaşı Rübabə Quliyeva onun bir gün əvvəl 10 saylı Cəzaçəkmə Müəssisəsinin cərimə kamerasına salındığını bildirmişdi. O, Həsənlinin məhbusların şikayətləri əsasında hazırlanan materiallarla əlaqədar müəssisə rəhbərliyi tərəfindən təhdid...

Davamını oxu

Siyasət

Siyasi məhbus kimi tanınan bir qrup şəxs: “Əliyev rejimi ölkəni həbs qəbiristanlığına çevirib”

9 noyabr 2026

Toplum TV

Azərbaycanın müxtəlif həbsxanalarında və istintaq təcridxanalarında saxlanılan, siyasi motivlərlə həbs edilən bir qrup məhbus birlik çağırışı ilə bəyanat yayıblar. Bəyanatın “Toplum TV işi” üzrə 15 il azadlıqdan məhrum edilən, ResPlatformanın spikeri Akif Qurbanovun “Fikirdə, hədəfdə və əməldə birlik vaxtıdır” çağırışına dəstək olaraq imzalandığı bildirilir. Bəyanat müəllifləri ölkədə repressiyaların genişləndiyini bildirərək, siyasi məhbus sayılan şəxslərin probleminin cəmiyyətin və beynəlxalq ictimaiyyətin əsas gündəminə çevrilməsinə çağırıblar. “Toplum TV” bəyanatı olduğu kimi təqdim edir. “Azərbaycanın avtoritar hakimiyyəti geopolitik çəkişmələr, regional münaqişələr və bütün bunların ölkədə dərinləşən insan hüquqları ilə bağlı böhrana zəif təsirində sui-istifadə edərək faktiki ölkədə politisidi (siyasi genosid) nəinki aktiv saxlayır, həmçinin...

Davamını oxu