Sosial

Keçmiş siyasi məhbusun cəsədi dənizdən tapılıb

5 May, 2021

2192

Sosial Media

İctimai fəal, keçmiş siyasi məhbus Bayram Məmmədovun cəsədi İstanbulda dənizdən tapılıb.

Bu barədə mayın 5-də onun Türkiyədə yaşayan dostları məlumat yayıb.

İlkin xəbərlərə görə, B.Məmmədov haqqında mayın 2-dən etibarən xəbər almaq mümkün olmayıb. Onun barəsində axtarış elan etmək üçün polisə müraciət edildikdən sonra öldüyü məlum olub.

Dənizdən tapılan nəşin fotosu dostlarına göstərilib və onun Bayram Məmmədov olduğu müəyyən edilib. Ölüm hadisəsinin təfərrüatları barədə isə hələlik məlumat yoxdur.

B.Məmmədov 2016-cı ilin may ayının 10-da ictimai fəal Qiyas İbrahimovla birlikdə eks-prezident Heydər Əliyevin heykəlinə “Qul bayramınız mübarək” və “F..ck the system” sözləri yazdıqdan sonra həbs olunmuşdular. Rəsmi açıqlamada B.Məmmədovun və Q.İbrahimovun üzərində və yaşadıqları evlərdə iri həcmdə narkotik (heroin) tapıldığı iddia olunmuşdu.

Bakı Ağır Cinayətlər Məhkəməsi 2016-cı il oktyabrın 25-də Qiyas İbrahimovu, həmin il dekabrın 8-də isə Bayram Məmmədovu 10 il müddətinə azadlıqdan məhrum etmişdi.

“Amnesty International” təşkilatı hər iki fəalın “vicdan məhbusu” adlandırmışdı.

İctimai fəallar 2019-cu ilin martında Prezident İlham Əliyevin imzaladığı əfv sərəncamı ilə azadlığa buraxılmışdılar.

Həmin ilin aprelin 2-də yenidən məhkəmə qarşısına çıxarılan və 30 sutkalıq inzibati həbs cəzasına məhkum edilən B.Məmmədov həbsdə olduğu zaman işgəncələrə məruz qaldığını bildirmişdi.

İctimai fəal 30 sutkalıq inzibati həbs cəzasına məhkum edilməsini və işgəncələrə məruz qalmasını sosial şəbəkələrdə yazdığı siyasi məzmunlu yazılarla əlaqələndirirdi.

Bayram Məmmədov bir müddət idi ki, Türkiyədə yaşayırdı.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Bayram Məmmədovun ölümü Türkiyə parlamentinin gündəliyinə çıxarıldı

Bayram Məmmədovun ölümü ilə bağlı Türkiyə səfirliyi qarşısında aksiya

Bayram Məmmədovun nəşi bu gün Bakıya gətiriləcək

Bayram Məmmədovun ölümüylə bağlı Azərbaycan konsulluğu qarşısında etiraz aksiyası

Elgiz Qəhrəman: "Bakıya qayıtmaq istəyən adam niyə intihar etsin?"

Bayram Məmmədov: "Doğruluq, ədalət və bərabərlik uğrunda mübarizə aparın!"

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Sosial

Xankəndidə yaşayan iş adamı: "Evimi boşaltdılar, dedilər bir də bura ayaq basma"

9 Sentyabr 2026

Meydan TV

Qarabağda təmir-bərpa işləri görmüş və pulunu ala bilmədiyini deyən şirkət rəhbəri həbslə hədələndiyini iddia edir. "Nihat 2024" MMC-nin rəhbəri Nəsimi Hətəmov ödənişlə bağlı problemini əvvəlcə sosial mediada, daha sonra "Meydan TV" vasitəsilə ictimailəşdirib. Onun sözlərinə görə, şirkət Xocalının Daşbulaq kəndində təmir işləri görüb, lakin aidiyyəti qurumlardan ödənişini ala bilməyib. "28 nəfər işçinin məndən almalı olduğu pul var. Vergi orqanlarına 17-18 min manat borcum var. Borc yiyələri maşınımı da əlimdən alıblar. Evimdə gecələyə bilmirəm", - o, "Meydan TV"yə müsahibəsində deyib. N.Hətəmov sentyabrın 9-da yayımlanan müsahibədə isə bildirib ki, Xankəndidə yaşadığı ev polis tərəfindən boşaldılıb. "Həyat yoldaşımın başının üstündə 2-3 polis dayanıb,...

Davamını oxu

Sosial

Məhkəmə pensiyası kəsilən pilotların lehinə qərar verib: Aralarında AZAL qəzasında həlak olan da var

8 Sentyabr 2026

Toplum TV

Azərbaycanda müxtəlif vaxtlarda pensiyaya çıxmış, amma peşə fəaliyyətini davam etdirən mülki pilotlar Dövlət Sosial Müdafiə Fondunu (DSMF) məhkəməyə verib. Bu barədə sentyabrın 7-də "Azadlıq Radiosu"nun verdiyi məlumata görə, şikayətə səbəb 2024-cü ilin yayında pilotların pensiyasının yenidən hesablanaraq azaldılması olub. Ümumilikdə 76 pilot fonda qarşı iddia ilə çıxış edib. Onların arasında 2024-cü ilin dekabrında qəzaya uğrayan AZAL təyyarəsinin kapitanı olmuş, prezident tərəfindən Milli Qəhrəman adı verilmiş İqor Kşnyakin də olub. Bakı İnzibati Məhkəməsi pilotların iddiasını təmin etsə də, DSMF apellyasiya şikayəti verib. Fond Kşnyakin istisna olmaqla, digər 75 pilot barədə aşağı instansiya məhkəməsinin qərarının ləğvini istəyib. Çünki həmin vaxta qədər artıq...

Davamını oxu