Sosial

Həyat yoldaşı: “Polad Aslanova hücum olub, ‘kars’a salınıb”

1 May, 2026

158

Sosial media

Həbsdə olan jurnalist Polad Aslanovun saxlandığı 15 saylı Cəzaçəkmə Müəssisəsində cərimə kamerasına (‘kars’) salındığı bildirilir.

Bu barədə “Toplum TV”-yə jurnalistin həyat yoldaşı Gülmirə Aslanova məlumat verib.

Onun sözlərinə görə, aprelin 29-da Polad Aslanova digər məhbus tərəfindən hücum edilməsi barədə məlumat əldə edib: “Digər məhbus həyat yoldaşıma hücum edib. Bundan sonra hər ikisi 15 günlük ‘kars’a salınıb. Hücuma məruz qalan Polad Aslanovdur, amma niyə onu da ‘kars’a saldıqlarını anlamıram. Hazırda onunla əlaqə saxlaya bilmirəm və həyatından narahatam. Gün ərzində dəfələrlə Ombudsman Aparatı ilə əlaqə yaratmağa çalışmışam, lakin cavab ala bilməmişəm.”

G. Aslanova əlavə edib ki, mayın 1-də Penitensiar Xidmətin Əməliyyat-Rejim İdarəsinin rəisi Fikrət Qafarovun qəbulunda olub və ona məsələnin araşdırıldığı bildirilib.

Hələlik, bütün bu deyilənlərə Penitensiar Xidmət və başqa rəsmi qurumlardan münasibət almaq mümkün olmayıb.

Polad Aslanovun cəzaçəkmə müəssisəsində işgəncəyə məruz qalması ilə bağlı iddiasına baxılması üçün aprelin 23-də Səbail Rayon Məhkəməsində proses keçirilib və məhkəmə şikayəti baxışa götürüb.

Polad Aslanov 2019-cu ildə casusluq ittihamı ilə həbs olunub. O, ittihamları rədd edir və bunu korrupsiya ilə bağlı ifşaları ilə əlaqələndirir.

Hüquq müdafiəçiləri onu siyasi məhbus kimi tanıyır. Avropa İnsan Hüquqları Məhkəməsi də onun həbsi ilə bağlı Azərbaycan hökumətinə qarşı qərar çıxarıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Sosial

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

17 İyun 2026

Azərtac

Naxçıvan Dövlət Televiziyasının bir qrup əməkdaşı maaşların azaldılması, əmək hüquqlarının pozulması və idarədəki vəziyyətlə bağlı narazılıqlarını ifadə edərək, Naxçıvan Ali Məclisinin qarşısında etiraz aksiyası keçirməyi planlaşdırdıqlarını bildiriblər. Əməkdaşlar bununla bağlı “Gündəlik Naxçıvan” vasitəsilə ictimaiyyətə müraciət ünvanlayıblar. Müraciətdə qeyd olunur ki, işçilər əmək haqqları aşağıdır və bu, müntəzəm narazılığa səbəb olur. “Naxçıvan Televiziyasının tarixində bəlkə də heç bir dövrdə əməkdaşlara qarşı bu qədər laqeyd münasibət müşahidə olunmayıb. Hazırda bir çox əməkdaş 450-500 manat əməkhaqqı ilə fəaliyyət göstərir. Onsuz da ağır olan sosial vəziyyət fonunda əməkdaşların qanuni hüquqlarının məhdudlaşdırılması kollektivdə narazılığı daha da artırır”, - müraciətdə bildirilir. Əməkdaşlar əsas problemlərdən biri kimi...

Davamını oxu

Sosial

Azərbaycan məhbus sayında Avropanın ikincisidir: alternativ cəzalar niyə işləmir?

15 İyun 2026

Açıq mənbə

Azərbaycan hər yüz min nəfərə düşən məhbus sayına görə Avropa ölkələri sırasında ikincidir. Bu, Avropa Şurasının 2025-ci il üzrə “Avropada həbsxanalar və məhbuslar” adlı illik hesabatında öz əksini tapıb. Hesabatda bildirilir ki, Azərbaycanda hər 100 min nəfərə 271 məhbus düşür. Bu göstərici ilə Azərbaycan yalnız hər yüz min nəfərə 458 məhbusun düşdüyü Türkiyədən geri qalır. Azərbaycan həbsxanalarında hər 100 yerə isə 98 məhbus düşür. Azərbaycan bu göstərici ilə Avropa ölkələri sırasında 17-ci yerdədir. Vəkil Fariz Namazlı “Toplum TV” - yə deyir ki, bunun birinci səbəbi həbs cəzasına üstünlük verən cəza siyasətidir. “2025-ci ilin əvvəlində Azərbaycanda 27,673 məhbus olub. Bu, hər...

Davamını oxu