Sosial

Vətəndaş Avropa Məhkəməsinə məktubu çatmadığına görə "Azərpoçt"u məhkəməyə verib

14 May, 2026

178

Açıq mənbə

Azərbaycan vətəndaşı Avropa İnsan Hüquqları Məhkəməsinə (AİHM) göndərdiyi məktubun ünvanına çatmamasına görə "Azərpoçt"u məhkəməyə verib.

"Azadlıq Radiosu"nun xəbərinə görə, Sarvan Kərimov adlı vətəndaş Səbail Rayon Məhkəməsinə şikayətində məktubun itməsini təsadüfi saymadığını bildirib.

"Avropa Məhkəməsinə göndərdiyim şikayət məktubunu dəfələrlə itirməklə pozulmuş hüququmun bu məhkəmədə bərpasının qəsdən qarşısını alıblar. Belə davranış məni beynəlxalq müdafiə imkanından məhrum etmək deməkdir", - şikayətçi məhkəməyə ərizəsində qeyd edib.

S.Kərimovun sözlərinə görə, "Azərpoçt" məktubları itirdiyini boynuna alıb və ödədiyi rüsumları da geri qaytarıb, lakin bu, qurumu məsuliyyətdən azad etmir.

O, "Azərpoçt"dan maddi və mənəvi zərərə görə 39 min manat təzminat tələb edib.

"Azərpoçt"un nümayəndəsi isə şikayət məktubunun ünvanına çatdırılmadığını etiraf etsə də, onun təsadüfən itdiyini iddia edib.

Məhkəmə şikayəti təmin etməyib.

Azərbaycanda əvvəllər də şikayətçilər və vəkillər Avropa Məhkəməsinə göndərilən məktubların "yoxa çıxdığını" bildiriblər.

Məktubların ünvanına vaxtında çatmaması isə müdafiə hüququ üçün müəyyən olunan müddətin ötürülməsinə səbəb ola bilir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Sosial

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

17 İyun 2026

Azərtac

Naxçıvan Dövlət Televiziyasının bir qrup əməkdaşı maaşların azaldılması, əmək hüquqlarının pozulması və idarədəki vəziyyətlə bağlı narazılıqlarını ifadə edərək, Naxçıvan Ali Məclisinin qarşısında etiraz aksiyası keçirməyi planlaşdırdıqlarını bildiriblər. Əməkdaşlar bununla bağlı “Gündəlik Naxçıvan” vasitəsilə ictimaiyyətə müraciət ünvanlayıblar. Müraciətdə qeyd olunur ki, işçilər əmək haqqları aşağıdır və bu, müntəzəm narazılığa səbəb olur. “Naxçıvan Televiziyasının tarixində bəlkə də heç bir dövrdə əməkdaşlara qarşı bu qədər laqeyd münasibət müşahidə olunmayıb. Hazırda bir çox əməkdaş 450-500 manat əməkhaqqı ilə fəaliyyət göstərir. Onsuz da ağır olan sosial vəziyyət fonunda əməkdaşların qanuni hüquqlarının məhdudlaşdırılması kollektivdə narazılığı daha da artırır”, - müraciətdə bildirilir. Əməkdaşlar əsas problemlərdən biri kimi...

Davamını oxu

Sosial

Azərbaycan məhbus sayında Avropanın ikincisidir: alternativ cəzalar niyə işləmir?

15 İyun 2026

Açıq mənbə

Azərbaycan hər yüz min nəfərə düşən məhbus sayına görə Avropa ölkələri sırasında ikincidir. Bu, Avropa Şurasının 2025-ci il üzrə “Avropada həbsxanalar və məhbuslar” adlı illik hesabatında öz əksini tapıb. Hesabatda bildirilir ki, Azərbaycanda hər 100 min nəfərə 271 məhbus düşür. Bu göstərici ilə Azərbaycan yalnız hər yüz min nəfərə 458 məhbusun düşdüyü Türkiyədən geri qalır. Azərbaycan həbsxanalarında hər 100 yerə isə 98 məhbus düşür. Azərbaycan bu göstərici ilə Avropa ölkələri sırasında 17-ci yerdədir. Vəkil Fariz Namazlı “Toplum TV” - yə deyir ki, bunun birinci səbəbi həbs cəzasına üstünlük verən cəza siyasətidir. “2025-ci ilin əvvəlində Azərbaycanda 27,673 məhbus olub. Bu, hər...

Davamını oxu