Dünya

BBC "Azad Fələstin" şüarına senzura qoyub, irqçi sözü isə efirə verib

24 Fevral, 2026

118

Foto: Shutterstock

BBC telekanalı Britaniya Kino Akademiyası Mükafatları (BAFTA) mərasiminin yayımında rejissor Akinola Devisin çıxışındakı “Azad Fələstin” şüarını montajla çıxardığı üçün tənqid atəşinə tutulub. Halbuki eyni yayımda səsləndirilən irqçi bir söz olduğu kimi efirə gedib.

Devis "Atamın Kölgəsi" filmi ilə “britaniyalı ssenarist, rejissor və ya prodüserin ən yaxşı debüt işi” nominasiyasında mükafat alıb. O, mükafatı qəbul edərkən nitqini “işğal, diktatura və təqib altında olanlara, həmçinin soyqırımı yaşayanlara” həmrəylik ifadə edən sözlərlə və "Azad Fələstin" şüarı ilə bitirib.

BBC isə iki saat gecikmə ilə efirə verdiyi tədbirin yayımında şüarı senzura edib.

Tədbirin digər bir hissəsində efirə irqçi bir ifadənin getməsi isə yeni mübahisələrə yol açıb. Qaradərili aktyorlar Maykl Cordan və Delroy Lindo “Ən yaxşı vizual effektlər” nominasiyası üzrə qalibi elan edərkən, zaldan kimsə qaradərililərə qarşı yönəlmiş irqçi söz səsləndirib.

Sonradan məlum olub ki, həmin şəxs Turet sindromu olan insanların hüquqlarını müdafiə edən, özü də həmin xəstəlikdən əziyyət çəkən Con Devidson adlı bir şəxs olub. Turet sindromu cəld təkrarlanan hərəkətlər və ya səslər, o cümlədən cəmiyyət tərəfindən qəbulolunmaz ifadələrlə müşayiət oluna bilən əqli məhdudiyyətdir.

BBC tədbiri efirə verərkən bu sözü kəsmədiyi üçün üzr istəyib. Bildirilib ki, tədbirin onlayn yayımlanacaq versiyasında həmin hissə çıxarılacaq.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yeni dövlət proqramı Azərbaycanın ərzaq təhlükəsizliyini təmin edə bilərmi?

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

Kəlbəcərdə əmək müqaviləsiz işçi çalışdıran şirkət 20 min manat cərimələnib

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

ABŞ elçisi ilə görüşdən sonra razılıq: Belarus 25 “siyasi məhbus”u azad edəcək

Almaniyada hərbi aviabaza yaxınlığına dron düşüb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

ABŞ elçisi ilə görüşdən sonra razılıq: Belarus 25 “siyasi məhbus”u azad edəcək

16 Sentyabr 2026

president.gov.by

ABŞ və Belarus siyasi məhbus hesab edilən 25 nəfərin azad edilməsi müqabilində bu ölkənin iki şirkətinə qarşı Amerika sanksiyalarının ləğvinə dair ilkin razılıq əldə ediblər. Bunu Minskə səfərinin yekununda ABŞ prezidentinin xüsusi nümayəndəsi Con Koul bildirib. Razılıq “Lakokraska” və “Bellesbumprom” şirkətlərini əhatə edir. Koulun sözlərinə görə, Belarus prezidenti Aleksandr Lukaşenko ilə danışıqlarda “əhəmiyyətli irəliləyiş” əldə olunub. O bildirib ki, danışıqlar davam edəcək və qalan məsələlər həll olunduqdan sonra daha çox insan azad ediləcək, ABŞ isə sanksiyaları yumşaltmağa davam edəcək. Azad ediləcək 25 nəfərin kimliyi və nə vaxt buraxılacağı hələ açıqlanmayıb. Lukaşenko ilə Koulun əvvəlki görüşləri nəticəsində 100-dən çox siyasi məhbus...

Davamını oxu

Dünya

Almaniyada hərbi aviabaza yaxınlığına dron düşüb

16 Sentyabr 2026

Jens Schlueter/Getty Images

Almaniyanın Hannover şəhəri yaxınlığındakı hərbi aeroportun ətrafına dron düşüb. Onun qalıqları Aşağı Saksoniya əyalətindəki Ştaynhuder-Mer gölü ərazisində tapılıb. Yerli “Bild” nəşrinin məlumatına görə, polis dronun digər hissələrini axtarır. Aparatın kimə məxsus olduğu və hansı məqsədlə istifadə edildiyi hələlik müəyyənləşməyib. Hadisə yerindən bir kilometr məsafədə ölkənin Vunstorf hərbi aviabazası yerləşir. Almaniya Hərbi Hava Qüvvələrinin A400M nəqliyyat təyyarələri burada yerləşdirilib. Avqustun 5-də də Leypsiq hava limanında Ukraynaya məxsus nəqliyyat təyyarəsini hədəf aldığı bildirilən, lakin partlamayan dron tapılmışdı. Sonradan ərazidə daha iki dron aşkarlanmışdı. Almaniya hakimiyyəti həmin hadisədə Rusiyanın əli olduğunu bildirib. Daxili işlər naziri Aleksandr Dobrindtin sözlərinə görə, bu qənaət dronun texniki...

Davamını oxu