Dünya

CPJ: "İsrail son iki ildəki jurnalist ölümlərinin 2/3-sindən məsuldur"

25 Fevral, 2026

Foto: Mahmoud Issa

Beynəlxalq mətbuat azadlığı təşkilatı olan Jurnalistləri Müdafiə Komitəsi (CPJ) 2025-ci ildə dünyada jurnalist ölümləri barədə hesabat dərc edib.

Hesabatda bildirilir ki, ötən il ümumilikdə 129 mətbuat işçisi öldürülüb. Bunun 1992-ci ildən, yəni CPJ-nin jurnalist ölümlərini monitorinq etməyə başlamasından bəri ən yüksək göstərici olduğu deyilir.

Təşkilat bildirib ki, 2025 və 2024-cü illərdəki jurnalist ölümlərinin 2/3-sinə görə İsrail məsuliyyət daşıyır.

2025-ci ildə öldürülən 129 media işçisindən ən azı 104-ü hərbi münaqişələr zamanı həyatını itirib. Əvvəlki illə müqayisədə Ukrayna və Sudanda da öldürülən jurnalistlərin sayı artsa da, hesabata əsasən, jurnalistlərin əksəriyyəti İsrail tərəfindən öldürülən fələstinlilər olub.

CPJ bildirir ki, ötən il İsrail tərəfindən 86 jurnalist öldürülüb, lakin onların heç də hamısı həmin vaxt müharibənin getdiyi Qəzza zolağında öldürülməyib. Onların 60%-nin Qəzzada, digərlərinin isə, əsasən, digər Fələstin ərazisi olan Qərb Sahilində öldürüldüyü bildirilir.

“İnformasiyaya çıxışın heç vaxt olmadığı qədər vacib olduğu bir dövrdə rekord sayda jurnalist öldürülür. Mediaya qarşı hücumlar digər azadlıqlara qarşı hücumların əsas göstəricisidir və bu qətllərin qarşısını almaq və günahkarları cəzalandırmaq üçün daha çox iş görülməlidir. Jurnalistlər xəbərləri işıqlandırdıqlarına görə öldürüldükdə, hamımız risk altına düşürük", - CPJ-nin baş direktoru Codi Ginsberq deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu