Dünya

Hollandiyada 12 həkim hantavirusa görə karantinə alınıb

12 May, 2026

Reuters

Hollandiyada hantavirus xəstəsinin müalicə olunduğu xəstəxana ehtiyat tədbiri olaraq 12 əməkdaşını karantinə yerləşdirib.

Neymegen Universitet Tibb Mərkəzi bildirib ki, karantin qərarı qan və sidik analizlərinin yenilənmiş təhlükəsizlik protokollarına tam uyğun aparılmaması ilə əlaqədardır. Xəstəxana yoluxma riskinin çox aşağı olduğunu açıqlayıb.

Mayın 7-də Neymegen şəhərində yerləşən xəstəxanaya “Hondius” kruiz gəmisindən bir sərnişin yerləşdirilib. Gəmidə nadir və təhlükəli “Andes” hantavirus ştammının yayılması qeydə alınıb. Bu virus yaxın təmas zamanı insandan insana keçə bilir.

İndiyədək gəmidə üç nəfər ölüb - Niderlanddan olan cütlük və bir Almaniya vətəndaşı. Ümumdünya Səhiyyə Təşkilatı (ÜST) yeddi təsdiqlənmiş və iki ehtimal olunan yoluxma halının qeydə alındığını bildirib.

Kruiz sərnişinləri Tenerifedən müxtəlif ölkələrə təxliyə olunublar. Gəminin sahibi olan “Oceanwide Expeditions” şirkətinin məlumatına görə, “Hondius” hazırda heyət üzvləri ilə birlikdə Niderlanda qayıdır.

Hantavirus əsasən vəhşi gəmiricilər vasitəsilə yayılır və ağır tənəffüs və böyrək xəstəliklərinə səbəb ola bilər. Hazırda virusa qarşı təsdiqlənmiş vaksin yoxdur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qraffitiyə görə həbs olunan gəncin həbs müddəti 2 ay uzadılıb

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

Mərakeşdən yüzlərlə miqrant İspaniyanın Seuta anklavına keçib

Əli Kərimlinin mühafizəçisi 9 il azadlıqdan məhrum edilib

Kamal İsayevin məhkəməsi davam edir: "Bu proses söz davası olmamalıdır"

Bəhruz Səmədov: "Göz müayinəsi üçün hələ də həkim göndərilmir"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

31 İyul 2026

White House

ABŞ prezidenti Donald Tramp administrasiyasının Ukraynaya “Patriot” hava hücumundan müdafiə sistemləri üçün raket istehsalına lisenziya verib-verməyəcəyinə hələ də əmin olmadığını bildirib. Tramp bu barədə “Financial Times” qəzetinin müxbirinə açıqlamasında deyib. Onun sözlərinə görə, ABŞ administrasiyası hazırda məsələni nəzərdən keçirir. ABŞ prezidenti “Patriot” sistemlərini “unikal silah” adlandırıb və onların istehsalı üçün lisenziyanın kimə verilməsi məsələsində “ehtiyatlı olmaq lazım olduğunu” vurğulayıb. O qeyd edib ki, ABŞ adətən belə lisenziyalar vermir. Trampın açıqlaması onun Ukrayna prezidenti Volodimir Zelenski ilə Ağ Evdə görüşündən iki gün sonra baş verib. V.Zelenski görüşü “yaxşı” adlandırıb. Onun sözlərinə görə, görüş zamanı digər məsələlərlə yanaşı, Rusiyanın ballistik raketlərinə qarşı...

Davamını oxu

Dünya

Mərakeşdən yüzlərlə miqrant İspaniyanın Seuta anklavına keçib

31 İyul 2026

Nexta

Son günlər Mərakeşdən minlərlə miqrant Şimali Afrikadakı İspaniya anklavı Seutaya keçib. İspaniya Daxili İşlər Nazirliyinin məlumatına görə, son 24 saat ərzində dəniz və quru yolu ilə təxminən 49 min miqrant Mərakeşdən Seutaya daxil olub. İspaniyanın dövlət televiziyası RTVE isə iyulun 30-da ilkin olaraq Seutaya 2-3 min nəfərin keçdiyini bildirmişdi. Sonrakı hesablamalarda keçidlərin sayının daha yüksək olduğu açıqlanıb. Seuta və Şimali Afrikada yerləşən digər İspaniya şəhəri Melilya Avropa İttifaqının Afrika ilə yeganə quru sərhədini təşkil edir. Hər iki şəhərdə Avropaya keçməyə çalışan miqrantların sərhədi aşmaq cəhdləri vaxtaşırı kəskinləşir. Sosial şəbəkələrdə yayılan videolarda yüzlərlə miqrantın üzgüçülük halqaları ilə dənizi keçdiyi, digərlərinin isə...

Davamını oxu