Dünya

İran rəsmisi: "ABŞ SEPAH-a hörmətsizlik etməsə, dünya çempionatında iştirak edəcəyik"

7 May, 2026

AFP

İran rəsmisi ölkəsinin iyunda ABŞ-də keçiriləcək futbol üzrə dünya çempionatında iştiraka hazırlaşdığını, lakin boykot ehtimalının qüvvədə qaldığını deyib.

İran Futbol Federasiyasının prezidenti Mehdi Tacın mayın 6-da dövlət mediasına dediyinə görə, İran ABŞ-dən ölkə rəsmilərinə qarşı hörmətsizlik edilməyəcəyinə dair zəmanət istəyir.

“Əgər amerikalılar bizim hərbi qurumlarımızı və İslam İnqilabı Keşikçiləri Korpusuna (SEPAH) hörmətsizlik etməyəcəklərinə zəmanət versələr, biz gedəcəyik. Əgər Kanadadakı kimi bir insidentin baş verməyəcəyinə dair belə bir zəmanət və qəti təminat versələr, gedəcəyik", - o qeyd edib.

Ötən həftə Beynəlxalq Futbol Federasiyaları Assosiasiyasının (FIFA) Kanadanın Vankuver şəhərində təşkil etdiyi tədbirə yollanan, Tacın da daxil olduğu İran nümayəndə heyəti vizaları olmasına baxmayaraq ölkəyə buraxılmayıb.

Kanada hökuməti bunu nümayəndə heyətində SEPAH-la əlaqəsi olan şəxslərin olması ilə izah edib. Kanada 2024-cü ildə SEPAH-ı terror təşkilatı kimi tanıyıb.

İran milli komandası gələn həftə təlim-məşq toplanışı üçün Türkiyəyə yollanacaq.

ABŞ dövlət katibi Marko Rubio daha öncə demişdi ki, ölkəsi İranın dünya çempionatında iştirakına etiraz etmir, lakin SEPAH-la əlaqəli şəxslər ölkəyə buraxılmayacaq.

İranın iyunun 15-də Los-Ancelesdə Yeni Zelandiyaya və 21-də Belçikaya, 26-da isə Sietlda Misirə qarşı oynaması planlaşdırılır.

ABŞ-dən başqa Meksika və Kanada da dünya çempionatına ev sahibliyi edəcək.

Fevralın 28-də ABŞ və İsrail İrana havadan hücumlar həyata keçirməyə başlayıb. Hazırda tərəflər arasında atəşkəs hökm sürsə də, münaqişə başa çatmış sayılmır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qraffitiyə görə həbs olunan gəncin həbs müddəti 2 ay uzadılıb

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

Mərakeşdən yüzlərlə miqrant İspaniyanın Seuta anklavına keçib

Əli Kərimlinin mühafizəçisi 9 il azadlıqdan məhrum edilib

Kamal İsayevin məhkəməsi davam edir: "Bu proses söz davası olmamalıdır"

Bəhruz Səmədov: "Göz müayinəsi üçün hələ də həkim göndərilmir"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

31 İyul 2026

White House

ABŞ prezidenti Donald Tramp administrasiyasının Ukraynaya “Patriot” hava hücumundan müdafiə sistemləri üçün raket istehsalına lisenziya verib-verməyəcəyinə hələ də əmin olmadığını bildirib. Tramp bu barədə “Financial Times” qəzetinin müxbirinə açıqlamasında deyib. Onun sözlərinə görə, ABŞ administrasiyası hazırda məsələni nəzərdən keçirir. ABŞ prezidenti “Patriot” sistemlərini “unikal silah” adlandırıb və onların istehsalı üçün lisenziyanın kimə verilməsi məsələsində “ehtiyatlı olmaq lazım olduğunu” vurğulayıb. O qeyd edib ki, ABŞ adətən belə lisenziyalar vermir. Trampın açıqlaması onun Ukrayna prezidenti Volodimir Zelenski ilə Ağ Evdə görüşündən iki gün sonra baş verib. V.Zelenski görüşü “yaxşı” adlandırıb. Onun sözlərinə görə, görüş zamanı digər məsələlərlə yanaşı, Rusiyanın ballistik raketlərinə qarşı...

Davamını oxu

Dünya

Mərakeşdən yüzlərlə miqrant İspaniyanın Seuta anklavına keçib

31 İyul 2026

Nexta

Son günlər Mərakeşdən minlərlə miqrant Şimali Afrikadakı İspaniya anklavı Seutaya keçib. İspaniya Daxili İşlər Nazirliyinin məlumatına görə, son 24 saat ərzində dəniz və quru yolu ilə təxminən 49 min miqrant Mərakeşdən Seutaya daxil olub. İspaniyanın dövlət televiziyası RTVE isə iyulun 30-da ilkin olaraq Seutaya 2-3 min nəfərin keçdiyini bildirmişdi. Sonrakı hesablamalarda keçidlərin sayının daha yüksək olduğu açıqlanıb. Seuta və Şimali Afrikada yerləşən digər İspaniya şəhəri Melilya Avropa İttifaqının Afrika ilə yeganə quru sərhədini təşkil edir. Hər iki şəhərdə Avropaya keçməyə çalışan miqrantların sərhədi aşmaq cəhdləri vaxtaşırı kəskinləşir. Sosial şəbəkələrdə yayılan videolarda yüzlərlə miqrantın üzgüçülük halqaları ilə dənizi keçdiyi, digərlərinin isə...

Davamını oxu