Dünya

İranın idman naziri: "Ali liderimizi qətlə yetirdiklərinə görə ABŞ-dəki dünya çempionatında iştirak etməyəcəyik"

11 Mart, 2026

Foto: açıq mənbə

İran bu ilin yayında ABŞ, Kanada və Meksikada keçiriləcək futbol üzrə dünya çempionatında iştirak etməyəcək.

Bunu martın 11-də İranın idman naziri Əhməd Dünyamalı bildirib. O, qərarı ABŞ-nin İrana qarşı hərbi hücumlar həyata keçirməsi və bu ölkənin ali liderini öldürməsi ilə əsaslandırıb.

“Bu korrupsiyaya bulaşmış hökumət liderimizi qətlə yetirdiyinə görə dünya çempionatında iştirak etməyimizə heç bir əsas yoxdur. İrana qarşı atılan düşməncəsinə addımları nəzərə alsaq, səkkiz-doqquz ay ərzində biz iki müharibə aparmağa məcbur edildik və bir neçə min insanımız öldürüldü. Buna görə də, bu şəkildə iştirak etməyimiz qətiyyən mümkün deyil", - o qeyd edib.

İran milli komandasının iyunda Los-Ancelesdə Yeni Zelandiya və Belçika ilə, Sietl ştatında isə Misirlə qarşılaşması gözlənilirdi.

Bundan öncə Beynəlxalq Futbol Federasiyaları Assosiasiyasının (FIFA) prezidenti Canni İnfantino ABŞ prezidenti Donald Trampdan İran komandasının dünya çempionatında iştirakı ilə bağlı təminat aldığını demişdi.

Fevralın 28-dən etibarən ABŞ və İsrail İrana havadan hücumlar həyata keçirir.

Hücumların başladığı ilk gündə İranın ali lideri Seyid Əli Xamenei və başqa yüksək vəzifəli şəxslər öldürülüb.

İranın Qırmızı Aypara Cəmiyyətinin martın 9-a olan məlumatına görə, hücumlar nəticəsində ən az 1332 şəxs həlak olub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Əli Kərimli telefon danışığı hüququnun pozulduğunu deyir

Gürcüstan yaşayış icazəsi almaq üçün nikaha girməyi cinayət saymağa hazırlaşır

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu

Dünya

ABŞ və İran müharibəni bitirir

15 İyun 2026

Açıq mənbə

ABŞ prezidenti Donald Tramp və ABŞ ilə İran arasında vasitəçilik edən Pakistanın baş naziri Şahbaz Şərif bəyan ediblər ki, tərəflər sülh sazişi əldə ediblər və razılaşma artıq qüvvəyə minib. “İntensiv danışıqlardan sonra məmnuniyyətlə elan edirik ki, ABŞ ilə İran arasında sülh sazişi əldə olunub. Hər iki tərəf Livan da daxil olmaqla bütün cəbhələrdə hərbi əməliyyatların dərhal və daimi dayandırıldığını bəyan edib”, - Ş.Şərif özünün "X" hesabında yazıb. Rəsmi imzalanma mərasiminin iyunun 19-da İsveçrədə keçiriləcəyi gözlənilir. Donald Tramp da İranla əldə olunan sazişin qüvvəyə mindiyini təsdiqləyib. “Bununla Hörmüz boğazının rüsumsuz açılmasına və ABŞ Silahlı Qüvvələri tərəfindən tətbiq edilən dəniz blokadasının dərhal ləğvinə...

Davamını oxu