Dünya

İsrailin Livana zərbələri nəticəsində azı 254 nəfərin öldüyü deyilir

9 Aprel, 2026

Açıq mənbə

Aprelin 8-də İsrail Livana hava zərbələri endirməyə davam edib. Zərbələr nəticəsində mülki yaşayış və ticarət obyektlərinə ziyan dəyib.

Livan rəsmilərinin dediyinə görə, hücumlar nəticəsində ən az 254 nəfər ölüb, daha 1165 nəfər isə yaralanıb.

İsrail ordusu bildirib ki, martın 2-də Livanda hərbi əməliyyata başladıqdan sonra Livan ərazisində indiyədək ən böyük koordinasiyalı hücumu həyata keçirib. Hücumlar Beyrut, Bəkaa vadisi və Livanın cənubundakı əraziləri hədəf alıb.

İsrailin müdafiə naziri İsrail Katz isə bildirib ki, hücumlar Livanda mənzillənən, İranın dəstəklədiyi “Hizbullah”ın infrastrukturuna qarşı yönəlib.

İsrailin Livana hücumlara davam etməsi bir gün öncə ABŞ və İran arasında razılaşdırılan müvəqqəti atəşkəsi də riskə atıb.

Atəşkəsin əldə olunmasında vasitəçilik edən Pakistan baş naziri Şəhbaz Şərif verdiyi bəyanatda atəşkəsin Livana da aid olduğunu qeyd etmişdi.

İsrail baş naziri Benyamin Netanyahu isə İranla atəşkəsi dəstəkləsə də, Livana hücumlara davam ediləcəyini demişdi.

İran parlamentinin spikeri Məhəmməd Bağır Qalibaf aprelin 8-də atəşkəsin məntiqsiz olduğunu bildirib.

"ABŞ-yə qarşı dərin tarixi etimadsızlığımız onun bütün növ öhdəlikləri dəfələrlə pozmasından qaynaqlanır, təəssüf ki, bu, bir daha təkrarlanmış bir nümunədir. İndi isə ‘danışıqlar aparmaq üçün əlverişli əsas’ hələ danışıqlar başlamamışdan əvvəl açıq və aydın şəkildə pozulub. Belə bir vəziyyətdə ikitərəfli atəşkəs və ya danışıqlar məntiqsizdir,” - o qeyd edib.

İsrailin hava zərbələri martın 2-dən bəri Livanda 1530-dan çox insanın ölümünə səbəb olub. Ölənlər arasında 100-dən çox qadın və 130 uşaq var, həmçinin 1.2 milyondan çox insan öz evlərini tərk etmək məcburiyyətində qalıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“DTX-nin istintaq şöbəsinin rəhbəri ‘etirafedici’ ifadə müqabilində qısamüddətli həbs təklif etmişdi”

Azərbaycan iqtisadi inkişafda Gürcüstan və Ermənistanın gerisinə düşüb

İran Hörmüz boğazını açıb

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

Azər Qasımlını ittiham edən şəxs indi də həyat yoldaşını şikayət edib

İşçi hüquqları fəalının həbsxanada zorakılığa məruz qaldığı deyilir

Redaktorun Tövsiyələri

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

İranın Hörmüz silahı öz əleyhinə çevrilir?

Azərbaycan qonşu ölkələrdən geri qalır: ÜDM azalır, artım zəifləyir

Ekoloq: “Aylıq yağıntı normasının aşılması mümkündür, bu, o demək deyil ki, şəhər iflic olmalıdır”

Orban getdi: növbə kimindir?

Yağıntıların görünməyən üzü: İşçi istismarı və azalan təhlükəsizlik xərcləri

Dünya

İran Hörmüz boğazını açıb

17 Aprel 2026

Açıq mənbə

İran atəşkəs dövrünün sonuna qədər Hörmüz boğazını bütün kommersiya gəmiləri üçün açdığını bəyan edib. Bu barədə ölkənin xarici işlər naziri Abbas Araqçi məlumat verib. Nazir bu barədə “X” sosial şəbəkəsində paylaşım edib. Araqçinin sözlərinə görə, gəmilər bundan əvvəl İranın Limanlar və Dənizçilik Təşkilatının açıqladığı razılaşdırılmış marşrut üzrə hərəkət edə bilərlər. İran fevralın 28-də ABŞ və İsrailin hücumundan sonra boğazı bağlamışdı. ABŞ prezidenti Donald Tramp qərara münasibət bildirərək özünün “Truth Social” hesabında İrana təşəkkür edib. Bununla belə, o qeyd edib ki, İranla bağlı məsələlərə görə dəniz blokadası qüvvədə qalacaq və yalnız İranla aparılan əməliyyatlar tam başa çatdıqdan sonra ləğv olunacaq. Tramp...

Davamını oxu

Dünya

Tramp İsrail və Livan arasında 10 günlük atəşkəs elan edib

17 Aprel 2026

Getty Images/Andrew Harnik

ABŞ prezidenti Donald Tramp İsrail və Livanın 10 günlük atəşkəs barədə razılığa gəldiyini açıqlayıb. O, özünün “Truth Social” hesabında yazıb ki, Livan prezidenti Jozef Aun və İsrailin baş naziri Benyamin Netanyahu ilə apardığı danışıqlardan sonra tərəflər rəsmi atəşkəs elan etməyə razılaşıblar. Atəşkəs rejiminin aprelin 17-nə keçən gecə qüvvəyə mindiyi bildirilir. ABŞ prezidenti həmçinin hər iki ölkənin liderini Vaşinqtona danışıqlara dəvət etdiyini qeyd edib. İsrail mediasının məlumatına görə, hökumətin bəzi nazirləri Netanyahudan Livanla atəşkəs məsələsini səsverməyə çıxarmağı tələb etsələr də, baş nazir bunun baş tutmayacağını deyib. Netanyahu İsrail qüvvələrinin atəşkəs günlərində strateji mövqelərdə qalacağını bildirib və məsələ ilə bağlı əlavə müzakirələr...

Davamını oxu