Dünya

Lavrov: "Hörmüzün bağlanması nəticəsində yaranan enerji qıtlığını kompensasiya edə bilərik"

15 Aprel, 2026

115

Reuters

Çində rəsmi səfərdə olan Rusiya xarici işlər naziri Sergey Lavrov Hörmüz boğazının bağlanmasının qlobal enerji tədarükünə təsirindən və ölkəsinin oynaya biləcəyi roldan danışıb.

"Rusiya, şübhəsiz ki, həm Çin Xalq Respublikası, həm də bizimlə əməkdaşlıqda maraqlı olan digər ölkələrdə yaranmış enerji resursu çatışmazlığını kompensasiya edə bilər", - o, Pekində keçirdiyi mətbuat konfransında deyib.

Çinin dövlət televiziyasının məlumatına görə, prezident Si Cinpin Lavrovla görüşdə bildirib ki, Çin və Rusiya “coğrafi yaxınlıq və qarşılıqlı əməkdaşlıq kimi üstünlüklərindən tam istifadə etməli, hərtərəfli əməkdaşlığı dərinləşdirməli və bir-birinin inkişaf dayanıqlığını artırmalıdır.”

Pekin və Moskva yaxın iqtisadi və siyasi tərəfdaşlardır və bu münasibətlər Rusiyanın 2022-ci ildə Ukraynada işğalçı müharibəyə başlamasından sonra daha da dərinləşib.

ABŞ və İsrailin fevralın 28-də İrana qarşı hücumlara başlamasından sonra qlobal enerji bazarı üçün həyati əhəmiyyət daşıyan əsas keçid nöqtəsi olan Hörmüz boğazı üzərində faktiki nəzarəti İran ələ alıb.

İran münaqişə başlayandan bəri boğazdan ABŞ və onu dəstəkləyən ölkələrin bayrağı altında üzən gəmilərin keçməsinə icazə vermir. Nəticədə boğazdan keçən gəmilərin sayı xeyli azalıb. Bu isə dünya üzrə neft və təbii qaz daşımalarının təxminən beşdə birini iflic edib və qlobal iqtisadiyyatda ciddi sarsıntılara səbəb olub.

Aprelin 7-də Pakistanın vasitəçiliyi ilə ABŞ və İran arasında iki həftəlik atəşkəs barədə razılıq əldə olunmuşdu. Həmin atəşkəs çərçivəsində İranın da Hörmüz boğazını keçid üçün açacağı gözlənilirdi.

Lakin İran rəhbərliyi İsrailin Livana hücumlara davam etdiyini əsas gətirərək boğazı açmaqdan imtina edib.

ABŞ prezidenti Donald Tramp da aprelin 12-də ABŞ Hərbi Dəniz Qüvvələrinə Hörmüz boğazını İran gəmilərinə bağlamaq əmri verdiyini bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Akif Qurbanov: “Polisin ofislərə və evlərə qoyduğu pullar qaçaqmalçılığın sübutu kimi təqdim edilib”

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Makron:”Tramp Ukraynadakı müharibə ilə bağlı fikrini dəyişib”

Azərbaycanda mühakimə olunan Rusiya vətəndaşlarına 3-4 il həbs cəzası kəsilib

Azərbaycana turist axını azalır: Milyonlarla manatlıq təşviqat niyə nəticə vermir?

Vens İsrailə: "Yeganə müttəfiqiniz Trampdır, ona hücum etməyin"

Redaktorun Tövsiyələri

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

Dünya

Makron:”Tramp Ukraynadakı müharibə ilə bağlı fikrini dəyişib”

19 İyun 2026

AFP

Fransa prezidenti Emmanuel Makron deyib ki, ABŞ prezidenti Donald Tramp 15-17 iyun tarixlərində Fransanın Evian şəhərində keçirilən “Böyük Yeddilik” (G7) sammitindən sonra Ukraynadakı müharibə ilə bağlı fikrini dəyişib. Makron bunu “France 24” telekanalına müsahibəsində bildirib. “O, Fransaya Ukraynanın uduzacağını düşünərək gəlmişdi. Amma fikrini dəyişdi. O, həmçinin gördü ki, Rusiya öz öhdəliklərini yerinə yetirmir. Bu G7 sammitində həqiqətən də münasibətdə dəyişiklik baş verdi”, - deyə Makron bildirib. “Politico” nəşri yazırdı ki, Donald Trampın mövqeyinə Ukrayna prezidenti Volodimir Zelenskinin ona göstərdiyi fotolar təsir etmiş ola bilər. Həmin fotolarda iyunun 15-i gecə saatlarında Rusiyanın hücumundan sonra alov içində qalan Kiyev-Peçersk Lavrası əks olunurdu....

Davamını oxu

Dünya

Vens İsrailə: "Yeganə müttəfiqiniz Trampdır, ona hücum etməyin"

19 İyun 2026

Getty Images

ABŞ vitse-prezidenti Ceyms Vens İranla anlaşmaya görə prezident Donald Trampı tənqid edən İsrail hökuməti üzvlərinə xəbərdarlıq edib. İyunun 18-də Ağ Evdə mətbuat konfransı keçirən Vensdən jurnalistlərdən biri İsrail baş naziri Benyamin Netanyahunun ABŞ-İran memorandumu ilə bağlı narazılıq edib-etmədiyini soruşub. Vens Netanyahudan belə bir narazılıq eşitmədiyini deyib, lakin Trampı və anlaşmanı tənqid edən digər israilli hökumət üzvlərinə müraciət edib. "Onlara iki mesajım olardı. Birincisi, Donald Tramp hazırkı dövrdə bütün dünyada İsrail dövlətinə rəğbət bəsləyən yeganə dövlət başçısıdır. Əgər mən İsrail hökumətinin kabinetində olsaydım, bütün dünyadakı yeganə güclü müttəfiqimə hücum etməzdim", - o qeyd edib. Vitse-prezident həmin kabinet üzvlərinə İsraili qoruyan müdafiə...

Davamını oxu