Dünya

Mamdani: "Netanyahu müharibə canisidir, amma həbs etməyə səlahiyyətim yoxdur"

22 İyul, 2026

nyc.gov/mayors-office

Nyu-York meri Zöhran Mamdani İsrail baş naziri Benyamin Netanyahunu şəhərə gələcəyi təqdirdə həbs edəcəyi ilə bağlı müəmmaya aydınlıq gətirib.

Mamdani ötən il mer seçkiləri kampaniyası zamanı Netanyahunu həbs edəcəyi vədini vermişdi.

O, iyulun 21-də sosial media hesabında yayımladığı videomüraciətdə bir daha İsrail baş nazirini Qəzzada "fələstinlilərə qarşı soyqırımının memarı və müharibə canisi" adlandırıb. Buna baxmayaraq, o, Netanyahunu həbs etmək üçün hüquqi səlahiyyətinin olmadığını etiraf edib.

"Administrasiyam qüvvədə olan qanunvericilik çərçivəsində Nyu-York şəhərinin Benyamin Netanyahu bura gəldiyi təqdirdə Beynəlxalq Cinayət Məhkəməsinin həbs orderini icra edib-edə bilməyəcəyini müəyyənləşdirmək üçün bütün mümkün hüquqi yolları nəzərdən keçirib. Aydın olub ki, bu orderi icra etmək üçün müstəqil hüquqi səlahiyyətimiz yoxdur", - o qeyd edib.

Bununla belə, Mamdani federal hökumətin belə bir səlahiyyəti olduğunu bildirib və Netanyahunu həbs etməyə çağırıb.

"Mən eyni zamanda aydın şəkildə bildirmək istəyirəm: nə Benyamin Netanyahu, nə də azadlıqda olan digər hərbi cinayətkarlara burada "xoş gəldin" deyiləcək", - o əlavə edib.

Netanyahunun sentyabrda Birləşmiş Millətlər Təşkilatının Nyu-Yorkda keçiriləcək toplantısında iştirak edəcəyi gözlənilir.

Beynəlxalq Cinayət Məhkəməsi (BCM) 2024-cü ildə Netanyahu və başqa israilli nazirlər barəsində həbs orderi verib. Lakin ABŞ BCM-yə üzv deyil və məhkəmənin qərarlarını tanımır.

Mamdani iyulun 18-də yayımlanan müsahibədə demişdi ki, İsrail baş nazirini həbs etməsi imkanlarını araşdırır.

ABŞ prezidenti Donald Tramp isə bundan sonra sosial media hesabında Netanyahuya dəstək məqsədli paylaşım etmiş, onun heç bir halda həbs olunmayacağını yazmışdı.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

Ramiz Mehdiyevin işi Bakı Ağır Cinayətlər Məhkəməsinə göndərilib

DGK: Azərbaycan bu il 9 milyard dollarlıq neft ixrac edib

Ülviyyə Əli: "Həbsimiz İlham Əliyevin şüurlu seçimidir"

İctimai fəal: “Bu hakimiyyət artıq mənim həyatımdan 1000 gündən çox oğurlayıb”

İqbal Əbilov barədə 22 səhifəlik hesabat: qaydaları pozduğu iddia olunur

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

İsrail Qəzza barədə filmin rejissorlarını vətəndaşlıqdan məhrum etməklə hədələyib

14 Sentyabr 2026

Luca Faz

İsrailin mədəniyyət naziri Miki Zohar Qəzza zolağındakı müharibədən bəhs edən “NAZA” sənədli filminin rejissorları Yuval Abraham və Rahel Şoru vətəndaşlıqdan məhrum etdirmək niyyətində olduğunu bildirib. “The Guardian”ın məlumatına görə, Zohar filmi “dövlətə xəyanət” adlandırıb, müəlliflərini isə “dünyadakı antisemitlərin alqışları naminə vətənlərinə zərər vurmağa hazır olmaqda” ittiham edib. İsrail qanunvericiliyinə əsasən, vətəndaşlıqdan məhrumetmə üçün daxili işlər nazirinin müraciəti, ədliyyə nazirinin razılığı və məhkəmə qərarı tələb olunur. Nadir hallarda tətbiq edilən bu tədbirlə bağlı Mədəniyyət Nazirliyi təkbaşına qərar verə bilməz. “NAZA” fələstinli silahlı qrupların 2023-cü il oktyabrın 7-də İsrailin cənubuna hücumundan sonra ordunun Qəzzadakı əməliyyatlardan bəhs edir. Ekran əsərində zərbələr zamanı mümkün...

Davamını oxu

Dünya

Türkiyə polisi LGBTQ+ fəallarını kütləvi şəkildə saxlayıb

14 Sentyabr 2026

sosial media

Sentyabrın 12-13-də Türkiyədə LGBTQ+ fəallarına qarşı kütləvi polis əməliyyatları keçirilib. İstanbul, Ankara, İzmir və Antalyada fəalların evlərində, LGBTQ+ təşkilatlarının ofislərində, eləcə də gecə klublarında axtarışlar aparılıb. Polisin məlumatına görə, İstanbulda 26, Ankarada isə 20 nəfər saxlanılıb. Ümumilikdə əməliyyatların ölkənin 12 vilayətini əhatə etdiyi bildirilir. LGBTQ+ hüquqlarını müdafiə edən “Kaos GL” assosiasiyası əməkdaşları da daxil olmaqla 50 nəfərin saxlanıldığını açıqlayıb. Assosiasiyanın məlumatına görə, ofisində və əməkdaşlarının evlərində aparılan axtarışlara təşkilatın saytında və sosial media hesablarında dərc olunan materiallar əsas gətirilib. Prokurorluq həmin materialları “əxlaqa zidd” hesab edib. Sentyabrın 12-də LGBTQ+ təşkilatlarına və ayrı-ayrı fəallara məxsus bir neçə sayta və sosial media...

Davamını oxu