Dünya

Netanyahu: "Livanla təcili sülh danışıqlarına başlamalıyıq"

10 Aprel, 2026

103

Açıq mənbə

İsrailin baş naziri Benyamin Netanyahu aprelin 9-da başçılıq etdiyi hökumətə təcili Livanla sülh danışıqlarına başlamaq barədə göstəriş verdiyini açıqlayıb.

O əlavə edib ki, danışıqların mövzusuna İranın dəstəklədiyi və Livanda mənzillənən "Hizbullah" qruplaşmasının tərksilah edilməsi də daxil olacaq.

“Livanın İsraillə birbaşa danışıqlara başlamaqla bağlı təkrar müraciətlərini nəzərə alaraq, dünən [aprelin 8-i] kabinetə mümkün qədər tez Livanla birbaşa danışıqlara başlamaq barədə göstəriş verdim. Danışıqlar "Hizbullah"-ın tərk-silahına və İsrail ilə Livan arasında dinc münasibətlərin qurulmasına yönələcək”, - baş nazir bəyanatında deyib.

Netanyahunun bəyanatından bir saat əvvəl Livan prezidenti Cozef Aun bildirib ki, Livandakı vəziyyətin "yeganə həlli İsrail ilə Livan arasında atəşkəsin əldə olunması, daha sonra isə onların arasında birbaşa danışıqların aparılmasıdır.”

O qeyd edib ki, bu məsələ ilə bağlı diplomatik istiqamətdə çalışır və bu səylər beynəlxalq ictimaiyyət tərəfindən müsbət qarşılanıb.

İsrail ordusu İranla münaqişə fonunda martın 2-dən bəri Livana qarşı həm quru, həm havadan hücumlar həyata keçirir.

Livan rəsmilərinin dediyinə görə, hücumlar nəticəsində qadın və uşaqlar da daxil olmaqla 1700-dən çox şəxs öldürülüb, bir milyondan çox insan isə evlərini tərk etməli olub.

Aprelin 8-də isə İsrail Livana qarşı yeni münaqişə ərzindəki ən güclü zərbələri endirib. Nəticədə bir gündə 254 nəfər ölüb, 1165 nəfər yaralanıb.

İsrailin Livana hücumlara davam etməsi bir gün öncə ABŞ və İran arasında razılaşdırılan müvəqqəti atəşkəsi də riskə atıb.

Atəşkəsin əldə olunmasında vasitəçilik edən Pakistan baş naziri Şəhbaz Şərif verdiyi bəyanatda atəşkəsin Livana da aid olduğunu qeyd etmişdi.

İsrail baş naziri Benyamin Netanyahu isə İranla atəşkəsi dəstəkləsə də, Livana hücumlara davam ediləcəyini demişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

ABŞ və İran arasında qarşılıqlı zərbələr davam edir: Hər iki tərəfdə itkilər artır

17 İyul 2026

Centcom

ABŞ və İran arasında davam edən qarşıdurma fonunda tərəflər qarşılıqlı zərbələri davam etdirir. Son hücumlarda İranın cənubundakı hərbi obyektlərlə yanaşı, Körfəz regionunda yerləşən strateji infrastrukturun da hədəfə alındığı bildirilir. ABŞ Mərkəzi Komandanlığı (CENTCOM) iyulun 16-da İran ərazisində növbəti hava zərbələri endirdiyini açıqlayıb. Məlumata görə, hücumlar İranın cənubundakı hərbi obyektlərə, hava hücumundan müdafiə sistemlərinə, radar qurğularına və logistika infrastrukturuna yönəlib. Tehran isə cavab olaraq Yaxın Şərqdə yerləşən ABŞ hərbi obyektlərinə zərbələr endirdiyini bəyan edib. İran rəsmiləri Suriyadakı ABŞ mövqelərinin də hədəfə alındığını bildiriblər. İran İnqilab Keşikçiləri Korpusu (SEPAH) isə Bəhreyn, Küveyt və Oman istiqamətində raket hücumları həyata keçirdiyini iddia edib. Küveytin...

Davamını oxu

Dünya

Vens: “İsraildə bizi İranla danışıqlardan çəkindirmək istəyənlər var”

16 İyul 2026

Government Press Office

ABŞ vitse-prezidenti Ceyms Vens növbəti dəfə İsraili ölkəsi ilə İran arasında danışıqlara müdaxilə etməkdə ittiham edib. O, iyulun 15-də yayımlanan müsahibədə podkastçı Co Roqana deyib ki, İsraildə bəzi hökumət üzvləri ABŞ-İran danışıqlarına təsir etməyə çalışır. “Şübhəsiz ki, İsrail hökuməti daxilində İrana qarşı hərbi kampaniyanı davam etdirmək istədikləri üçün bizi danışıqlar siyasətindən uzaqlaşdırmağa çalışan insanlar var. Həmçinin, şübhəsiz ki, onların sistemində bəzi insanlar var ki, müharibəni qeyri-müəyyən müddətə davam etdirmək üçün Amerika ictimai rəyini manipulyasiya edir və dəyişdirməyə çalışırlar. Yenə də, heç bir məqsədə doğru deyil, sadəcə qeyri-müəyyən müddətə”, - o qeyd edib. Vens daha öncə də İsrail hökumətini İranla anlaşmaya...

Davamını oxu