Dünya

Paşinyan: "Koçaryangilin sülh anlayışı hər il itki verməyimizdir"

30 Mart, 2026

Foto: Reuters

Ermənistan baş naziri Nikol Paşinyan müxalifətdə olan rəqiblərini Azərbaycanla “sülh prosesinə qarşı çıxdıqlarına görə” tənqid edib.

O, martın 30-da sosial media hesabında etdiyi videomüraciətdə deyib ki, müxalifət liderlərinin Azərbaycanla sülh barədə anlayışları onun yürütdüyü siyasətdən fərqlənir.

“Müharibəyönümlü üçbaşlı Koçaryan-Karapetyan-Tsarukyan partiyası bizi 2024-2025-ci illərdən, eləcə də 2018-ci ildən əvvəl sülhün olduğuna inandırmağa çalışır”, - deyə Paşinyan keçmiş prezident Robert Koçaryan və iş adamları Samvel Karapetyan və Qaqik Tsarukyana eyham vurub.

“Əlbəttə ki, bu iddia kinayəli bir yalandır, təkcə ona görə ki, müstəqillik və 1994-cü ildəki atəşkəsdən bəri hər il Azərbaycanla atışma nəticəsində itkilər olurdu. Üstəlik, ölənlərin sayı yüzlərlə idi və yaralananların sayı isə xeyli çox idi. Bəlkə də, onların sülh anlayışı hər il itki verməyimizdir, bizim ideyamız isə bunun əksidir: sülh itkilərin və heç bir gərginliyin olmaması deməkdir”, - o əlavə edib.

Baş nazir çıxışında bir daha Azərbaycanla Ermənistan arasında sülhün bərqərar olduğunu bildirib.

Paşinyan rəhbərlik etdiyi “Mülki Müqavilə” partiyası tərəfindən iyunun 7-də keçiriləcək parlament seçkilərində baş nazirliyə namizəd seçilib.

Hakim partiyanın rəqibi olan “Ermənistan İttifaqı" bloku isə parlament seçkiləri üçün Koçaryanı baş nazirliyə namizəd seçib.

Koçaryan da daxil olmaqla müxalif liderlər çıxışlarında bir qayda olaraq Paşinyanı Rusiya ilə münasibətləri pozmaqda və Avropa İttifaqı ilə yaxınlaşmaqda, eləcə də Qarabağı Azərbaycana təhvil verməkdə ittiham edir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qraffitiyə görə həbs olunan gəncin həbs müddəti 2 ay uzadılıb

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

Mərakeşdən yüzlərlə miqrant İspaniyanın Seuta anklavına keçib

Əli Kərimlinin mühafizəçisi 9 il azadlıqdan məhrum edilib

Kamal İsayevin məhkəməsi davam edir: "Bu proses söz davası olmamalıdır"

Bəhruz Səmədov: "Göz müayinəsi üçün hələ də həkim göndərilmir"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

31 İyul 2026

White House

ABŞ prezidenti Donald Tramp administrasiyasının Ukraynaya “Patriot” hava hücumundan müdafiə sistemləri üçün raket istehsalına lisenziya verib-verməyəcəyinə hələ də əmin olmadığını bildirib. Tramp bu barədə “Financial Times” qəzetinin müxbirinə açıqlamasında deyib. Onun sözlərinə görə, ABŞ administrasiyası hazırda məsələni nəzərdən keçirir. ABŞ prezidenti “Patriot” sistemlərini “unikal silah” adlandırıb və onların istehsalı üçün lisenziyanın kimə verilməsi məsələsində “ehtiyatlı olmaq lazım olduğunu” vurğulayıb. O qeyd edib ki, ABŞ adətən belə lisenziyalar vermir. Trampın açıqlaması onun Ukrayna prezidenti Volodimir Zelenski ilə Ağ Evdə görüşündən iki gün sonra baş verib. V.Zelenski görüşü “yaxşı” adlandırıb. Onun sözlərinə görə, görüş zamanı digər məsələlərlə yanaşı, Rusiyanın ballistik raketlərinə qarşı...

Davamını oxu

Dünya

Mərakeşdən yüzlərlə miqrant İspaniyanın Seuta anklavına keçib

31 İyul 2026

Nexta

Son günlər Mərakeşdən minlərlə miqrant Şimali Afrikadakı İspaniya anklavı Seutaya keçib. İspaniya Daxili İşlər Nazirliyinin məlumatına görə, son 24 saat ərzində dəniz və quru yolu ilə təxminən 49 min miqrant Mərakeşdən Seutaya daxil olub. İspaniyanın dövlət televiziyası RTVE isə iyulun 30-da ilkin olaraq Seutaya 2-3 min nəfərin keçdiyini bildirmişdi. Sonrakı hesablamalarda keçidlərin sayının daha yüksək olduğu açıqlanıb. Seuta və Şimali Afrikada yerləşən digər İspaniya şəhəri Melilya Avropa İttifaqının Afrika ilə yeganə quru sərhədini təşkil edir. Hər iki şəhərdə Avropaya keçməyə çalışan miqrantların sərhədi aşmaq cəhdləri vaxtaşırı kəskinləşir. Sosial şəbəkələrdə yayılan videolarda yüzlərlə miqrantın üzgüçülük halqaları ilə dənizi keçdiyi, digərlərinin isə...

Davamını oxu