Dünya

Qəzzaya yardım aparan fəallarla davranışına görə Fransa israilli nazirin ölkəyə girişini qadağan edib

25 May, 2026

Global Look Press

Fransa İsrailin milli təhlükəsizlik naziri İtamar Ben-Gvirin ölkəyə girişini qadağan edib.

Qərar Ben-Qvirin mayın 20-də sosial şəbəkələrdə paylaşdığı və Qəzzaya yardım aparmağa çalışan “Sumud” flotiliyasının saxlanılan iştirakçılarının əks olunduğu videodan sonra qəbul edilib.

Videoda Ben-Qvirin İsrail bayrağını diz üstə çökdürülmüş fəalların qarşısında yellədiyi görünür. Kadrlardan birində təhlükəsizlik əməkdaşının “Fələstinə azadlıq!” şüarı səsləndirən fəallardan birini yerə yıxdığı əks olunur. Nazir paylaşımın açıqlama hissəsində həmin şəxsləri “terrorizmin tərəfdarları” adlandırıb.

Fransanın xarici işlər naziri Jean-Noël Barrot bildirib ki, qadağa flotiliyada olan Fransa və digər Avropa ölkələrinin vətəndaşlarına qarşı “yolverilməz davranışlarla” əlaqədar tətbiq olunub.

Onun sözlərinə görə, Fransa hakimiyyəti “bu flotiliyanın heç bir faydalı təsir göstərməyən və diplomatik-konsulluq xidmətlərini yükləyən fəaliyyətlərini” dəstəkləmir. “Lakin biz Fransa vətəndaşlarının təhdidlərə, qorxudulmaya və ya qəddar rəftara məruz qalması ilə, xüsusilə də bunun bir dövlət rəsmisi tərəfindən baş verməsi ilə barışa bilmərik”, - deyə Barro “X” sosial şəbəkəsində yazıb.

Nazir həmçinin Avropa İttifaqını Ben-Qvirə qarşı məhdudiyyətlər tətbiq etməyə çağırıb. Videonun yayılmasından sonra bir sıra Avropa ölkələri İsrail səfirlərini Xarici İşlər nazirliklərinə çağırıb. Avropa İttifaqı fələstinpərəst fəallarla rəftarı “tamamilə qəbuledilməz” adlandırıb. Ben-Qvirin hərəkətləri İsrailin baş naziri Benjamin Netanyahu tərəfindən də tənqid olunub.

“Sumud” flotiliyası Qəzza zolağına humanitar yardım çatdırmaq məqsədilə təşkil olunmuş beynəlxalq mülki təşəbbüsdür. Təşkilatçıların məlumatına görə, aksiyada müxtəlif ölkələrdən fəalların olduğu 55-dən çox gəmi iştirak edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu