Dünya

Rusiyanın Kiyevə hücumu nəticəsində 24 nəfər ölüb, onlardan 3-ü uşaqdır

15 May, 2026

Foto: t.me/V_Zelenskiy_official

Rusiyanın Kiyevə endirdiyi zərbə nəticəsində paytaxtın Darnitski rayonunda ölənlərin sayı 24-ə çatıb. Ölənlər arasında üç uşağın da olduğu bildirilir. Bu barədə Ukraynanın daxili işlər naziri İqor Klimenko məlumat verib.

Bildirilib ki, mayın 14-nə keçən gecə Rusiya qüvvələri Ukraynaya 56 raket və 675 pilotsuz uçuş aparatı ilə hücum edib. Əsas hədəfin Kiyev olduğu qeyd olunur.

Hücum nəticəsində Darnitski rayonunda doqquzmərtəbəli yaşayış binasının giriş hissəsi dağılıb. Axtarış-xilasetmə əməliyyatı 28 saatdan çox davam edib. Kinoloqlar 2 800 kvadratmetr ərazidə axtarış aparıblar. Hücum nəticəsində 48 nəfər yaralanıb.

Hazırda fövqəladə hallar xidmətinin bölmələri qəza-bərpa işlərinə başlayıb.
Mayın 15-i Kiyevdə matəm günü elan olunub.

Ukrayna prezidenti Volodimir Zelenski bildirib ki, yaralanan və evini itirən hər kəsə yardım göstərilməlidir.

“Belə Rusiyanı heç vaxt normallaşdırmaq olmaz. Həyatı məqsədli şəkildə məhv edən və buna görə cəzasız qalacağını düşünən Rusiyanı. Təzyiq göstərmək lazımdır. Məhz Ukrayna Avropanı və dünyanı qoruyur ki, uşaqların öldüyü bu cür hücumlar daha da yayılmasın. Buna görə də həyatı müdafiə edənlərə dəstək davam etməlidir. Antiballistik müdafiə hər zaman lazımdır”, - deyə o qeyd edib.

Zelenski əlavə edib ki, “susmayan və bu qəddar hücumu pisləyən hər kəsə minnətdardır”.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu