Dünya

Tramp: "Sülh Şurası üzvləri Qəzzanın bərpası üçün 5 milyard dollar söz verib"

17 Fevral, 2026

129

Foto: AP

ABŞ prezidenti Donald Tramp özünün təsis etdiyi Sülh Şurasına üzv dövlətlərin Qəzzada yenidənqurma üçün 5 milyard dollardan çox vəsait ayıracağını bildirib.

Tramp bunu "Truth Social" platformasında yazıb.

O əlavə edib ki, üzv dövlətlər Qəzzaya yerləşdiriləcək beynəlxalq sabitləşdirici qüvvə və yerli polis üçün minlərlə şəxsi heyət ayırmağa da razılaşıblar.

Sülh Şurasının ilk toplantısı fevralın 19-da Vaşinqtonda yerləşən Sülh İnstitutunda baş tutacaq. ABŞ Dövlət Departamenti bu yaxınlarda instituta Trampın adını verib.

İclasda 20-dən çox dövlət başçısının iştirakı gözlənilir.

Ötən ay Davosda rəsmi mərasimdə təsisi elan olunan Sülh Şurasına Azərbaycan da daxil olmaqla 26 ölkə qurucu üzv kimi qoşulub.

Azərbaycan prezidenti İlham Əliyevin ilk iclasda iştirakı ilə bağlı rəsmi məlumat yoxdur. Digər qurucu üzv, Ermənistan baş naziri Nikol Paşinyan isə iştirak edəcəyini təsdiqləyib.

Trampın kürəkəni, iş adamı Cared Kuşner yanvarın 22-də Davosda Qəzza zolağında yenidənqurma üçün baş planı ictimaiyyətə təqdim edib. Onun sözlərinə görə, yenidənqurma üçün 25 milyard dollardan çox vəsait tələb olunacaq.

Birləşmiş Millətlər Təşkilatının məlumatına görə, 2023-cü ilin oktyabrında İsrailin başlatdığı və iki il davam edən müharibə nəticəsində Qəzzada yaşayış binalarının 90 faizdən çoxu dağıdılıb və ya zədələnib.

Tramp administrasiyasının vasitəçiliyi ilə Qəzzaya nəzarət edən HƏMAS qruplaşması və İsrail arasında ötən ilin oktyabrında atəşkəs qüvvəyə minsə də, İsrail ordusu atəşkəsi pozmağa davam edib.

Qəzzanın səhiyyə rəsmilərinin açıqlamasına görə, atəşkəs qüvvəyə mindikdən bəri 500-dən çox qəzzalı həlak olub.

Qəzzanın bərpası, eləcə də Sülh Şurasının yaradılması Trampın elan etdiyi 20 maddəlik sülh planında nəzərdə tutulub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu