Dünya

ÜST: “Avropada istilər 1300-dən çox insanın ölümünə səbəb olub”

29 İyun, 2026

111

Açıq mənbə

İyunun 21-dən bəri Avropada yüksək temperaturla əlaqədar 1300-dən çox ölüm halı qeydə alınıb.
Bu barədə Ümumdünya Səhiyyə Təşkilatının (ÜST) baş direktoru Tedros Qebreyesus məlumat verib.

Onun sözlərinə görə, hazırda Avropada təxminən 150 milyon insan ekstremal istilərin təsiri altında yaşayır. Qebreyesus bildirib ki, qitədəki yaşayış evləri, iş yerləri və məktəblər belə yüksək temperatur şəraiti nəzərə alınmadan inşa edilib. Halbuki anomal istilər artıq demək olar ki, hər il müşahidə olunur.

"Avropa Yer kürəsində ən sürətlə istiləşən qitədir. Burada temperatur qlobal orta göstəricidən iki dəfə daha sürətlə artır", - deyə ÜST rəhbəri vurğulayıb.

O, Avropa ölkələrini isti hava şəraitində əhalinin sağlamlığının qorunması üçün xüsusi fəaliyyət planları hazırlamağa çağırıb.

Qebreyesusun sözlərinə görə, ÜST üzv dövlətlər və tərəfdaşlarla birlikdə ekstremal istilərin sağlamlıq üçün yaratdığı risklərin azaldılması istiqamətində fəaliyyət göstərir. Təşkilat əsas diqqəti hazırlıq tədbirlərinə, profilaktikaya və səhiyyə sistemlərinin bu cür vəziyyətlərə operativ cavab vermək imkanlarının gücləndirilməsinə yönəldir.

Fransanın Milli İctimai Səhiyyə Agentliyi daha əvvəl ölkədə istilər səbəbindən 1000-dən çox insanın həyatını itirdiyini açıqlayıb. Ölənlərin 85 faizini 65 və daha yuxarı yaşlı şəxslər təşkil edib. Agentlik qeyd edib ki, qocalar evləri və digər xüsusi müəssisələrdə baş verən ölümlərlə bağlı əlavə məlumatlar daxil olduqca bu rəqəmin artacağı gözlənilir.

İyun ayında Avropa ölkələrini bürüyən anomal istilər dalğası əvvəlcə Qərbi Avropanı əhatə edib, daha sonra Almaniya, Çexiya və Polşa istiqamətində şərqə doğru yayılıb. Belarusda isə isti hava ilə əlaqədar "qırmızı" təhlükə səviyyəsi elan olunub. Proqnozlara görə, iyunun 29-da ölkədə havanın temperaturu gündüz saatlarında şimal-şərqdə +29, cənub-qərbdə isə +39 dərəcəyədək yüksələcək.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İsrail Qəzza barədə filmin rejissorlarını vətəndaşlıqdan məhrum etməklə hədələyib

Memar: "Bayırşəhərdə dövlət reyestrindən çıxarılmış tarixi abidələr reyestrə qaytarılmır"

Türkiyə polisi LGBTQ+ fəallarını kütləvi şəkildə saxlayıb

Seymur Həzinin Azərbaycandan çıxışına qadağa qoyulub

AŞPA baş məruzəçisi Anar Məmmədli və Anar Abdullaya verilən hökmləri “özbaşına” adlandırıb

Azərbaycanda daha bir QHT rəhbəri 8 il şərti həbs cəzası alıb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

İsrail Qəzza barədə filmin rejissorlarını vətəndaşlıqdan məhrum etməklə hədələyib

14 Sentyabr 2026

Luca Faz

İsrailin mədəniyyət naziri Miki Zohar Qəzza zolağındakı müharibədən bəhs edən “NAZA” sənədli filminin rejissorları Yuval Abraham və Rahel Şoru vətəndaşlıqdan məhrum etdirmək niyyətində olduğunu bildirib. “The Guardian”ın məlumatına görə, Zohar filmi “dövlətə xəyanət” adlandırıb, müəlliflərini isə “dünyadakı antisemitlərin alqışları naminə vətənlərinə zərər vurmağa hazır olmaqda” ittiham edib. İsrail qanunvericiliyinə əsasən, vətəndaşlıqdan məhrumetmə üçün daxili işlər nazirinin müraciəti, ədliyyə nazirinin razılığı və məhkəmə qərarı tələb olunur. Nadir hallarda tətbiq edilən bu tədbirlə bağlı Mədəniyyət Nazirliyi təkbaşına qərar verə bilməz. “NAZA” fələstinli silahlı qrupların 2023-cü il oktyabrın 7-də İsrailin cənubuna hücumundan sonra ordunun Qəzzadakı əməliyyatlardan bəhs edir. Ekran əsərində zərbələr zamanı mümkün...

Davamını oxu

Dünya

Türkiyə polisi LGBTQ+ fəallarını kütləvi şəkildə saxlayıb

14 Sentyabr 2026

sosial media

Sentyabrın 12-13-də Türkiyədə LGBTQ+ fəallarına qarşı kütləvi polis əməliyyatları keçirilib. İstanbul, Ankara, İzmir və Antalyada fəalların evlərində, LGBTQ+ təşkilatlarının ofislərində, eləcə də gecə klublarında axtarışlar aparılıb. Polisin məlumatına görə, İstanbulda 26, Ankarada isə 20 nəfər saxlanılıb. Ümumilikdə əməliyyatların ölkənin 12 vilayətini əhatə etdiyi bildirilir. LGBTQ+ hüquqlarını müdafiə edən “Kaos GL” assosiasiyası əməkdaşları da daxil olmaqla 50 nəfərin saxlanıldığını açıqlayıb. Assosiasiyanın məlumatına görə, ofisində və əməkdaşlarının evlərində aparılan axtarışlara təşkilatın saytında və sosial media hesablarında dərc olunan materiallar əsas gətirilib. Prokurorluq həmin materialları “əxlaqa zidd” hesab edib. Sentyabrın 12-də LGBTQ+ təşkilatlarına və ayrı-ayrı fəallara məxsus bir neçə sayta və sosial media...

Davamını oxu