Məhkəmə

Hacı Vəliyevin həbs müddəti uzadılıb

18 Avqust, 2025

Foto: sosial media

Həbsdə olan ictimai fəal və İkinci Qarabağ Müharibəsi iştirakçısı Hacı Vəliyevin həbs qətimkan müddəti uzadılıb.

APA-nın məlumatına görə, bu barədə avqustun 18-də Xətai Rayon Məhkəməsi qərar verib.

Həbs qətimkan tədbiri müddətinin uzadılması haqqında istintaq orqanının təqdimatına baxan məhkəmə müddəti daha 20 gün uzadıb.

Hacı Vəliyev martın 31-də Bakı Şəhər Baş Polis İdarəsinin əməkdaşları tərəfindən saxlanılıb.

O, Cinayət Məcəlləsinin silahdan və ya silah qismində istifadə olunan əşyalardan istifadə edilməklə xuliqanlıq və özgənin əmlakını qəsdən məhv etmə və ya zədələmə maddələri ilə ittiham olunur.

Vəliyev müharibədə həlak olanların ailələrinin, müharibə iştirakçılarının problemlərini işıqlandırması və məmurları tənqid etməsi ilə tanınır.

O, martın 18-də polisin Yasamal rayonu ərazisində küçə ticarəti ilə məşğul olan bir qrup qaziyə qarşı zorakılıq tətbiq etdiyini ictimailəşdirmişdi.

Vəliyev mayın 14-də məhkəmədə çıxışında deyib ki, o, "ictimai fəaliyyətinə, şəhid ailələrinin və müharibə iştirakçılarının sosial rifah məsələlərini dövlət qurumları qarşısında qaldırdığına və məmurları tənqid etdiyinə" görə həbs olunub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Paşinyan kilsədən və müxalifətdən üzr istəyib

DGK: Azərbaycan bu il 19 ölkəyə 14 mln. tondan çox neft ixrac edib

Bakıda dini ayin keçirən şəxslər həbs olunub

Sürücülər: “İran gömrükdə gözləmə vaxtını süni şəkildə uzadır”

Rusiya yenə SOCAR-ın neft bazasını vurub

Reuters: Putin Rusiyanın Krım üzərində suverenliyinin tanınmasını istəyib

Redaktorun Tövsiyələri

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Qəzalı həbsxanada saxlanma - Konvensiyanın normalarına açıq ziddiyyət

“Aİ Azərbaycanın geosiyasi əhəmiyyətini dəyərlərindən üstün tutur”

Məhkəmə

Həbsdə olan “Meydançı”lar: Hakimiyyət yeni saxtakarlığa hazırlaşır

15 Avqust 2025

Foto: Meydan TV

Meydan TV-nin həbsdə olan əməkdaşları bəyanat yayıb. Nəşrin avqustun 15-də dərc etdiyi bəyanatı olduğu kimi təqdim edirik:  Biz “Meydan TV işi”nə görə həbs olunanlar 8 aydır istintaqa deyir, ictimai şəkildə bəyan edirik ki, bu media qurumu ilə heç bir əlaqəsi olmayan adamları sıramıza qoşublar. Xüsusilə Bakı Jurnalistika Məktəbinin ( BJM ) təmşilçisi Ülvi Tahirovun Meydan TV ilə heç bir bağı yoxdur, həbsinə səbəb baş redaktor Aynur Elgünəşlə dostluğudur. İndi məlum olur ki, Meydan TV ilə bağlı planlaşdırdıqları məqsədlərinə nail ola bilməyən istintaq işi BJM-in fəaliyyəti, daha doğrusu mailiyyəsi ilə bağlı suallar verilir, mənşəyi məlum olmayan, Meydan TV ilə əlaqəsi göstərilməyən...

Davamını oxu

Məhkəmə

Bəhruz Səmədovun heç bir vəsatəti təmin olunmayıb

14 Avqust 2025

Foto: sosial media

Avqustun 13-də Bakı Apellyasiya Məhkəməsində Çexiyanın Karlova Universitetinin doktorantı, sülh fəalı Bəhruz Səmədovun Bakı Ağır Cinayətlər Məhkəməsinin çıxardığı hökmdən verdiyi şikayətə baxılıb. Elmar Rəhimovun sədrlik etdiyi məhkəmə prosesi qapalı keçirilib. Yaxınlarının Meydan TV-yə verdiyi məlumata görə, prosesdə məhkəmənin açıq keçirilməsi də daxil olmaqla, ümumilikdə 20-dən çox vəsatət qaldırılıb. Vəsatətlərin heç biri təmin edilməyib. Məhkəmədən bir gün öncə B.Səmədov nənəsi Zibeydə Osmanova ilə görüşərək vəziyyətinin yaxşı olmadığını, avqustun 13-də baş tutacaq məhkəmə iclasında iştirak etməyəcəyini desə də, prosesə qatılıb. Növbəti məhkəmə prosesi avqustun 20-ə təyin olunub. Çexiyanın Karlov Universitetinin doktorantı Bəhruz Səmədov Dövlət Təhlükəsizliyi Xidmətinin əməkdaşları tərəfindən 2024-cü il avqustun 21-də həbs...

Davamını oxu