Məhkəmə

Prokuror Rüfət Səfərova 9 il həbs cəzası istəyib

18 May, 2026

116

Sosial media

Mayın 18-də Bakı Ağır Cinayətlər Məhkəməsində həbsdə olan hüquq müdafiəçisi Rüfət Səfərovun işi üzrə növbəti məhkəmə prosesi keçirilib.

"Azadlıq Radiosu"nun xəbərinə görə, prosesdə çıxış edən dövlət ittihamçısı Vüsal Mehrəliyev təqsirləndirilən şəxsə 9 il həbs cəzası istəyib.

Prokuror iddia edib ki, R.Səfərova qarşı irəli sürülən dələduzluq, xuliqanlıq və qəsdən sağlamlığa zərər vurma kimi ittihamlar məhkəmədə tam təsdiqini tapıb.

Hüquq müdafiəçisi isə prokurorun çıxışını gülüşlə qarşılayıb.

Proses iyunun 5-də vəkillərin müdafiə çıxışları ilə davam edəcək.

Rüfət Səfərov 2024-cü il dekabrın 3-də həbs olunub. Ona qarşı Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə), 127.2.3-cü (qəsdən sağlamlığa az ağır zərər vurma) və 221.1 (xuliqanlıq) maddələri ilə ittiham irəli sürülüb.

İttiham aktında iddia olunur ki, R.Səfərov Natiq İmanquliyev adlı şəxsə torpaq satmaq adı ilə ondan 60 min manat pul alıb, lakin sonradan torpağı satmayıb, buna görə də N.İmanquliyev R.Səfərovun yaşadığı mənzilin qarajına gəlib və mübahisə zəminində hüquq müdafiəçisi ona xəsarət yetirib.

R.Səfərov ittihamları rədd edir, həbsinin siyasi sifariş olduğunu bildirir.

Əvvəllər Zərdab Rayon Prokurorluğunda müstəntiq işləmiş R.Səfərov 2015-ci ildə işdən çıxaraq, hökuməti tənqid etmişdi. Bundan sonra o, doqquz il müddətinə həbs edilsə də, 2019-cu ildə əfv edilərək azadlığa çıxmışdı. O, "Müdafiə Xətti" insan hüquqları təşkilatının rəhbəri kimi fəaliyyət göstərirdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qraffitiyə görə həbs olunan gəncin həbs müddəti 2 ay uzadılıb

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

Mərakeşdən yüzlərlə miqrant İspaniyanın Seuta anklavına keçib

Əli Kərimlinin mühafizəçisi 9 il azadlıqdan məhrum edilib

Kamal İsayevin məhkəməsi davam edir: "Bu proses söz davası olmamalıdır"

Bəhruz Səmədov: "Göz müayinəsi üçün hələ də həkim göndərilmir"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Məhkəmə

Qraffitiyə görə həbs olunan gəncin həbs müddəti 2 ay uzadılıb

1 Avqust 2026

sosial media

"Nizami" kinoteatrının divarındakı qraffitilərə görə həbs olunmuş Ardeşir Seypfur Saad Abadinin işi üzrə məhkəmə prosesi keçirilib. Yaxınlarının yaydığı məlumata görə, iyulun 31-də Nəsimi Rayon Məhkəməsində baş tutan prosesdə istintaq orqanının təqdimatına baxılıb. İstintaq orqanı Abadinin barəsindəki həbs qətimkan tədbirinin müddətinin daha 2 ay uzadılmasını istəyib. Məhkəmə təqdimatı təmin edib. Müdafiə tərəfi həbs qətimkan tədbirinin ev dustaqlığı ilə əvəz edilməsi üçün vəsatət versə də, məhkəmə bunu təmin etməyib. "Məhkəmənin qərarına hörmətlə yanaşmağımız qərarın həqiqətən zəruri, mütənasib və ədalətli olub-olmadığını soruşmağımıza mane olur", - yaxınları sosial mediada qeyd edib. Belarus vətəndaşı olan 20 yaşlı Abadi aprelin əvvəlində həbs olunub. Onun "Nizami" kinoteatrının...

Davamını oxu

Məhkəmə

Əli Kərimlinin mühafizəçisi 9 il azadlıqdan məhrum edilib

30 İyul 2026

açıq mənbə

İyulun 30-da Bakı Ağır Cinayətlər Məhkəməsində Azərbaycan Xalq Cəbhəsi Partiyasının (AXCP) üzvü, partiya sədri Əli Kərimlinin ictimai əsaslarla mühafizəçisi olmuş Kənan Zeynalovun (Basqal) işi üzrə sonuncu məhkəmə prosesi baş tutub. Hakim Mahirə Kərimovanın sədrliyi ilə keçirilən prosesdə partiya üzvünə hökm oxunub. Hökmə əsasən, Kənan Zeynalov 9 il müddətinə azadlıqdan məhrum edilib. Dövlət ittihamçısı ona 10 il cəza istəmişdi və iddia etmişdi ki, AXCP fəalına qarşı Anar Rəhimov adlı şəxsə bıçaqla xəsarət yetirməsi barədə irəli sürülən ittiham məhkəmədə təsdiqini tapıb. Hüquq müdafiəçisi Zəfər Əhmədov “Toplum TV”-yə deyib ki, K.Zeynalov hökmdən əvvəl son sözündə ona qarşı irəli sürülmüş bütün ittihamları rədd edib və...

Davamını oxu