Ölkə

Bakıda 130 yaşlı tarixi bina sökülüb

13 May, 2025

Fəridə Ziyadova/sosial media

Bakının Xətai rayonunda 1895-97-ci illərdə tikilən tarixi bina sökülüb.

Bu barədə memar Stasia Orlova-Stroqanova “Facebook” səhifəsində məlumat verib.

O bildirib ki, söküntü mayın 9-da baş tutub.

Sözügedən bina ikimərtəbəli olmaqla Ələddin Quliyev və 8-ci Zavod küçələrinin kəsişməsində yerləşib. Orlova-Stroqanova qeyd edib ki, tarixi bina məşhur polyak memarı Kazimir Skureviçin layihəsi əsasında tikilib.

“Klassik üslubda, milli memarlıq elementləri ilə tikilmiş bu zərif bina ərazinin mirvarisi ola bilərdi. Onu qorumaq, bərpa etmək, mədəni məkan kimi yenidən canlandırmaq olardı — sərgi zalları, uşaq oyun zonaları, rahat bir kafe... Arzu idi? Təəssüf ki, indi bu yalnız bir “kaş ki” olaraq qalır”, - memar vurğulayıb.

Orlova-Stroqanova əlavə edib ki, bu bina “sadəcə daş və kərpic deyildi — bu, dövrünün canlı şahidi, memarlıq incisi idi”.

O bildirib ki, yerli memarlar abidənin qorunması üçün aiddiyatı qurumlara müraciətlər ediblər, lakin onlar cavabsız qalıb.

Mətbuatda həmin ərazidə “yaşıl hibrid park-koridor”un tikiləcəyi yazılıb.

Məsələ ilə bağlı Mədəni İrsin Qorunması, İnkişafı və Bərpası üzrə Dövlət Xidmətindən “Trend.az”a bildirilib ki, sözügedən bina dövlət mühafizəsində olan tarixi abidələrin siyahısında olmayıb.

Bundan əvvəl memar Abdul Hüseynov Toplum TV-yə demişdi ki, Bakıda əvvəllər dövlət reyestrində olan tarixi binalar səssizcə siyahıdan çıxarılır və bununla onların sökülməsinə əsas yaradılır.

Qeyd: Fotolar Fəridə Ziyadovaya aiddir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Britaniya beş azərbaycanlıya və “Zəngəzur” tankerinə sanksiya qoyub

ABŞ Talibandan qaçan əfqanların qorunma statusunu ləğv edib

UNICEF-in Azərbaycandakı fəaliyyəti dayandırılır

Fazil Qasımovun yenidən aclıq aksiyasına başladığı bildirilir

ABŞ Konqresi: Tofiq Yaqublu azad edilməlidir

Tramp: Türkiyəyə gedə bilərəm

Redaktorun Tövsiyələri

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

Ölkə

Bakının tarixi məhəllələri sökülmək təhlükəsi ilə üz-üzədir

2 May 2025

sosial media

Bakının “Bayırşəhər” adlanan hissəsində tarixi abidələr və məhəllələr sökülmək təhlükəsi altındadır. Bu barədə yerli memarlar sosial şəbəkələrdə həyəcan təbili çalırlar. Memar Abdul Hüseynovun Toplum TV-yə dediyinə görə, sökülməsi planlaşdırılan, tarixi məhəllələrin olduğu əsas iki ərazi var. Bunlardan biri Təzəpir və Hacı Sultanəli məscidləri arasında olan ərazidir. Hüseynov bildirir ki, bu ərazi Bakının 2040-cı ilə qədər müddəti əhatə edən baş planında “xüsusi mühafizə olunan ərazi” kimi nəzərdə tutulub və İçərişəhərin Qala divarlarından sonra 2-ci ən əhəmiyyətli zonadır. Bu ərazinin qorunub mühafizə edilməsi üçün fevralda Hüseynov da daxil olmaqla 200-dən çox Bakı sakini Prezident Administrasiyasına məktub ünvanlayıb. Onlar “Bayırşəhər”də yerləşən tarixi və...

Davamını oxu

Ölkə

Sara Rəhimova sərbəst buraxılıb - YENİLƏNİB

30 Aprel 2025

sosial media

“İşçi Masası” Həmkarlar İttifaqları Konfederasiyasının idarə heyətinin üzvü Sara Rəhimova sərbəst buraxılılb. Məlumatı onun yaxınları yayıblar. Hələlik onun hansı səbəbdən saxlanması barədə məlumat verilmir. **** “İşçi Masası” Həmkarlar İttifaqları Konfederasiyasının idarə heyətinin üzvü Sara Rəhimovanın saxlanıldığı və ondan saatlardır xəbər alınmadığı deyilir. Bu barədə onun yaxınları və təşkilatın üzvləri sosial mediada məlumat yayıblar. Sara Rəhimova yaxınlarına zorakılıqla saxlanıldığını və hazırda polis bölməsinə aparıldığını bildirib. Bildirilir ki, Sara Rəhimova polisə məxsus avtomobildə olduğunu əks etdirən foto paylaşıb. “Onun Gənclik ərazisində saxlanıldığı ehtimal edilir. Hansı bölməyə aparıldığı və saxlanılma səbəbi bilinmir. Hazırda onunla əlaqə qurmaq mümkün deyil”, - yaxınları qeyd ediblər. Azərbaycanda...

Davamını oxu