Ölkə

Polad Aslanov ombudsman nümayəndələri ilə görüşdən imtina edib

6 Mart, 2026

203

Foto/kollaj: Toplum TV

15 saylı ciddi rejimli cəzaçəkmə müəssisəsində saxlanılan jurnalist Polad Aslanov Ombudsman Aparatının nümayəndələri ilə görüşməkdən imtina edib.

Bu barədə onun həyat yoldaşı Gülmirə Aslanova sosial media hesabında məlumat verib. Onun sözlərinə görə, Ombudsman Aparatının əməkdaşları ötən gün cəzaçəkmə müəssisəsində Aslanovla görüşmək istəyiblər.

G.Aslanovanın bildirdiyinə görə, Polad Aslanov görüşdən imtinanı Ombudsman Aparatının əvvəlki müraciətlərə reaksiya verməməsi ilə əsaslandırıb:

“Sonuncu aclıq aksiyası zamanı Ombudsman Aparatının qaynar xəttinə dəfələrlə müraciət olunmasına baxmayaraq, onların Polad Aslanova baş çəkməyiblər. Polad Aslanov onlara bildirib ki, mənim ailəmlə görüşümə və telefon zənglərimə qadağa qoyulduğu üçün 20 gündən artıq aclıq aksiyası etdim. Buna baxmayaraq, məni qida qəbul edən məhbuslardan təcrid etmədilər, təzyiqimi və çəkimi yoxlamadılar, həkim nəzarətinə götürmədilər. Hüquqlarım pozulanda həyat yoldaşım dəfələrlə sizə müraciət etdi, gəlmədiniz, lakin bu gün gəlmisiniz. Bu gün isə siz mənim nəyimə lazımsınız?”.

Ombudsman Aparatı və Penitensiar Xidmət məsələ ilə bağlı hələlik açıqlama verməyib.

Polad Aslanov 2019-cu ildə casusluq ittihamı ilə həbs olunub. O, ittihamları rədd edir və bunu korrupsiya ilə bağlı ifşaları ilə əlaqələndirir. Hüquq müdafiəçiləri onu siyasi məhbus kimi tanıyır. Avropa İnsan Hüquqları Məhkəməsi də onun həbsi ilə bağlı Azərbaycan hökumətinə qarşı qərar çıxarıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yeni dövlət proqramı Azərbaycanın ərzaq təhlükəsizliyini təmin edə bilərmi?

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

Kəlbəcərdə əmək müqaviləsiz işçi çalışdıran şirkət 20 min manat cərimələnib

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

ABŞ elçisi ilə görüşdən sonra razılıq: Belarus 25 “siyasi məhbus”u azad edəcək

Almaniyada hərbi aviabaza yaxınlığına dron düşüb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Ölkə

Kəlbəcərdə əmək müqaviləsiz işçi çalışdıran şirkət 20 min manat cərimələnib

16 Sentyabr 2026

sosial media

Kəlbəcərdə tikinti işləri aparmış şirkət işçiləri əmək müqaviləsi olmadan işlətdiyinə görə 20 min manat cərimələnib. "Abzas Media"nın xəbərinə görə, adı açıqlanmayan şirkət sentyabrın 4-də Qaradağ Rayon Məhkəməsi tərəfindən İnzibati Xətalar Məcəlləsinin 192.1-ci maddəsi (əmək müqaviləsi hüquqi qüvvəyə minmədən şəxslərin işə cəlb edilməsi) ilə təqsirli bilinib. Məlumata görə, işçilər Kəlbəcərin Zar kəndində evlərin dam örtüyünün vurulması işinə cəlb edilib. Şirkət onlarla işə başlamazdan əvvəl əmək müqaviləsi bağlamayıb və bu barədə məlumat elektron sistemə daxil edilməyib. İşçilərdən biri ərizəsində qeyd edib ki, ilk iş günündə elektrik mişarı onun sol biləyini kəsib. O, xəstəxanaya aparılıb və ona tibbi yardım göstərilib. İşçinin sözlərinə görə,...

Davamını oxu

Ölkə

Memar: "Bayırşəhərdə dövlət reyestrindən çıxarılmış tarixi abidələr reyestrə qaytarılmır"

14 Sentyabr 2026

Abdul Hüseynov

Bayırşəhərdə aparılan söküntülər fonunda ərazidə yerləşən və uzun müddət əvvəl dövlət reyestrindən çıxarılmış tarixi abidələr hələ də reyestrə qaytarılmır. Bu barədə memar Abdul Hüseynov "Toplum TV"yə məlumat verib. Sözügedən abidələr Murtuza Muxtarov küçəsində yerləşir və 1899, 1899 və 1902-ci illərdə inşa olunublar. A.Hüseynovun sözlərinə görə, abidələr 2016-cı ildə heç bir əsas gətirilmədən reyestrdən çıxarılıblar. O bildirir ki, müxtəlif vaxtlarda binaların dövlət reyestrinə qaytarılması üçün aidiyyəti qurumlara müraciət etsə də, cavab ala bilməyib. Bir ildən çoxdur ki, Bayırşəhərdə tarixi binaların və məhəllələrin söküntüsü gedir və yaşı 100-dən çox olan bir neçə bina sökülüb. Yasamal Rayon İcra Hakimiyyəti söküntünün ərazidəki Qış Parkının...

Davamını oxu