Ölkə

Prokuror “Baksol yolu”nda gəncin ölümü ilə bağlı təqsirləndirilən şəxsə 5 il həbs istəyib

15 Oktyabr, 2026

açıq mənbə

Bakıda “Baksol yolu” adlanan ərazidə 28 yaşlı Cümşüd Cümşüdlünün yolun çökməsi nəticəsində kanalizasiya kollektoruna düşərək ölməsi ilə bağlı açılan cinayət işi üzrə məhkəmə istinataqı yekunlaşıb.

APA-nın məlumatına görə, Nərimanov Rayon Məhkəməsində prokuror Bakı Su Kanal İdarəsinin sahə rəisi Azər Cümşüdova 5 il həbs cəzası istəyib.

Prokuror onun məhkəmə zalında həbs edilməsini və cəzasını ümumi rejimli cəzaçəkmə müəssisəsində çəkməsini də istəyib.

Vəkillər çıxış üçün vaxt istəyiblər. Növbəti iclas oktyabrın 29-na təyin olunub.

İstintaqın məlumatına görə, 2025-ci il iyunun 26-da Nərimanov rayonunun Ələsgər Qayıbov küçəsində yer səthinin çökməsi nəticəsində Cümşüd Cümşüdlü kanalizasiya sularının axdığı kanala düşüb. Onun meyiti iyunun 28-də Suraxanı rayonunun Hövsan qəsəbəsində yerləşən kanalizasiya sularının təmizləmə anbarında tapılıb.

Faktla bağlı ehtiyatsızlıqdan ölümə səbəb olan səhlənkarlıq maddəsi ilə cinayət işi başlanıb. Azər Cümşüdov təqsirləndirilən şəxs qismində cəlb olunub və barəsində polis nəzarəti altına verilmə qətimkan tədbiri seçilib.

İş üzrə əvvəlki məhkəmə iclaslarından birində hadisə yerinin yaxınlığında obyekti olan sahibkar Səyyar Nuriyev ərazidə çökmələrin hadisədən əvvəl, təxminən ilin əvvəlindən müşahidə olunduğunu deyib. Onun sözlərinə görə, problemlə bağlı bir neçə dəfə “Azərsu”nun qaynar xəttinə müraciət edib.
Şahid həmçinin ərazidə quraşdırılan məhəccərlərin kifayət etmədiyini, onların yerə möhkəm bərkidilmədiyini bildirib. Təqsirləndirilən Azər Cümşüdov isə bu iddiaları qəbul etməyib, təhlükəli sahənin kifayət qədər məhəccərlə əhatəyə alındığını deyib.

Digər sahibkar Asif Həbibov ifadəsində ərazinin iki aydan çox təhlükəli vəziyyətdə qaldığını, bu səbəbdən bir müddət öz məhəccərləri ilə ərazini bağladığını bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İlham Əliyev: “Bizi müharibəyə Ermənistan məcbur edib”

Avropa Məhkəməsi Yasamalda mənzilləri sökülmüş sakinlər üçün 135 min avro təzminat kəsib

Zelenski Rusiyanın neft emalı zavodlarına zərbələrin bərpa edildiyini bildirib

Nazirlik: Azərbaycan 9 ayda 15 milyon tondan çox neft ixrac edib

Sürücülər: “Sədərək-Dilucu sərhədində gömrük və AYNA arasındakı mübahisə sərnişinləri piyada qoyub”

Tramp: “Gözəl Qrenlandiyamızda neft, qaz və mineral ehtiyatların kəşfiyyatına başlanmağa hazırlıq görülür”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Ölkə

Avropa Məhkəməsi Yasamalda mənzilləri sökülmüş sakinlər üçün 135 min avro təzminat kəsib

15 Oktyabr 2026

açıq mənbə

Avropa İnsan Hüquqları Məhkəməsi (AİHM) 2016-cı ildə paytaxtın Yasamal rayonunda mənzilləri sökülmüş sakinlərin şikayətinə baxıb. Vəkil Fariz Namazlının yaydığı məlumata görə, oktyabrın 13-də verilən qərarda ərizəçilərə qarşı hüquq pozuntuları tanınıb və onlar üçün ümumilikdə 135 min avrodan çox məbləğdə təzminat kəsilib. Qərarın mətnində göstərilir ki, Yasamal rayonunda yaşayan beş şikayətçinin mənzillərinin bir hissəsi 2016-cı ilin iyulunda yerli icra hakimiyyəti tərəfindən sökülüb. İcra hakimiyyəti söküntünü icra edərkən Nazirlər Kabinetinin 2015-ci ilin noyabrına aid olan qərarına istinad edib. Yerli məhkəmələr ərizəçilər üçün 33-90 min manat aralığında məbləğlərdə təzminat təyin edib. AİHM isə müəyyən edib ki, Bakı Şəhər İcra Hakimiyyətinin xüsusi mülkiyyətdə olan...

Davamını oxu

Ölkə

Sürücülər: “Sədərək-Dilucu sərhədində gömrük və AYNA arasındakı mübahisə sərnişinləri piyada qoyub”

15 Oktyabr 2026

sosial media

Sədərək gömrük keçid məntəqəsi ilə Türkiyənin Dilucu gömrük qapısı arasında hərəkət edən mikroavtobusun fəaliyyətinin dayandırıldığı bildirilir. “Gündəlik Naxçıvan”ın məlumatına görə, bu səbəbdən sərhədi keçən şəxslər, o cümlədən yükü olan sərnişinlər iki kilometrdən çox məsafəni piyada qət etməyə məcbur qalırlar. Marşrutda çalışmış sürücülər nəşrə deyiblər ki, gediş haqqı 1 manat olub və mikroavtobus hər gün minlərlə sərnişin daşıyıb. Onların iddiasına görə, yığılan vəsaitin idarə olunması ilə bağlı gömrük orqanı və Naxçıvanda fəaliyyətə başlayan Azərbaycan Yerüstü Nəqliyyat Agentliyi (AYNA) arasında fikir ayrılığı yaranıb. Bu iddialarla bağlı qurumların mövqeyi açıqlanmayıb. Marşrutun dayanmasının Türkiyəyə müalicəyə gedən xəstələr və yaşlı şəxslər üçün əlavə çətinlik yaratdığı...

Davamını oxu