Region

'Reuters': "Rusiya Ermənistana 100 min seçici göndərməyi nəzərdən keçirib"

29 May, 2026

primeminister.am

"Reuters" xəbər agentliyi Rusiyanın Ermənistanda keçiriləcək parlament seçkilərinə müxtəlif yollarla təsir etməsi haqqında yazı dərc edib.

Agentliyə danışan ABŞ kəşfiyyatı rəsmiləri Rusiyanın seçkilərdə iştirak edəcək Rusiyayönümlü namizədlərin lehinə dezinformasiya kampaniyası apardığını deyib.

Onların sözlərinə görə, Rusiyanın seçkilərdə üstünlük verdiyi əsas namizəd iş adamı Samvel Karapetyandır. O, ötən il hakimiyyəti ələ keçirməyə çağırış ittihamı ilə həbs olunub, sonradan ev dustaqlığına buraxılıb.

Rusiyanın ötən ilin oktyabrında Ermənistanda seçkilərə təsir məqsədilə xüsusi şöbə yaratdığı deyilir.

Mənbələr onu da bildirib ki, Rusiya seçki günü Rusiyayönümlü namizədlərin lehinə səs vermələri üçün Rusiyada yaşayan 100 min Ermənistan vətəndaşını pul müqabilində Ermənistana göndərməyi nəzərdən keçirib. Belə ki, Ermənistan qanunvericiliyi vətəndaşlara xaricdə səs verməyə icazə vermir.

Məlumata görə, Rusiya kəşfiyyatçıları 100 min ermənini göndərmək üçün ümumilikdə 50 milyon ABŞ dolları məbləğində xərc hesablayıb. Bununla əlaqədar Rusiyanın regionlarına göndərəcəkləri erməni seçicilərinin sayı üçün kuota təqdim olunduğu bildirilir. Lakin "Reuters" planın nə dərəcədə həyata keçəcəyini öyrənə bilməyib.

Rusiya Xarici İşlər Nazirliyi "Reuters"in şərh sorğusuna cavab verməyib, lakin mayın 28-də jurnalistlərə bildirib ki, Rusiyanın Ermənistanın daxili işlərinə müdaxilə etməsi ilə bağlı iddialar “casusluq isteriyasıdır”.

Ermənistan hökumətinin kommunikasiya departamenti yazıda irəli sürülən konkret ittihamlarla bağlı şərh verməkdən imtina edib, lakin seçkilərin "azad, ədalətli və şəffaf keçirilməsini təmin etmək və dezinformasiyaya qarşı mübarizə aparmaq üçün tədbirlər görüldüyünü" deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“Elgün İbrahimovla bağlı videoya görə saxlanıldım” deyən gəncə 3 il həbs cəzası verilib

"Reuters": 'İran qumar şəbəkəsi vasitəsilə 4 milyard dolları sanksiyalardan yayındırıb'

Ekspert: “Azərbaycanda demək olar ki, hər ailədə ən azı bir nəfərin kredit borcu var”

Ələsgər Məmmədli: “Azərbaycanda hüququn aliliyini müdafiə etdiyimə görə qanunsuz həbs edilmişəm”

Vəkil: "Vüqar Məmmədovun səhhəti ilə bağlı sorğularımıza cavab verilmir”

İlqar Məmmədov prezidentə: "Sizi dəstəkləyən bir partiya lideri mənə xəbərdarlıq edir"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Region

Paşinyan Putindən Ermənistandan idxal qadağalarını götürməyi xahiş edib

28 İyul 2026

Russian Foreign Ministry

Ermənistan baş naziri Nikol Paşinyan iyulun 27-də Rusiya prezidenti Vladimir Putinlə telefon danışığı aparıb. "Armenpress" agentliyinin baş nazir aparatına istinadən verdiyi məlumata görə, tərəflər Ermənistan-Rusiya münasibətlərinin gündəliyini, xüsusilə də ikitərəfli iqtisadi əlaqələrlə bağlı məsələləri müzakirə ediblər. Paşinyan Ermənistan mənşəli məhsulların Rusiya bazarına ixracına tətbiq olunan məhdudiyyətlərin Avrasiya İqtisadi İttifaqının (Aİİ) qaydalarına zidd olduğunu bildirib. O, rusiyalı həmkarından bu problemlərin aradan qaldırılması üçün müvafiq tədbirlər görməsini xahiş edib. Kremlin rəsmi pres-relizində bu mövzuya yer verilməyib. Əvəzində telefon söhbətində Ermənistanın geosiyasi mövqeyi və Aİİ çərçivəsindəki öhdəliklərinin müzakirə olunduğu qeyd olunub. Pres-relizə əsasən, Putin vurğulayıb ki, Ermənistan Avropa İttifaqına inteqrasiya yolunu seçmək, yoxsa...

Davamını oxu

Region

Ermənistan 40 min qarabağlıya vətəndaşlıq verib

22 İyul 2026

Açıq mənbə

Ermənistan Qarabağdan köçən təxminən 40 min nəfərə vətəndaşlıq verib. Bu barədə Ermənistanın daxili işlər naziri Arpine Sarkisyan “CivilNet”-ə müsahibəsində deyib. Onun sözlərinə görə, qarabağlı qaçqınların ümumi sayı 115 mindən çoxdur və onların təxminən yarısı vətəndaşlıq üçün müraciət edib. Müraciətlərə baxılmağa davam edilir. “İki il yarımlıq müddəti nəzərə alsaq, hesab edirəm ki, bu, qaçqın əhalinin Ermənistan vətəndaşlığını almaqda və Ermənistanda tamhüquqlu, perspektivli gələcək qurmaqda maraqlı olduğunu göstərən mühüm göstəricidir”, - A.Sarkisyan deyib. Nazir xatırladıb ki, qaçqınların Ermənistana sosial-iqtisadi inteqrasiyası Ermənistan və Avropa İttifaqı arasında viza rejiminin liberallaşdırılması ilə bağlı görülən işlərin istiqamətlərindən biridir. “Düşünürəm ki, artıq görülmüş işlər avropalı tərəfdaşlar tərəfindən...

Davamını oxu