Region

Paşinyan Rusiyanın qadağalarından ziyan çəkən şirkətlərə kömək edəcəyinə söz verib

2 İyun, 2026

Sosial media

Ermənistan baş naziri Nikol Paşinyan Rusiyanın ölkəsinə tətbiq etdiyi idxal qadağalarından ziyan çəkən yerli şirkətlərə dəstək olacağını deyib.

İyunun 2-də seçki mitinqində çıxış edən Paşinyan bildirib ki, başçılıq etdiyi hökumət bu cür şirkətlərə dəstək proqramları başladacaq.

“Hökumət artıq qərar verib ki, ixraca qarşı ədalətsiz maneələrin olduğu bütün hallarda həmin məhsullar üçün dəstək və subsidiya proqramları tətbiq edəcəyik ki, iqtisadiyyatımızda zərər çəkən olmasın”, - o qeyd edib.

Baş nazir əlavə edib ki, bu, məhsulun keyfiyyəti ilə bağlı olmayan qadağalara aiddir. Onun sözlərinə görə, bəzi hallarda qadağaya məruz qalan mallar, həqiqətən də, keyfiyyət standartlarına cavab vermir.

“Biz aşağı keyfiyyətli məhsulları suverenliyimiz və milli maraqlarımız hesabına ixrac edə bilmərik. Lakin bu müəssisələrə də dəstək verəcəyik ki, məhsullarını yeni keyfiyyət standartlarına uyğunlaşdıra bilsinlər”, - Paşinyan vurğulayıb.

O əlavə edib ki, Ermənistan artıq yeni ixrac bazarlarına çıxış üzərində işləyir.

Rusiya bu yaxınlarda Ermənistandan pomidor, xiyar, bibər, göyərti, çiyələk, gül, mineral su, konyak və balıq idxalına müvəqqəti qadağa qoyub.

Rusiyanın Baytarlıq və Fitosanitar Nəzarət üzrə Federal Xidməti ("Rosselxoznadzor") qərarlarını Ermənistan məhsullarının keyfiyyət standartlarına cavab verməməsi ilə izah edir.

Siyasi müşahidəçilər isə bunu daha çox Rusiyanın iyunun 7-də Ermənistanda keçiriləcək parlament seçkiləri öncəsi hökumətə təzyiqi kimi qiymətləndirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Region

Gürcüstan yaşayış icazəsi almaq üçün nikaha girməyi cinayət saymağa hazırlaşır

16 İyun 2026

Toplum TV

Gürcüstanda əcnəbilərin ölkədə daimi yaşayış icazəsi almaq üçün vətəndaşlarla nikaha girməsi cinayət əməli hesab oluna bilər. Gürcüstan Daxili İşlər Nazirliyi (DİN) bununla bağlı qanunvericiliyə dəyişikliklər edilməsi üçün təkliflər hazırlayıb. Hazırki qanuna əsasən, Gürcüstan vətəndaşı ilə nikaha girən əcnəbilər avtomatik olaraq ölkədə daimi yaşayış icazəsinə malik olur. Təklif olunan dəyişikliklərə əsasən, yaradılacaq xüsusi komissiya bu cür nikahları ayrı-ayrılıqda araşdıracaq. Saxta əsaslarla nikah bağladığı məlum olan əcnəbilər Gürcüstandan deportasiya edilə, 2 ildən 10 ilədək müddətə giriş qadağası ilə üzləşə, həmçinin cərimə, ev dustaqlığı və ya 2 ilədək həbslə cəzalandırıla bilər. Qanuna təklif olunan digər dəyişiklik isə əcnəbi tələbələrin yaşayış icazəsi ilə bağlıdır....

Davamını oxu

Region

Koçaryanın ölkədən çıxışına qadağa qoyulduğu deyilir

15 İyun 2026

Açıq mənbə

Ermənistanın keçmiş prezidenti və müxalifət lideri Robert Koçaryanın iyunun 15-də ölkədən çıxışına icazə verilmədiyi deyilir. Bir gün öncə verdiyi məlumatda Koçaryan bildirirdi ki, şəxsi məqsədlərlə üç günlük səfərə hazırlaşır. Oğlu Levon Koçaryan mətbuata deyib ki, atası Rusiyaya səfər edəcəkmiş. Koçaryanın sözçüsü Baqrat Mikoyan keçmiş prezidentin Zvartnots hava limanında ölkədən çıxışına icazə verilməməsi barədə xəbəri təsdiqləyib. O, qərarı "qanunsuz və əsassız" adlandırıb. Koçaryan və rəsmilər bununla bağlı açıqlama verməyiblər. Ermənistan baş naziri Nikol Paşinyan isə iyunun 14-də sosial media hesabında Koçaryanın adını çəkmədən müraciət edib. “Çamadanlarınızı yığmağa tələsməyin. Ermənistandan qaçmaq fürsətinə sahib olmağı arzulayacaqsınız, amma o fürsəti əldə edə bilməyəcəksiniz", -...

Davamını oxu