Siyasət

143 milyon manatlıq mənimsəmə işi üzrə həbs olunan polkovnik cəzası bitmədən azadlığa çıxıb

19 Oktyabr, 2026

sosial media

Müdafiə Nazirliyinin həbsdə olan keçmiş əməkdaşı, polkovnik Mahir Şirvanov cəza müddətini bitirmədən azadlığa çıxıb.

"Qafqazinfo"nun oktyabrın 16-da yaydığı xəbərə görə, bu barədə məhkəmə qərar verib və məhkumun cəzasının çəkilməmiş 5 ay 12 günü şərti hesab edilib. Məhkəmənin və qərarı verən hakimin adı açıqlanmayıb.

Xəbərdə deyilir ki, hakim qərarını məhkumun cəzasının dörddə üç hissəsini çəkməsi və islah olması ilə əsaslandırıb.

Mahir Şirvanov Müdafiə Nazirliyinin Satınalma və Təchizat İdarəsinin rəisi olub. O, 2022-ci ildə nazirliyin daha 6 əməkdaşı ilə birlikdə Dövlət Təhlükəsizliyi Xidməti tərəfindən həbs olunub.

Həbs olunan şəxslər dövlət büdcəsindən ümumilikdə 143 milyon manat məbləğində vəsaiti mənimsəməkdə ittiham olunublar.

Bakı Hərbi Məhkəməsi 2024-cü ilin sentyabrında M.Şirvanovu 3 il müddətinə azadlıqdan məhrum edib. Ona qarşı Cinayət Məcəlləsinin 179.4-cü (xüsusi ilə külli miqdarda ziyan vurmaqla dələduzluq törətmək) maddəsi ilə ittiham irəli sürülüb. Lakin onun dövlətə dəymiş 50 min manatlıq ziyanı ödəməsi yüngülləşdirici hal kimi nəzərə alınıb və ona münasibətdə Cinayət Məcəlləsinin 62-ci (qanunda nəzərdə tutulan cəzanın minimum həddindən daha aşağı cəza) maddəsi tətbiq olunub.

Dövlət ittihamçısının apellyasiya protesti verməsindən sonra - 2024-cü ilin dekabrında Bakı Apellyasiya Məhkəməsi M.Şirvanov barəsindəki həbs cəzasını daha 3 il artırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Zelenski Trampı Ukraynanı kapitulyasiyaya məcbur etməkdə ittiham edib

Ukrayna Sankt-Peterburqa zərbələr endirib, ölən və yaralananlar var

Aynur Elgünəş Penitensiar Xidmətin Müalicə Müəssisəsinə köçürülüb

"Amnesty International": "Qızları hicaba görə dərsə buraxmamaq təhsil hüququnun pozuntusudur"

Hökumət 11 min məhkumluq yeni həbsxanalar tikməyi planlaşdırır

Polad Aslanovun həyat yoldaşı: “Onu 15 saylı cəzaçəkmə müəssisəsindən aparıblar”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Siyasət

Aynur Elgünəş Penitensiar Xidmətin Müalicə Müəssisəsinə köçürülüb

19 Oktyabr 2026

Meydan TV

"Meydan TV"nin həbsdə olan baş redaktoru Aynur Elgünəş (Qənbərova) Penitensiar Xidmətin Müalicə Müəssisəsinə köçürülüb. Bu barədə oktyabrın 18-də vəkil Zibeydə Sadıqova məlumat yayıb. O xatırladıb ki, jurnalistin səhhətində ciddi problemlər var, hazırda isə ən böyük təhlükə böyrəyində formalaşıb. A.Elgünəşin yaxınlarının daha öncə yaydığı məlumata görə, oktyabrın 14-də saxlanıldığı Bakı İstintaq Təcridxanasında jurnalistin vəziyyəti daha da pisləşib. Onun arterial təzyiqinin əvvəlcə 150/80-ə yüksəldiyi, üzünün rənginin saraldığı, diafraqma nahiyəsində sıxılma yarandığı və nəfəs almaqda çətinlik çəkdiyi bildirilirdi. “Meydan TV işi” üzrə 12 nəfər ittiham olunur. 2024-cü il dekabrın 6-da “Meydan TV”nin baş redaktoru Aynur Elgünəş, jurnalistlər Ramin Deko (Cəbrayılzadə), Aysel Umudova, Aytac...

Davamını oxu

Siyasət

"Amnesty International": "Qızları hicaba görə dərsə buraxmamaq təhsil hüququnun pozuntusudur"

19 Oktyabr 2026

sosial media

"Amnesty International" beynəlxalq insan hüquqları təşkilatı Azərbaycanda məktəblərdə hicaba qadağa qoyulmasını qınayıb. Təşkilatın Şərqi Avropa və Mərkəzi Asiya bölməsinin direktoru Mari Struters oktyabrın 16-da yaydığı bəyanatda Azərbaycan hökumətini qadağanı ləğv etməyə çağırıb. "Dinc etirazçıların zorakı iğtişaşların iştirakçıları ilə birlikdə kütləvi şəkildə həbs edilməsi, qızının məktəbdən kənarlaşdırılmasına etiraz edən ananın saxlanıldığı barədə məlumatlar və zərərçəkmiş qızlara kömək etməyə çalışan fəalın yoxa çıxması Azərbaycanda dinc etiraz hüququnun qanuni şəkildə həyata keçirilməsinin zorakılıqla yatırılmasının, eləcə də ifadə azadlığına və bütün müxalif fikirlərə qarşı təzyiqlərin səciyyəvi nümunələridir", - o qeyd edib. "Hicab taxdıqlarına görə qızların sinif otaqlarına buraxılmaması ayrı-seçkilikdir və onların təhsil hüququnu, din...

Davamını oxu