Siyasət

İrana bağlı olduğu bildirilən haker qrupu Azərbaycanın dövlət saytlarına kiberhücuma görə məsuliyyəti üzərinə götürüb

15 Oktyabr, 2026

sosial media

İrana bağlı olduğu bildirilən “313 Team” haker qrupu Azərbaycanın dövlət informasiya infrastrukturuna qarşı həyata keçirilən kiberhücuma görə məsuliyyəti öz üzərinə götürüb.
Qrup hücumun məktəblərdə hicablı qızlara qoyulan məhdudiyyətlərlə əlaqəli olduğunu bildirib.

Azərbaycan hakimiyyəti isə hücumun “xarici haker qrupu” tərəfindən həyata keçirildiyini açıqlayıb.
Xüsusi Rabitə və İnformasiya Təhlükəsizliyi Dövlət Xidmətinin məlumatına görə, hücumlar oktyabrın 13-də, təxminən saat 22:00-dan başlayıb.
“Azərbaycan Respublikasının dövlət informasiya infrastrukturunda 100-dən çox dövlət domenini hədəfə alan xarici haker qrupu tərəfindən kiberhücum həyata keçirilib”, - qurumun açıqlamasında deyilir.
Rəsmi Bakı hücumun arxasında hansı ölkənin və ya qrupun dayandığını açıqlamayıb.

“313 Team” isə oktyabrın 14-də “Telegram”da yaydığı açıqlamada Azərbaycan hökumətinin rəqəmsal infrastrukturuna aid 47 əsas IP diapazonuna qarşı “genişmiqyaslı və mürəkkəb kiberhücum” başladığını bildirib.
Qrup məktəblərdə hicablı şagirdlərin geyimi ilə bağlı məhdudiyyətlərə dair çoxsaylı şikayət aldıqlarını iddia edib. Hakerlər hücumun 24 saat davam edəcəyini yazıblar.

“313 Team” hücumun gücünün saniyədə 2,5 terabiti keçdiyini, rəsmi dövlət portalı, Müdafiə Nazirliyi və Daxili İşlər Nazirliyinin saytları daxil olmaqla hökumət resurslarının fəaliyyətini iflic etdiyini iddia edib. Qrupun məlumatına görə, 1825 dövlət saytı əlçatmaz olub.

Dövlət Xidməti isə hücumun təsirlərinin məhdudlaşdırıldığını və saytların fəaliyyətinin davamlılığının təmin edildiyini bildirib.

Kiberhücum oktyabrın 12-də Azərbaycanda “Instagram” və “TikTok” daxil olmaqla bir sıra sosial şəbəkələrə girişin məhdudlaşdırılmasından sonra baş verib. Məhdudiyyətlər dövlət məktəblərində hicablı şagird və müəllimlərə tətbiq olunan qadağalara qarşı etirazların artdığı dövrə təsadüf edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“Hürriyyət”in həbsdə olan baş redaktorunun vəkili: ‘Ürəyindən təcili əməliyyat olunmalıdır’

Məktəblərdə hicab qadağasına etiraz edən AXCP üzvü və qızına cinayət işi açıldığı deyilir

İlham Əliyev: “Bizi müharibəyə Ermənistan məcbur edib”

Avropa Məhkəməsi Yasamalda mənzilləri sökülmüş sakinlər üçün 135 min avro təzminat kəsib

Zelenski Rusiyanın neft emalı zavodlarına zərbələrin bərpa edildiyini bildirib

Prokuror “Baksol yolu”nda gəncin ölümü ilə bağlı təqsirləndirilən şəxsə 5 il həbs istəyib

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Siyasət

“Hürriyyət”in həbsdə olan baş redaktorunun vəkili: ‘Ürəyindən təcili əməliyyat olunmalıdır’

15 Oktyabr 2026

sosial media

“Hürriyyət” qəzetinin və “Hurriyyet TV” internet televiziyasının həbsdə olan baş redaktoru Vüqar Məmmədovun səhhətində ciddi problemlərin yarandığı bildirilir. “Azadlıq Radiosu”nun məlumatına görə, bu barədə oktyabrın 14-də Bakı Ağır Cinayətlər Məhkəməsində keçirilən iclasda onun vəkili Rövşanə Rəhimova məlumat verib. Vəkil V.Məmmədovun ev həbsinə buraxılması ilə bağlı vəsatət qaldırıb. O bildirib ki, müvəkkilinin səhhətindəki problemlər qətimkan tədbirinin dəyişdirilməsi üçün əsas yaradır. Müdafiəçinin sözlərinə görə, V.Məmmədovun ürəyində təcili cərrahi əməliyyata ehtiyac var: “Onun sağ ayağı, demək olar ki, işləmir”. Vəkil qeyd edib ki, baş redaktor ev həbsinə buraxılarsa, müalicə ala və məhkəmə iclaslarında iştirak edə bilər. Dövlət ittihamçısı vəsatətə etiraz edib. Elmin Rüstəmovun...

Davamını oxu

Siyasət

Məktəblərdə hicab qadağasına etiraz edən AXCP üzvü və qızına cinayət işi açıldığı deyilir

15 Oktyabr 2026

açıq mənbə

Məktəblərdə hicab məhdudiyyətlərinə etiraz edən Azərbaycan Xalq Cəbhəsi Partiyasının (AXCP) Nəsimi Rayon Şöbəsinin üzvü Mətanət Turan və qızı Nəzrin Mahmarzayeva barəsində cinayət işi açıldığı bildirilir. AXCP üzvü Gülnarə Rəhimova “Toplum TV”yə bildirib ki, onlar hicablı şagird və müəllimlərə dəstək məqsədilə məktəblərin qarşısına gedib, etirazlarını dinc şəkildə ifadə ediblər. Onun sözlərinə görə, ana və qız oktyabrın 14-də səhər saat 10:00-11:00 radələrində həmin ərazilərdən saxlanılaraq Abşeron Rayon Polis İdarəsinə aparılıblar. Məlumata əsasən, onlar hazırda da polis idarəsində saxlanılırlar. Onların oktyabrın 16-da məhkəmə qarşısına çıxarılacağı bildirilib. Hər iki şəxs barəsində Cinayət Məcəlləsinin 233-cü - ictimai qaydanı pozan hərəkətləri təşkil etmə və ya belə...

Davamını oxu