Siyasət

Reuters: Putin Rusiyanın Krım üzərində suverenliyinin tanınmasını istəyib

18 Avqust, 2025

Foto: Getty Images

“Reuters” agentliyi mənbələrinə istinadən Rusiya tərəfindən Ukrayna müharibəsini dayandırmaq üçün irəli sürülmüş təklifin detallarını açıqlayıb.

Xəbərə əsasən, təklif Rusiya prezidenti Vladimir Putinin ABŞ prezidenti Donald Trampla avqustun 15-də Alyaska ştatındakı görüşündə irəli sürülüb.

Mənbələrin bildirdiyinə görə, təklifdə Ukraynanın Donetsk və Luqansk bölgələrindən tamamilə geri çəkilməsi, bunun müqabilində isə Rusiyanın Xerson və Zaporojye bölgələrində cəbhə xəttini dondurması nəzərdə tutulub.

Ukrayna razılaşacağı halda, Rusiyanın həm də hazırda işğal altında saxladığı Ukraynanın Sumı və Xarkov bölgələrindəki nisbətən kiçik əraziləri geri qaytarmağa hazır olduğu bildirilir.

Ukraynanın “Deep State” döyüş xəritələşdirmə layihəsinə əsasən, Rusiya Sumı və Xarkov bölgələrində ümumilikdə təxminən 440 kvadrat kilometr ərazini nəzarətdə saxlayır. Donetsk və Luqansk bölgələrindən ibarət olan və Rusiya tərəfindən iddia edilən Donbasın isə təxminən 6,600 kvadrat kilometrinə Ukrayna nəzarət edir.

Mənbələrin dediyinə görə, Rusiya lideri, həmçinin, 2014-cü ildə ilhaq etdiyi Krım üzərində Rusiya suverenliyinin rəsmi şəkildə tanınmasını istəyir. Bunun ABŞ hökuməti tərəfindən, yoxsa bütün Qərb dövlətləri və Ukrayna tərəfindən tanınmasının nəzərdə tutulduğu aydın deyil.

Onların sözlərinə görə, Putin, habelə, Rusiyaya qarşı tətbiq olunan sanksiyaların heç olmasa bir qisminin aradan qaldırılmasını gözləyir.

Alyaska görüşündə Ukraynada atəşkəslə bağlı razılığa gəlinməyib. Lakin tərəflər xeyli məsələdə razılaşdıqlarını və danışıqları davam etdirməkdə maraqlı olduqlarını deyiblər.

Avqustun 18-də Ukrayna prezidenti Volodimir Zelenskinin Vaşinqtona səfər edəcəyi və Trampla görüşəcəyi gözlənilir. Rəsmi məlumata görə, ona NATO baş katibi Mark Rutte və bir sıra Avropa ölkələri liderləri də qoşulacaq.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Hacı Vəliyevin həbs müddəti uzadılıb

Paşinyan kilsədən və müxalifətdən üzr istəyib

DGK: Azərbaycan bu il 19 ölkəyə 14 mln. tondan çox neft ixrac edib

Bakıda dini ayin keçirən şəxslər həbs olunub

Sürücülər: “İran gömrükdə gözləmə vaxtını süni şəkildə uzadır”

Rusiya yenə SOCAR-ın neft bazasını vurub

Redaktorun Tövsiyələri

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Qəzalı həbsxanada saxlanma - Konvensiyanın normalarına açıq ziddiyyət

“Aİ Azərbaycanın geosiyasi əhəmiyyətini dəyərlərindən üstün tutur”

Siyasət

Paşinyan kilsədən və müxalifətdən üzr istəyib

18 Avqust 2025

Foto: primeminister.am

Ermənistan baş naziri Nikol Paşinyan Erməni Apostol Kilsəsinin ruhanilərini və müxalifəti təhqir etdiyinə görə ictimaiyyətdən üzr istəyib. Onun üzrxahlığı Korrupsiyaya Qarşı Mübarizə Komissiyasının qərarından sonraya təsadüf edib. Komissiya bildirib ki, Paşinyan sözügedən iki qrupu təhqir etməklə məmurlar üçün nəzərdə tutulan etik davranış qaydalarını pozub. Komissiya araşdırmanı Paşinyanın may ayında biri onlayn, biri Ermənistan parlamentində olmaqla etdiyi iki çıxışla bağlı başlatmışdı. 13 avqust tarixli qərarı ilə komissiya Paşinyanın etik davranış qaydalarını pozduğunu müəyyənləşdirib. Komissiyanın sorğusuna cavab olaraq, baş nazir baş verənlərə görə təəssüfünü bildirib, qeyd edib ki, onun açıqlamaları yalnız siyasi debat çərçivəsində səslənib və şəxsi təhqir və ya hədələmə niyyəti...

Davamını oxu

Siyasət

Bakıda dini ayin keçirən şəxslər həbs olunub

18 Avqust 2025

Foto: sosial media

Bakının Xəzər rayonunda dini ayin keçirmək istəyən bir qrup şəxsin həbs olunduğu bildirilir. Daxili İşlər Nazirliyinin mətbuat xidmətindən APA-ya verilən məlumata görə, polisin əməliyyatı nəticəsində Nigar Bağırova, Aytən İbrahimova, Şəhla Fərəcova, Xoşqədəm Quliyeva, Şərqiyyə Sadıqova və Arzu Hüseynova saxlanılıblar. Məhkəmənin qərarı ilə saxlanılan şəxslər barəsində 3 ay müddətinə həbs qətimkan tədbiri seçildiyi bildirilir. Lakin onların Cinayət Məcəlləsinin hansı maddələrilə ittiham olunduğu açıqlanmır. Əməliyyat-istintaq tədbirlərinin davam etdirildiyi bildirilir.

Davamını oxu