İctimai-siyasi xəbərlər
Azərbaycan vaksini niyə Çindən yox, Türkiyədən alır?
gülüstan.info
Türkiyənin Çindən aldığı "Sinovac” adlı koronavirus əleyhinə peyvəndin ilk konteynerləri paytaxt Ankaraya gətirilib.
İlk mərhələdə 3 milyon doza gətirilən vaksin 14 gün ərzində testdən keçiriləcək.
Dekabrın 15-də isə Azərbaycan Səhiyyə Nazirliyi açıqlama yaymışdı ki, vaksin almaq üçün Türkiyə ilə danışıqlar aparır. Səhiyyə nazirinin müavini Viktor Qasımov Türkiyədən 50 milyon doza vaksinin alınması üçün müqavilənin imzalandığı bildirmişdi.
Türkiyə vaksini Çindən alır, Azərbaycan isə Çinlə yox, Türkiyə ilə danışıqlar aparır.
"Report”un hökumətdəki mənbələrə istinadən verdiyi xəbərə görə, vaksin Türkiyənin "Keymen İlaç” şikrətindən alınacaq. Qarşılığında isə şirkətə 80 milyon manat civarında vəsait ödəniləcək.
Bəs nəyə görə Azərbaycan vaksinin birbaşa istehsalçısı olan Çin ilə danışıqlar aparmır?
Professor Adil Qeybulla deyir ki, vaksinin alınması dövlətlərarası müqavilə ilə tənzimlənir, "Amma niyə Çindən yox, Türkiyədən alınır” sualına cavab verə bilməyəcək.
Adil QeybullaFOTO: apa.az
Amma professor hesab edir ki, Azərbaycanın vaksini dünyada tanınmış şirkətlərdən alması daha yaxşı olardı: "Çin vaksinlərinin hələlik keyfiyyət parametrləri bizə bəlli deyil, amma Çinin özündə də yüksək keyfiyyətli laboratoriyalar var".
Elnarə BaxışFOTO: avropa.info
TƏBİB-in sözçüsü Elnarə Baxışın bu sualla bağlı "Toplum TV”-yə verdiyi yazılı cavab belədir: "Vaksinasiya ilə bağlı strategiya hazırlanır. Yeni bir məlumat olduqda ictimaiyyətlə bölüşüləcək".
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
Oxşar Xəbərlər
Redaktorun Tövsiyələri
Əfqanıstanda zəlzələdə 600-dən çox insan ölüb
Foto: Reuters
Əfqanıstanın şərqindəki Kunar və Nanqarhar vilayətlərində sentyabrın 1-ə keçən gecə 6 bal gücündə zəlzələ baş verib.
Ölkənin Daxili İşlər Nazirliyi bu ana qədər ən az 622 nəfərin öldüyünü, 1500-dən çox insanın yaralandığını təsdiqləyib.
Bir neçə kəndin tamamilə dağıldığı, xilasetmə əməliyyatlarının davam etdiyi bildirilir.
"Al Jazeera"nin yerli müxbirinin məlumatına görə, zəlzələ baş verən bəzi ərazilərə yardım çatdırmaq əlverişsiz yol şəraitinə görə çətinləşib.
Birləşmiş Millətlər Təşkilatının (BMT) Əfqanıstan ofisi dağıdıcı zəlzələdən "dərindən kədərləndiklərini" bildiriblər.
"Qruplarımız ərazidədir, təcili yardım və xilasedici dəstək göstərirlər. Düşüncələrimiz zərərçəkmiş icmalarladır", - deyə bəyanatda qeyd olunub.
Paşinyan: "Erməni soyqırımının tanınmasının bizə nə xeyri olub ki?"
primeminister.am
Ermənistan baş naziri Nikol Paşinyan İsrail baş naziri Benyamin Netanyahunun "erməni soyqırımı"nı tanımasına münasibət bildirib.
Paşinyan avqustun 28-də hökumət brifinqində deyib ki, Netanyahunun açıqlamasının “Ermənistan Respublikası, Ermənistan xalqı və ya erməni millətinin maraqları ilə heç bir əlaqəsi yoxdur”.
“Biz özümüzdən soruşmalıyıq: Biz istəyirikmi ki, erməni soyqırımının tanınması və ya tanınmaması bizim reallığımız, dövlətimizin maraqları və xalqımızın maraqları ilə heç bir əlaqəsi olmayan başqalarının əlində geosiyasi alver predmetinə çevrilsin? İstəyirikmi ki, soyqırımı təsadüfən və ya qarışıqlıq nəticəsində hansısa müsahibədə sadəcə səslənən bir ifadəyə çevrilsin? Mən istəmirəm ki, şəhidlərimizi belə bir vəziyyətə salaq. Təkrar edirəm, diqqətimizi dövlətimizin maraqlarına yönəltməliyik", - o bildirib. ...
