Sosial

Sabirabadda ağaclar quruyur - İcra hakimiyyəti xəstəlik düşüb deyir

22 İyul, 2022

2400

Toplum TV

İyulun 22-də Sabirabad İcra Hakimiyyəti rayondakı ağacların quruması ilə bağlı “Toplum TV”nin sorğusuna cavab verib.

Bildirilib ki, respublikanın bütün rayonlarında olduğu kimi Sabirabad rayonu ərazisində də son 3 ildə çoxsaylı şam ağacları quruyub. Bununla bağlı Ekologiya və Təbii Sərvətlər Nazirliyinin aqronom-entimoloqları tərəfindən həmin ağaclara baxış keçirilsə də, sirayət etmiş xəstəliyin qarşısını almaq mümkün olmayıb.

“Baxış aktında Sabirabad şəhərinin ərazisində, o cümlədən H.Əliyev prospekti, 20 Yanvar və İ.İsgəndərov küçələrində bəzi ağaclar, o cümlədən şam ağacları vegetasiya dövrünü başa vurduğundan, həmçinin mənşəyi bilinməyən infeksiya nəticəsində köküstə tam qurumuş vəziyyətdə olduğu qeyd edilib və həmin ağacların təhlükəsizlik qaydalarına riayət edilərək kəsilməsinə qərar verilib”, - deyə açıqlamda qeyd olunub.

https://toplum.tv/musahibe/ih-sobe-mudiri-problem-muharibe-istirakcilarinin-issizliyidir

Məlumatda icra hakimiyyətinin daxili imkanlar hesabına Tərtər, Astara, Şəmkir, Türkəyə (1 tir), İran (4 tir) və Ekologiya və Təbii Sərvətlər Nazirliyinin tinglik təsərrüfatlarından ağac və digər bitkilər gətirildiyi bildirilib:

“Son 2 ildə heç bir dövlət vəsaiti xərclənmədən rayon ərazisində qurumuş və kəsilmiş ağacların əvəzinə 150 mindən çox yeni müxtəlif növ, o cümlədən meyvə və dekorativ ağaclar, gül kolları əkilib və bu işlər hazırda da davam etdirilir. Sabirabad rayon Yaşıllaşdırma sahəsi tərəfindən xidmət sahəsinə aid olan ərazilərdə, eləcə də zərurət tələb olunan yerlərdə ağaclara və gül kollarına mütəmadi olaraq qulluq göstərilir və daima nəzarətdə saxlanılır”.

Bir gün əvvəl “Toplum TV” Sabirabadda park və yollardakı ağacların quruması ilə bağlı reportaj hazırlamışdı.

https://toplum.tv/multimedia/sabirabadda-agaclar-quruyur-resmi-qurumlar-sessizdir

Rayon rəhbərliyi problemi ağaclara xəstəlik düşməsi ilə izah etsə də, sabirabadlılar bu fikirlə razı deyil. Rayon sakinləri arasında ağacların baxımsızlıq səbəbindən quruduğunu deyənlər var.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İcra hakimiyyətlərində ixtisarlar: islahat, yoxsa qənaət?

Qanunsuz tikililərə kim nəzarət etməlidir?

Lerikli evini təbii fəlakətin yararsız hala saldığını deyir, rəsmilərsə əksini

Mingəçevir İcra Hakimiyyəti şəhid oğluna ev veriləcəyini vəd etdi

Neftçalanın həbsdə olan icra başçısının tenderlərdən əldə etdiyi vəsaitlər məlum olub

Keçmiş icra başçısı azadlığa buraxıldı

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Sosial

Xankəndidə yaşayan iş adamı: "Evimi boşaltdılar, dedilər bir də bura ayaq basma"

9 Sentyabr 2026

Meydan TV

Qarabağda təmir-bərpa işləri görmüş və pulunu ala bilmədiyini deyən şirkət rəhbəri həbslə hədələndiyini iddia edir. "Nihat 2024" MMC-nin rəhbəri Nəsimi Hətəmov ödənişlə bağlı problemini əvvəlcə sosial mediada, daha sonra "Meydan TV" vasitəsilə ictimailəşdirib. Onun sözlərinə görə, şirkət Xocalının Daşbulaq kəndində təmir işləri görüb, lakin aidiyyəti qurumlardan ödənişini ala bilməyib. "28 nəfər işçinin məndən almalı olduğu pul var. Vergi orqanlarına 17-18 min manat borcum var. Borc yiyələri maşınımı da əlimdən alıblar. Evimdə gecələyə bilmirəm", - o, "Meydan TV"yə müsahibəsində deyib. N.Hətəmov sentyabrın 9-da yayımlanan müsahibədə isə bildirib ki, Xankəndidə yaşadığı ev polis tərəfindən boşaldılıb. "Həyat yoldaşımın başının üstündə 2-3 polis dayanıb,...

Davamını oxu

Sosial

Məhkəmə pensiyası kəsilən pilotların lehinə qərar verib: Aralarında AZAL qəzasında həlak olan da var

8 Sentyabr 2026

Toplum TV

Azərbaycanda müxtəlif vaxtlarda pensiyaya çıxmış, amma peşə fəaliyyətini davam etdirən mülki pilotlar Dövlət Sosial Müdafiə Fondunu (DSMF) məhkəməyə verib. Bu barədə sentyabrın 7-də "Azadlıq Radiosu"nun verdiyi məlumata görə, şikayətə səbəb 2024-cü ilin yayında pilotların pensiyasının yenidən hesablanaraq azaldılması olub. Ümumilikdə 76 pilot fonda qarşı iddia ilə çıxış edib. Onların arasında 2024-cü ilin dekabrında qəzaya uğrayan AZAL təyyarəsinin kapitanı olmuş, prezident tərəfindən Milli Qəhrəman adı verilmiş İqor Kşnyakin də olub. Bakı İnzibati Məhkəməsi pilotların iddiasını təmin etsə də, DSMF apellyasiya şikayəti verib. Fond Kşnyakin istisna olmaqla, digər 75 pilot barədə aşağı instansiya məhkəməsinin qərarının ləğvini istəyib. Çünki həmin vaxta qədər artıq...

Davamını oxu