Sosial

TƏBİB Oktay Gülalıyevlə bağlı açıqlama yaydı

27 Aprel, 2021

1314

Sosial Media

"Hüquq müdafiəçisi Oktay Gülalıyevin ev şəraitində müalicəsinin təşkili üçün 3 tibb bacısı və 3 kiçik tibb bacısı təhkim olunub".

Bu barədə aprelin 28-də Tibbi Ərazi Bölmələrinin İdarəetmə Birliyi (TƏBİB) Oqtay Gülalıyevin oğlu Təbriz Gülalıyevin şərhinə cavabında bildirib.

T.Gülalıyev bu gün "Turan"a açıqlamasında deyib ki, atasının səhhətində ciddi irəliləyiş müşahidə olunur:

“Atam artıq suallarımızı diqqətlə dinləyir, onlara jestlərlə reaksiya verir. O dinlədiyi xəbərlərə də şüurlu şəkildə reaksiya verir. Əlləri ilə bizə işarələr verir, nəsə deməyə çalışır"

Onun sözlərinə görə, atasının vəziyyətinin yaxşılaşmasında Heydər Əliyev Fondunun maliyyə yardımı ilə Türkiyədə həyata keçirilən 4 cərrahiyyə əməliyyatı böyük rol oynayıb.

"Qəzadan sonra atamın sağ qalma şansı ancaq 20 faiz idi. Türkiyədə əvvəlcə bizə deyirdilər ki, komadan ayılma şansı azdır. Lakin bu gün tam əminliklə deyə bilərəm ki, müalicə nəticəsində atam artıq komadan çıxıb", - T. Gülalıyev davam edib.

Onun sözlərinə görə, Oqtay Gülalıyevin normal həyata tam qayıtması və ayağa qalxması üçün uzunmüddətli fiziki-terapevtik müalicəyə və dərman qəbuluna ehtiyac var.

Lakin hüquq müdafiəçisinin müalicəsinə yardım edən tibb bacılarına TƏBİB-də artıq 3 aydır əmək haqqı verilmədiyindən onlar mayın 1-dən onlar öz funksiyalarını yerinə yetirə bilməyəcəklər.

Bundan əlavə, onun sözlərinə görə, artıq beş aydır ki, heç bir dövlət qurumu dərmanların alınmasına kömək etmir.

"Ona görə də bizim lazımi dərmanların alınması ilə bağlı narahatlığımız var. Təəsüf ki, tibb bacılarının gedişi bizim vəziyyətimizi çətinləşdirəcək", - deyə T. Gülalıyev deyib.

TƏBİB isə öz növbəsində açıqlamasında bildirib ki, tibb bacılarına dövlət tərəfindən tənzimlənmiş əmək haqları hər ay ödənilir.

"Həmin tibb bacılarına 3 aydır ki, maaş verilməməsi barədə məlumat həqiqəti əks etdirmir", - qurumun açıqlamasında bildirilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

7 körpənin öldüyü işlə bağlı məhkəmə: "TƏBİB-dən yanğın siqnalizasiya sistemi üçün pul istədik, dedilər, yoxdur"

Bakıdan kənarda çalışan həkimlərin maaş əlavələrini ala bilmədiyi deyilir

TƏBİB-ə yeni icraçı direktor təyin edilib

TƏBİB-də yoxlamalar aparılıb

TƏBİB-dəki istefaların səbəbi nədir? – “Gözlənilən hadisə idi”

TƏBİB-ə müvəqqəti rəhbər təyin edildi

Redaktorun Tövsiyələri

Orban getdi: növbə kimindir?

Yağıntıların görünməyən üzü: İşçi istismarı və azalan təhlükəsizlik xərcləri

Fərid İsmayılov hakimə: “Cinayət işi materiallarını oxusaydınız, kağızları müstəntiqlərin başına çırpardınız”

Əliyevin “müharibələri dayandıran lider” adlandırdığı Tramp niyə dünyanı bir-birinə qatıb?

Putinə meydan oxuyan Paşinyanı nə gözləyir?

Prezident Azərbaycanın ət və süd ixrac edəcəyini deyir, əslində vəziyyət necədir?

Sosial

Yağıntıların görünməyən üzü: İşçi istismarı və azalan təhlükəsizlik xərcləri

8 Aprel 2026

Foto: Sosial media

Son günlər intensiv yağan yağışlar paytaxt Bakıda ciddi fəsadlara səbəb olub. Şəhərin mərkəzi küçələri, eləcə də şəhərətrafı yaşayış məntəqələrində yerləşən küçə və həyətlər su altında qalıb. Yaranmış vəziyyət ilk növbədə şəhər infrastrukturunun güclü yağıntılar qarşısında dayanıqsızlığını göstərib. Bununla yanaşı, baş verənlər bir sıra digər sosial problemləri də üzə çıxarıb. Sosial şəbəkələrdə yayılan bəzi videogörüntülərdən məlum olur ki, su basmış küçələrin təmizlənməsinə texniki vasitələr əvəzinə kommunal xidmət işçiləri, əsasən də qadınlar cəlb olunub. Videogörüntülərdə süpürgəçi qadınlar əmək şəraitindən və iş saatlarından narazı olduqları dilə gətirirlər. İşçilərdən birinin sözlərinə görə, işçilər yağışlı hava şəraitinə baxmayaraq, küçələrin artıq sulardan təmizlənməsi işinə cəlb olunublar....

Davamını oxu

Sosial

Bəraət alan kənd sakini: "DSX əməkdaşları qabırğalarımı sındırdı"

8 Aprel 2026

Foto/kollaj: Toplum TV

2024-cü ildə narkotik ittihamı ilə saxlanılan Beyləqan sakini bu yaxınlarda məhkəmə tərəfindən bəraət alıb. "Azadlıq Radiosu"nun xəbərinə görə, Beyləqan rayonunun İkinci Şahsevən kəndinin sakini, 38 yaşlı İlkin Cəfərov 2024-cü ilin noyabrında kənddəki su kanalına gedərkən Dövlət Sərhəd Xidmətinin (DSX) əməkdaşları tərəfindən saxlanılıb. Sərhədçilər kənd sakininin ərazidəki narkotik maddəni götürmək üçün oraya gəldiyini iddia ediblər. İ.Cəfərov isə Lənkəran Ağır Cinayətlər Məhkəməsində ifadəsində deyib ki, Beyləqan Su Meliorasiya Sistemlərinin İstismarı İdarəsinin işçisi kimi su kanalına suyun verilməsini nizamlamaq, həm də sonra balıq tutmaq üçün həmin əraziyə gedib. "Elə tilovu atıb ipi bağlamaq istəyəndə sərhədçilər məni tutub, əllərimi, gözlərimi bağladılar. Təxminən 50 metr...

Davamını oxu