Sosial

TƏBİB rəsmisinin müəmmalı açıqlaması - Payızda karantin tətbiq ediləcək?

9 Avqust, 2022

2241

Açıq mənbələrdən götürülüb

“Biz üzü payıza doğru gedirik. Havaların soyuması başlayacaq. Ola bilər ki, yoluxma sayının həddən artıq artması stasionara yerləşdirilən xəstələrin həddindən artıq artmasına səbəb olsun. Bu da bizim səhiyyə sistemini yükləyəcək. Ona görə də müəyyən karantin tədbirləri də həyata keçirilə bilər”.

Bu sözləri Tibbi Ərazi Bölmələrini İdarəetmə Birliyinin (TƏBİB) nümayəndəsi, Elmi-Tədqiqat Tibbi Profilaktika İnstitutunun elmi işlər üzrə direktor müavini Akif Qurbanov bu gün yerli kanalların birinə verdiyi müsahibəsində bildirib.

Rəsminin açıqlaması sosial şəbəkələrdə gündəm olub. Beləliklə, payızda ölkədə karantin rejimi yenidən sərtləşdirilə bilərmi, karantin tətbiqi deyiləndə hansı məhdudiyyətlər nəzərdə tutulur, yenidən maska taxmaq məcburiyyəti gündəmə gələ bilərmi kimi suallar ortaya çıxıb.

https://toplum.tv/sosial/sehiyye-nazirliyi-koronavirusa-yoluxma-daha-da-keskinlesecek

TƏBİB-in sözçüsü Zamirə Ədilova “Toplum TV-yə açıqlamasında bildirib ki, ölkədə karantin rejiminin sərtləşdirilməsi barədə qərarı TƏBİB vermir.

“Belə bir qərar yoxdur. Əgər belə bir qərar veriləcəksə də, bu qərarı verən qurum TƏBİB deyil. İkincisi, Akif Qurbanov payızda karantin olacaq deməyib. Sadəcə deyib ki, mövsüm dəyişikliyi ilə əlaqədar infeksion xəstəliklər, eləcə də COVID-19-a yoluxma sayı arta bilər, belə olan halda da müvafiq tədbirlər görülə bilər. Sadəcə, saytlar xəbər başlığını o şəkildə çıxarıblar və gündəmə səbəb olub”, - deyə qurumun sözçüsü əlavə edib.

Nazirlər Kabineti yanında Operativ Qərargahdan verilən son məlumata görə, Azərbaycanda koronavirusa 121 yeni yoluxma qeydə alınıb, 113 nəfər müalicə olunaraq sağalıb.

https://toplum.tv/sosial/quru-serhedlerin-bagli-olmasindan-kimler-qazanir

Bildirilib ki, sutka ərzində koronavirusdan bir nəfər vəfat edib.

Ölkədə indiyədək 802 060 nəfər koronavirusa yoluxub. Onlardan 789 147 nəfər müalicə olunaraq sağalıb, 9 761 nəfər vəfat edib, aktiv xəstə sayı 3 152 nəfərdir.

Ölkədə son sutka ərzində 2 442, hazırkı dövrədək isə 7 072 185 test aparılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycanda koronavirusa gündəlik yoluxma 15 nəfərə düşdü

Azərbaycanda koronavirusa yoluxma azalır

Koronavirusa yoluxma sayı düşür

Maska cərimələrinin taleyi necə olacaq?

Noyabrın 1-dək karantindir

Azərbaycanda koronavirusa yoluxmaların sayı 700-ü keçdi

Redaktorun Tövsiyələri

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Sosial

Bu il Azərbaycanda azı 44 hərbçi qeyri-döyüş şəraitində vəfat edib

5 Oktyabr 2026

Şəmkir İH

2026-cı ilin əvvəlindən oktyabrın 4-dək Azərbaycanda azı 44 hərbi qulluqçu qeyri-döyüş şəraitində həyatını itirib. Bu barədə Xəzər Hərbi Tədqiqatlar İnstitutunun (XHTİ) son hesabatında deyilir. Məlumata görə, hərbi qulluqçulardan 13-ü müxtəlif xəstəliklərdən, 9-u avtomobil qəzasından, 7-si bədbəxt hadisədən, 5-i intihardan, 1-i isə ehtiyatsızlıqdan ölüb. Hesabatda 9 nəfərin ölüm səbəbinin açıqlanmadığı bildirilir. Bədbəxt hadisələr suda və dəm qazından boğulma, dağda sürüşmə, hündürlükdən yıxılma və paraşütün açılmaması ilə əlaqələndirilir. Monitorinqə əsasən, ölüm hallarının ən çox qeydə alındığı ay iyul olub. Həmin ay 11 hərbçi ölüb. Ölənlərin 30-u Müdafiə Nazirliyinin, 10-u Dövlət Sərhəd Xidmətinin, digər 4-ü isə Daxili Qoşunlar, Prezident Təhlükəsizlik Xidməti, Fövqəladə Hallar...

Davamını oxu

Sosial

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

15 Sentyabr 2026

aayda.gov.az

Azərbaycanda dövlət qurumlarının bir-biri ilə koordinasiyasız fəaliyyət göstərdiyi barədə vətəndaşlar tərəfindən vaxtaşırı şikayətlər səsləndirilir. İqtisadçı, Bakı sakini Rəşad Əliyev də sentyabrın 4-də belə bir müşahidəsini sosial media hesabında bölüşüb. “Deməli, təxminən 2 həftə əvvəl Azərbaycan Yerüstü Nəqliyyat Agentliyi (AYNA) gəlib uzun bir küçədə ödənişli parklanma tətbiq etmək üçün yolun hər iki tərəfinə xüsusi boya ilə parklanma yerləri çəkmişdi. Bunun üçün nə qədər işçi əməyi, xüsusi boya və digər materiallar, vaxt və resurs sərf olunmuşdu. Üstəlik, küçədə yaşayan və yoldan istifadə edən insanlar üçün nə qədər narahatlıq yaradılıb. İndi isə gözünə döndüyüm Azərbaycan Avtomobil Yolları Dövlət Agentliyi (AAYDA) gəlib həmin küçədə...

Davamını oxu