Dünya

Qarabağdakı keçmiş separatçı qurumun son "prezident"i Yerevanda məhkəməni uduzub

5 Fevral, 2026

172

Foto: açıq mənbə

Keçmiş Dağlıq Qarabağ ərazisindəki separatçı qurumda ən son prezident vəzifəsini daşımış Samvel Şahramanyan Yerevanda qaldırdığı məhkəmə işini uduzub.

"OC Media"nın xəbərinə görə, Şahramanyan Ermənistanın Təhsil Nazirliyindən 9-cu siniflər üçün tarix dərsliyində onun Dağlıq Qarabağın ləğvi barədə fərman imzaladığına dair məlumatın geri götürülməsini tələb etmişdi. Məhkəmə isə kifayət qədər sübutun olmadığı qənaətinə gəlib.

İddia ötən ilin sentyabrında dərsliyin müəllifi Njdeh Hovsepyana və Ermənistanın Təhsil Nazirliyinə qarşı qaldırılmış, məhkəmədən həmin ifadənin mətninin açıq şəkildə geri götürülməsinin hər iki tərəfə öhdəlik kimi qoyulması xahiş edilmişdi.

İddiada Şahramanyan 2023-cü ilin sentyabrında verdiyi fərmanın hansı şəraitdə verildiyini ətraflı təsvir edib.

Onun sözlərinə görə, bölgədə Azərbaycanın keçirdiyi hərbi əməliyyatdan sonra Bakı ondan parlamentin iclasını çağırmağı və Dağlıq Qarabağın ləğvi barədə bəyanat qəbul etməyi birbaşa tələb edib. O iddia edib ki, əks halda, Azərbaycan hakimiyyəti onu Qarabağın erməni əhalisinin qətliamı ilə hədələyib.

Lakin Şahramanyan bildirib ki, bu addımın “hüquqi, siyasi və tarixi nəticələrini dərk edərək” tələbi yerinə yetirməkdən imtina edib və Azərbaycan tərəfinə “parlamentdə çoxluğu təmin etməyin mümkün olmadığını” deyib.

Azərbaycan israr etdikdən sonra Şahramanyan “vəziyyətin ciddiliyini və blokada faktını” nəzərə alaraq, “bəyannamənin onun tərəfindən qəbul ediləcək fərmanla əvəz olunmasını təklif etdiyini" bildirib.

Şahramanyan iddia edib ki, Dağlıq Qarabağın ləğvi haqda fərmanın qəbul edilməsi barədə məlumat yayılıb, “halbuki əslində belə bir fərman qəbul edilməyib”.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Nazirlik: Azərbaycan 9 ayda 15 milyon tondan çox neft ixrac edib

Sürücülər: “Sədərək-Dilucu sərhədində gömrük və AYNA arasındakı mübahisə sərnişinləri piyada qoyub”

Tramp: “Gözəl Qrenlandiyamızda neft, qaz və mineral ehtiyatların kəşfiyyatına başlanmağa hazırlıq görülür”

Həbsdə olan jurnalist Ülviyyə Əlinin İtaliyada kitabı nəşr olunub

Macarıstan parlamenti LGBTQ+ “təbliğatı”na dair qadağanı ləğv edib

Paşinyan: “Ermənistan və Azərbaycan arasında anklav və eksklav olmamalıdır”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Dünya

Tramp: “Gözəl Qrenlandiyamızda neft, qaz və mineral ehtiyatların kəşfiyyatına başlanmağa hazırlıq görülür”

14 Oktyabr 2026

whitehouse

“Yeni və gözəl Qrenlandiyamızda genişmiqyaslı neft, qaz və mineral ehtiyatların kəşfiyyatına başlanmağa hazırlıq görülür”. ABŞ prezidenti Donald Tramp bunu oktyabrın 14-də özünün “Truth Social” hesabında yazıb. ABŞ lideri Qrenlandiyanın təbii sərvətlər baxımından böyük potensiala malik olduğunu vurğulayıb. Adanın Arktikada strateji mövqeyə sahib olduğunu qeyd edən Tramp bölgənin həm iqtisadi, həm də təhlükəsizlik baxımından ABŞ üçün əhəmiyyətini ön plana çəkib. “Ekspertlər bildirirlər ki, asanlıqla çıxarıla bilən neft ehtiyatlarının həcmi dünyanın demək olar ki, istənilən digər ərazisindəkindən xeyli çoxdur. Daha da vacibi, Qrenlandiya həm Amerika Birləşmiş Ştatlarının, həm də Avropanın müdafiəsi və hücum imkanları baxımından misilsiz təhlükəsizlik əhəmiyyətinə malikdir. ABŞ-yə gələcəkdə baş...

Davamını oxu

Dünya

Macarıstan parlamenti LGBTQ+ “təbliğatı”na dair qadağanı ləğv edib

14 Oktyabr 2026

Christo

Macarıstan parlamenti LGBTQ+ şəxslərin hüquqlarını məhdudlaşdıran müddəaların 2021-ci ildə qəbul olunmuş “uşaqların müdafiəsi haqqında” qanundan çıxarılmasına səs verib. Oktyabrın 13-də keçirilən səsvermədə hakim “Tisa” partiyasından olan 139 deputat dəyişikliklərin lehinə, 51 deputat isə əleyhinə çıxış edib. Viktor Orban hökuməti dövründə qəbul edilən əvvəlki qanun 18 yaşdan kiçik şəxslər üçün homoseksuallığın və transgenderliyin “təbliğini” qadağan edirdi. Bu müddəalar LGBTQ+ mövzularının məktəblərdə, mediada və reklamlarda təqdimatını məhdudlaşdırmaq üçün istifadə olunurdu. Qanun həmçinin “Pride” yürüşlərinin qadağan edilməsinə hüquqi əsas yaratmışdı. Yeni redaktədə LGBTQ+ şəxslərə və ya gender kimliyinə dair birbaşa qeyd yoxdur. Sənəddə yalnız uşaqların fiziki, intellektual, emosional və mənəvi inkişafına ciddi zərər...

Davamını oxu