Dünya

Tramp Ukraynaya "Patriot" raketlərinin istehsalı üçün lisenziya verməyə söz verib

9 İyul, 2026

president.gov.ua

ABŞ prezidenti Donald Tramp Ukraynaya "Patriot" raketlərinin istehsalı üçün lisenziya verməyə söz verib.

O, bunu iyulun 8-də Ankarada Şimali Atlantik Müqaviləsi Təşkilatının (NATO) sammiti çərçivəsində Ukrayna prezidenti Volodimir Zelenski ilə görüşündə deyib.

"Biz başa salandan sonra özləri tez bir zamanda istehsal edə biləcəklər. Bundan sonra [Zelenski] daha şikayət etməyəcək ki, bəs niyə bizə "Patriot" vermirsiniz", - o qeyd edib.

Tramp əlavə edib ki, bu barədə ABŞ şirkətlərinə hələ təlimat verməyib, amma bunun problem olacağını düşünmür.

Dünyanın ən yaxşı hava müdafiə sistemlərindən hesab olunan "Patriot" raketləri qarşı tərəfin atdığı raketləri havada aşkarlayıb məhv edə bilir. Eyni zamanda, onlar ən bahalı sistemlər sırasındadır. Raketləri ilə birlikdə bir "Patriot" batareyasının dəyəri təxminən 1 milyard ABŞ dolları təşkil edir.

Bundan əlavə, onların istehsalı uzun vaxt aparır. ABŞ Müdafiə Nazirliyinin məlumatına görə, bir ildə cəmi 600 ədəd "Patriot" raketi istehsal olunur.

Mayda Zelenski "Patriot" sistemlərinin lisenziya əsasında ölkə daxilində istehsalına icazə verilməsi üçün ABŞ-yə rəsmi müraciət edildiyini təsdiqləmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Nərgiz Muxtarovaya 7 il yarım müddətinə şərti cəza verilib

Həbsdə olan fəalın yaxınları: "Düzülüşə corabsız çıxdığına görə 'kars'a salınıb"

Qraffitiyə görə həbs olunan gənc ev dustaqlığına buraxılmayıb

Ceyhun Bayramov: "Eksklav kəndlərin məsələsi öz həllini tapacaq”

Tramp İspaniya ilə ticarəti dayandırmağı əmr edib

İmran Əliyev: “İki ildən çoxdur ki, ailə üzvlərimin bank əməliyyatlarına məhdudiyyət qoyulub”

Redaktorun Tövsiyələri

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

Dünya

Tramp İspaniya ilə ticarəti dayandırmağı əmr edib

9 İyul 2026

whitehouse.gov

ABŞ prezidenti Donald Tramp İspaniya ilə ticarəti dayandırmaq əmri verib. O, bunu iyulun 8-də Ankarada Şimali Atlantik Müqaviləsi Təşkilatının (NATO) baş katibi Mark Rutte ilə görüşü zamanı açıqlayıb. "Mən İspaniya ilə danışmadım. İspaniya artıq bitmiş bir məsələdir. Biz artıq İspaniya ilə heç bir ticarət işi görmək istəmirik", - o deyib. Tramp sonra maliyyə naziri Skot Besentə xitabən İspaniya ilə bütün ticarət əlaqələrini və qarşılıqlı səfərləri dayandırmağı tapşırıb. "Görək, bizə zəng edib 'Xahiş edirik, cənab, sizinlə ticarət etmək istəyirik' deyəndə yenə də eyni dərəcədə düşmən mövqedə qalacaqlarmı", - o əlavə edib. Tramp qərarını İspaniyanın NATO daxilində yaxşı müttəfiq olmaması və öz...

Davamını oxu

Dünya

Tramp: “İranla atəşkəs sona çatıb, onlar yalançıdır”

8 İyul 2026

NATO

ABŞ və İran arasında atəşkəs pozulub. İyulun 8-ə keçən gecə ABŞ ordusu İranda 80-dən çox hədəfə zərbə endirdiyini açıqlayıb. ABŞ Mərkəzi Komandanlığı bunu ötən gün İranın Hörmüz boğazından keçməyə çalışan üç gəmini hədəf alması ilə əsaslandırıb. İran Xarici İşlər Nazirliyi isə verdiyi bəyanatda iyulun 7-də baş verən insidentə görə qarşı tərəfi günahlandırıb, ABŞ-nin Hörmüzdə yeni marşrutlar açmağa çalışdığını bildirib. İran ABŞ-nin hücumlarına Küveyt və Bəhreyndəki ABŞ hərbi bazalarına zərbələr endirməklə cavab verib. İranın İslam İnqilabı Keşikçiləri Korpusu (SEPAH) iki ölkədə 85 hədəfə zərbə endirildiyini açıqlayıb. Şimali Atlantik Müqaviləsi Təşkilatının (NATO) sammitində iştirak üçün Ankarada olan ABŞ prezidenti Donald Tramp jurnalistlərə...

Davamını oxu