İqtisadiyyat

Qiymət artımına səbəb Gömrük Komitəsindəki qanunsuz rüsumlardır - Ekspert belə deyir

1 Aprel, 2021

4322

Açıq mənbədən götürülüb

"Səfər Mehdiyev elə bil özəl müəssisə direktorudur, elə bil şirkət rəhbəridir, sanki istehsal edir, beyni, ağlı, biliyi ilə pul qazanır ki, fəxrlə belə bəyanat verir".

Bu sözləri iqtisadçı Natiq Cəfərli aprelin 1-də özünün "Feysbuk" hesabında yazıb.

Aprelin 1-də Dövlət Gömrük Komitəsinin (DGK) sədri Səfər Mehdiyev "Tvitter"də yazıb ki, DGK cari ilin yanvar-mart ayları üzrə nəzərdə tutulan büdcə öhdəliyinə 119,55 % əməl edib.

"Nəzərdə tutulan proqnozdan əlavə 153,5 milyon manat gömrük ödənişlərinin toplanaraq dövlət büdcəsinə köçürülməsi təmin olunub", - S. Mehdiyev bildirib.

Natiq Cəfərli isə hesab edir ki, Gömrük Komitəsi insanların canını boğazına yığıb: "Komitə bütün növ mallara xaricdə alınan rəsmi qaimələri tanımır, özündən hoqqa çıxardıb mala qiymət qoyur, şişirdilmiş qiymətlə rüsum hesablayıb insanları yükləyir. Sonra da çıxıb pandemiya, iqtisadi aktivliyin azaldığı dövrdə daha çox pul yığdığını deyir".

"Gömrük komitəsinin yığdığı hər manat mənim - vətəndaşın cibindən gedir. Hə, Siz, güya, mesaj verirsiz ki, baxın ha, daha düz işləyirik, çox pul yığırıq, bizə dəyməyin, ləğv etməyin, SuperNazirliyə birləşdirməyin. Bu da absurddur",- iqtisadçı qeyd edib.

O həmçinin bildirib ki, Komitənin plandan artıq yığdığı pula görə, bazarda qiymətlər də artır: "Birdəfəlik bilin, iş adamı rüsumu cibindən vermir, bütün xərclər malın qiymətinin üzərinə gəlir, son ödəyici də vətəndaş olur".

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Bəylər Eyyubovun 5 milyonluq qaçaqmalçılıqda ittiham olunan qardaşı oğlu ev dustaqlığına buraxılıb

Dövlət Gömrük Komitəsinin fəaliyyəti nə dərəcədə şəffafdır?

Şahin Bağırov yenidən Gömrük Komitəsinə qaytarıldı

Azərbaycan iranlı sürücüləri ölkələrinə qaytardı

Marketin satış meneceri: "33%-dək bahalaşma var"

Qarabağda tikilən beynəlxalq aeroportlar: iqtisadi, yoxsa strateji məqsəd?

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

İqtisadiyyat

2027-ci ilin büdcə proqnozu: Neft gəlirləri azalır, vergi gözləntiləri artır

18 Sentyabr 2026

Gələn il Azərbaycanın dövlət büdcəsinə neft-qaz sektorundan daxilolmaların 955 milyon manat azalacağı gözlənilir. Hökumət qeyri-neft-qaz gəlirlərinin artması hesabına büdcənin ümumi gəlirlərində 1,6 faizlik artım proqnozlaşdırır. Maliyyə Nazirliyinin açıqladığı ilkin göstəricilərə əsasən, 2027-ci ildə dövlət büdcəsinin gəlirləri 39 milyard 234 milyon manat, xərcləri isə 42 milyard 400 milyon manat olacaq. Bu, 2026-cı ilin təsdiqlənmiş büdcəsi ilə müqayisədə gəlirlərin 625 milyon, xərclərin isə 696,4 milyon manat artması deməkdir. Neft-qaz sektorundan büdcəyə 15 milyard 480 milyon manat daxil olacağı nəzərdə tutulur. Bu məbləğ cari ilin proqnozundan 5,8 faiz azdır. Bununla belə, büdcə gəlirlərinin 39,5 faizi yenə neft-qaz sektorunun payına düşəcək. Azalma əsasən Dövlət...

Davamını oxu

İqtisadiyyat

Yeni dövlət proqramı Azərbaycanın ərzaq təhlükəsizliyini təmin edə bilərmi?

16 Sentyabr 2026

president.az

Prezident İlham Əliyev sentyabrın 10-da “Azərbaycanda qida təhlükəsizliyinin təmin edilməsinə dair 2027−2032-ci illər üçün Dövlət Proqramı”nı təsdiqləyib. 38 səhifəlik proqramda qeyd olunub ki, "ölkədə qida təhlükəsizliyi sahəsində mühüm nailiyyətlər əldə edilməsinə baxmayaraq, mövcud vəziyyətin təhlili bu sahədə bir sıra çatışmazlıqların olduğunu göstərir." "Belə ki, qida zəncirinin bütün mərhələləri üzrə (tarladan süfrəyədək) izlənilmə mexanizmlərinin tam formalaşmaması, heyvan və bitki sağlamlığına nəzarət sistemlərində bəzi çatışmazlıqlar qida təhlükəsizliyinin təmin edilməsinin əsas problemlərindəndir", - deyə əlavə olunub. Proqramda əsas məqsədlər sırasında milli qida təhlükəsizliyi sisteminin gücləndirilməsi, qida mənşəli xəstəliklərin və təhlükələrin azaldılması və başqa məqsədlər göstərilib. Kənd təsərrüfatı eksperti Vahid Məhərrəmli isə “Toplum TV”yə...

Davamını oxu