Manşet

Azərbaycanda həbsdə olan erməni məhbusların intihara cəhd etdiyi bildirilir

5 Sentyabr, 2025

Foto: açıq mənbə

Azərbaycanda həbsdə olan bir neçə erməni məhbusun intihara cəhd etdiyi bildirilir.

Bunu erməni məhbusları beynəlxalq məhkəmələrdə təmsil edən vəkil Siranuş Sahakyan “Azadlıq Radiosu”na deyib.

O, intihara cəhdlər barədə məhbusların ailələri ilə son telefon danışıqlarından sonra xəbər tutub.

Sahakyan ad çəkməkdən imtina etsə də, intihara cəhd edənlər arasında Qarabağdakı keçmiş separatçı qurumun rəhbərliyindəki şəxslərin olmadığını bildirib.

O əlavə edib ki, saxlanılanların ailələri onların ciddi sağlamlıq problemlərindən əziyyət çəkdiyi barədə xəbərdarlıq ediblər.

“Valideynlər bizə məlumat verdilər ki, telefon danışıqları zamanı ciddi sağlamlıq problemləri və ağır psixoloji vəziyyətlər artıq aydın görünürdü. Ümidsizlik hissi getdikcə dərinləşir”, – vəkil qeyd edib.

Sentyabrın 2-də livanlı-erməni məhbus Vigen Eulcekyanın vəkili onun 20 gündən çox aclıq aksiyası keçirdiyi xəbərini yayıb. Eulcekyan 2020-ci ildə İkinci Qarabağ müharibəsinin sonunda Azərbaycan əsirliyinə düşüb.

Azərbaycanda 23 erməni məhbus həbsdədir. Onların arasında Qarabağdakı keçmiş separatçı rejimin rəhbərləri olmuş şəxslər də var.

Mart ayında Ermənistan məhbusların işgəncələrə məruz qaldığını iddia etmiş, bunu Azərbaycan tərəfinin dərc etdiyi şəkillərdəki izlərlə əsaslandırmışdı.

Avqustun 8-də Ermənistan baş naziri Nikol Paşinyan Vaşinqtonda ABŞ prezidenti Donald Trampla görüşdə erməni məhbusların məsələsini qaldırıb. Tramp isə onların azad edilməsini Azərbaycan prezidenti İlham Əliyevdən xahiş edəcəyini deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

"Arzu edirəm ki, nə vaxtsa özünə hörmət edən hakimlər məhkəmə idarə etsin"

Tramp Avropanı Rusiya neftini almamağa çağırıb

Rusiya AZAL qəzasına görə sığorta ödədiyini deyir

"Aclıq vaxtı məni həşəratlarla dolu otağa saldılar"

Aİ Azərbaycanın neft emalı zavoduna sanksiya tətbiq edib

Bəhruz Səmədov yenidən aclığa başlayacağını deyir

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Manşet

Rusiya AZAL qəzasına görə sığorta ödədiyini deyir

5 Sentyabr 2025

Foto: TASS

Rusiya Xarici İşlər Nazirliyi (XİN) ötən ilin dekabrın 25-də qəzaya uğrayan AZAL təyyarəsi ilə bağlı sığorta ödənişlərinin edilmədiyi barədə iddialara cavab verib. Sentyabrın 4-də bəyanat yayan Rusiya XİN AZAL şirkətinə, habelə qəzadan sağ çıxan sərnişinlərə və ölənlərin ailələrinə sığorta ödənişlərinin edildiyini bildirib. Rusiya XİN bir sıra adı açıqlanmayan Azərbaycan media orqanlarını “ödənişlərin edilməməsi” barədə “yalan məlumat” yaymaqda ittiham edib. “Biz artıq bizə tanış olan, emosional reaksiya yaratmağa hesablanmış, faciə üzərindən qurulan daha bir spekulyasiya ilə üz-üzəyik”, – açıqlamada deyilir. Nazirliyin məlumatına görə, fevral ayından etibarən Rusiyanın sığorta şirkəti “AlfaStraxovaniye” ASC sığorta ödənişlərinə başlayıb və AZAL-a təyyarənin tam sığorta dəyəri —...

Davamını oxu

Manşet

Milli Məclis: Rusiyadan Azərbaycana qarşı kampaniya aparılır

2 Sentyabr 2025

Foto: açıq mənbə

Rusiya ərazisindən Azərbaycana qarşı "kütləvi surətdə informasiya kampaniyası" aparıldığı bildirilir. Bu barədə Milli Məclisin Xarici müdaxilələrə və hibrid təhdidlərə qarşı komissiyasının bəyanatında qeyd olunub. Bəyanatda qeyd olunub ki, kampaniya Azərbaycan prezidenti İlham Əliyevin avqustun 27-də Səudiyyə Ərəbistanının "Əl-Ərəbiyyə" telekanalına müsahibəsindən sonra başlayıb. Həmin müsahibədə Əliyev bolşevik ordusunun 1920-ci ildə Azərbaycanı işğal etdiyini deyib. Həmçinin, o, hazırda gərgin olan münasibətlərə görə Rusiyanı günahlandırıb. "Monitorinq zamanı müəyyən edilib ki, Azərbaycan Prezidentinin tarixi faktlara əsaslanan cavabı kontekstdən çıxarılaraq saxtalaşdırılmış və ya təhrif olunmuş formada rus oxucusuna təqdim edilir. Rusiya cəmiyyətində anti-Azərbaycan təbliğatını alovlandırmaq məqsədi ilə təşkil edilən kampaniya televiziya kanalları və xəbər saytları,...

Davamını oxu