Region

Ermənistan mətbuatı: “Azərbaycan erməni məhbusları geri qaytaracaq”

29 Aprel, 2026

149

Toplum TV

Ermənistanın "Hraparak" qəzeti yazıb ki, Azərbaycan prezidenti İlham Əliyev iyun ayında Ermənistanda keçiriləcək parlament seçkiləri ərəfəsində 11 erməni məhbusu geri qaytara bilər.

Nəşr vurğulayıb ki, bu addım Əliyevin seçkidə Ermənistanın baş naziri Nikol Paşinyanı dəstəkləməsi kimi qiymətləndirilə bilər.

“Əldə etdiyimiz məlumata görə, Əliyev seçkilərdən əvvəl Ermənistana 2 qrup məhbus qaytarmaq istəyir. “Artsax”ın hərbi-siyasi rəhbərliyi istisna olmaqla, bir qrupda 8, digərində isə 3 nəfər olacaq”, - deyə "Hraparak" qəzeti yazıb.

Yazıda o da qeyd olunur ki, erməni məhbusların qaytarılması məsələsinin Nikol Paşinyanla razılaşdırıldığını Qarabağdakı keçmiş separatçı rejiminin rəhbərliyinin geri qaytarılanların siyahısına daxil edilməməsi də göstərir.

Azərbaycan və Ermənistan bununla bağlı hər hansı rəsmi açıqlama verməyib.

2020-ci il müharibəsindən sonra tərəflər arasında məhbus mübadiləsi mərhələli şəkildə davam edib.

Azərbaycanda hazırda 19 erməni məhbusun saxlanıldığı bildirilir.

Aralarında Qarabağdakı keçmiş separatçı rejimin liderləri də olan məhbusların əksəriyyəti soyqırımı və terrorizm də daxil olmaqla 20-dən çox maddə üzrə ittiham edilirlər.

Bu ilin əvvəlində isə Azərbaycan barələrində hökm çıxarılmış 4 erməni məhbusu Ermənistana təhvil verib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yeni dövlət proqramı Azərbaycanın ərzaq təhlükəsizliyini təmin edə bilərmi?

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

Kəlbəcərdə əmək müqaviləsiz işçi çalışdıran şirkət 20 min manat cərimələnib

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

ABŞ elçisi ilə görüşdən sonra razılıq: Belarus 25 “siyasi məhbus”u azad edəcək

Almaniyada hərbi aviabaza yaxınlığına dron düşüb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Region

Paşinyan Putindən Ermənistandan idxal qadağalarını götürməyi xahiş edib

28 İyul 2026

Russian Foreign Ministry

Ermənistan baş naziri Nikol Paşinyan iyulun 27-də Rusiya prezidenti Vladimir Putinlə telefon danışığı aparıb. "Armenpress" agentliyinin baş nazir aparatına istinadən verdiyi məlumata görə, tərəflər Ermənistan-Rusiya münasibətlərinin gündəliyini, xüsusilə də ikitərəfli iqtisadi əlaqələrlə bağlı məsələləri müzakirə ediblər. Paşinyan Ermənistan mənşəli məhsulların Rusiya bazarına ixracına tətbiq olunan məhdudiyyətlərin Avrasiya İqtisadi İttifaqının (Aİİ) qaydalarına zidd olduğunu bildirib. O, rusiyalı həmkarından bu problemlərin aradan qaldırılması üçün müvafiq tədbirlər görməsini xahiş edib. Kremlin rəsmi pres-relizində bu mövzuya yer verilməyib. Əvəzində telefon söhbətində Ermənistanın geosiyasi mövqeyi və Aİİ çərçivəsindəki öhdəliklərinin müzakirə olunduğu qeyd olunub. Pres-relizə əsasən, Putin vurğulayıb ki, Ermənistan Avropa İttifaqına inteqrasiya yolunu seçmək, yoxsa...

Davamını oxu

Region

Ermənistan 40 min qarabağlıya vətəndaşlıq verib

22 İyul 2026

Açıq mənbə

Ermənistan Qarabağdan köçən təxminən 40 min nəfərə vətəndaşlıq verib. Bu barədə Ermənistanın daxili işlər naziri Arpine Sarkisyan “CivilNet”-ə müsahibəsində deyib. Onun sözlərinə görə, qarabağlı qaçqınların ümumi sayı 115 mindən çoxdur və onların təxminən yarısı vətəndaşlıq üçün müraciət edib. Müraciətlərə baxılmağa davam edilir. “İki il yarımlıq müddəti nəzərə alsaq, hesab edirəm ki, bu, qaçqın əhalinin Ermənistan vətəndaşlığını almaqda və Ermənistanda tamhüquqlu, perspektivli gələcək qurmaqda maraqlı olduğunu göstərən mühüm göstəricidir”, - A.Sarkisyan deyib. Nazir xatırladıb ki, qaçqınların Ermənistana sosial-iqtisadi inteqrasiyası Ermənistan və Avropa İttifaqı arasında viza rejiminin liberallaşdırılması ilə bağlı görülən işlərin istiqamətlərindən biridir. “Düşünürəm ki, artıq görülmüş işlər avropalı tərəfdaşlar tərəfindən...

Davamını oxu