Siyasət

Ərdoğan: "Zəngəzur dəhlizi bütün bölgə üçün vacib fürsət olacaq"

30 sentyabr, 2021
3455

AA

Türkiyə Prezidenti Ermənistanın öhdəliklərindən danışıb

"Haber Global"-ın sentyabrın 30-da verdiyi məlumata görə, Türkiyə Prezidenti Rəcəb Tayyib Ərdoğan Rusiyanın Soçi şəhərindən ölkəsinə qayıdarkən təyyarədə jurnalistlərin suallarını cavablandırıb. 

"Zəngəzur dəhlizi bütün bölgə üçün vacib fürsət olacaq. Burada reallaşdırılacaq şosse və dəmiryolu xətləri bölgədəki bütün ölkələr üçün ticari və iqtisadi fürsətlər yaradacaq. Azərbaycan bu dəhliz üçün genişmiqyaslı işlər görür. Təbii ki, Ermənistan tərəfi də öhdəliklərini yerinə yetirməlidir", - deyə Ərdoğan vurğulayıb. 

Türkiyə Prezidenti Soçi şəhərinə səfəri çərçivəsində rusiyalı həmkarı Vladimir Putinlə Qarabağ məsələsini ətraflı müzakirə etdiyini bildirib. Jurnalistin "3+3 platforması müzakirə olundumu"  - sualına cavabında o bildirib ki, "Buna onsuz da Putin həmişə hazırdır".

Bundan əvvəl Türkiyə Prezidentinin mətbuat katibi İbrahim Kalın bildirmişdi ki, Ərdoğan işğaldan azad olunan Füzuli şəhərində açılan aerportun açılışında iştirak etmək üçün Azərbaycana səfər edəcək. Füzuli aeroportunun rəsmi açılışının qışa qədər ediləcəyi gözlənilir. 
 


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Siyasət

Araşdırma: "Deutsche Bank"dan sızan sənədlərdə Azərbaycanın "çirkli pul yuma şəbəkəsi"nin adı keçir

18 noyabr 2026

Toplum TV

ABŞ prezidenti Donald Trampın sahibi olduğu şirkətlərlə Azərbaycanın "çirkli pul yuma şəbəkəsi"nin əlaqələri olduğu bildirilir.   Bu barədə noyabrın 17-də dərc olunan, müxtəlif ölkələrdən olan 200-dən çox jurnalistin ərsəyə gətirdiyi araşdırmada qeyd olunub.  Araşdırma Almaniyanın ən böyük bankı olan "Deutsche Bank"dan sızdırılan sənədlər əsasında hazırlanıb. Bankın iki işçisi 15 milyondan çox məxfi sənədi jurnalistlərə sızdırıb.  Sənədlərdən aydın olur ki, hələ 2014-cü ildə bank Trampın Azərbaycanda qeydiyyatda olan "DT Marks Baku" şirkətinə şübhəli köçürmələr barədə ABŞ hüquq-mühafizə orqanlarını xəbərdar edib. Buna nümunə kimi həmin vaxt şirkətə Danimarkanın "Danske Bank"ının Estoniya filialının adı çəkilməyən müştərisindən edilən köçürmələr göstərilib. Sonradan məhz bu filialın...
Siyasət

MBH üzvü Samir Babayevə 5 il yarım həbs cəzası verilib

18 noyabr 2026

sosial media

Müsəlman Birliyi Hərəkatının (MBH) üzvü Samir Babayev 5 il 6 ay müddətinə azadlıqdan məhrum edilib. Bu barədə hüquq müdafiəçisi Zəfər Əhmədov sosial media hesabında məlumat yayıb.  Ona qarşı Cinayət Məcəlləsinin 234.1-1-ci - satış məqsədi olmadan narkotik vasitələri və ya psixotrop maddələri qanunsuz olaraq külli miqdarda əldə etmə, saxlama, hazırlama, emal etmə və ya daşıma ittihamı irəli sürülüb.  Samir Babayev 2026-cı il martın 6-da saxlanılıb. Babayev saxlanıldıqdan sonra polis idarələrində işgəncəyə məruz qaldığını bildirib. Onun yaxınlarının sözlərinə görə, fəal saxlanılarkən mülki geyimli şəxslər tərəfindən aparılıb və ailəsi iki gün onun harada olduğunu bilməyib. Samir Babayev bundan əvvəl də narkotik ittihamı ilə...

Seçilmiş Videolar

Toplum TV loqo