Siyasət

ReAl-a 36 seçki dairəsində yer verildi

27 Avqust, 2021

2770

Sosial media

ReAl Partiyasına 36 seçki dairəsində (DSK) yer verilib.

Bu barədə ReAl Partiyasının Siyasi Komitəsinin üzvü Natiq Cəfərli məlumat yayıb.

O bildirib ki, partiya 36 dairənin 9-da katiblik qazanıb və nümayəndələr artıq təsdiqlənib: "Qanunların bizə verdiyi imkanlardan sonuna qədər istifadə edərək 36 DSK-da öz nümayəndəmizi təyin etdik. Bu dairələrin 9-da katiblik də qazandıq".

Partiya təmsilçisi deyib ki, artıq növbəti mərhələyə start verilib: "Məntəqə seçki komissiyalarında 1000-ə yaxın üzv təyin etmək hüququmuz var. Qanunlara görə, məntəqə seçki komissiyasının üzvləri də partiyanın rəsmi üzvü olmamalıdır, amma bizim təqdimatla təyin edilməlidir".

"Ölkədə seçki mövzusunu həmişə diqqətdə saxlayırıq, məmləkətdə pozitiv dəyişikliklərin seçki dalğası fonunda, seçkilər vasitəsi ilə həyata keçirilməsinə inanan, bunun üçün çalışan təşkilatıq. Biz oturub YAP-dan, hakimiyyətdən gözəl seçki mühiti gözləyən, buna inanan siyasi təşkilatlardan deyilik. İnanırıq ki, seçkinin şəffaf, doğru-düzgün keçirilməsində cəmiyyətin, seçicinin, vətəndaşın, müxalifətin də əməyi, payı, inadı, israrı, fəaliyyəti olmalıdır", - deyə Natiq Cəfərli qeyd edib.

Onun sözlərinə görə, ReAl seçki prosesi ilə bağlı bütün ölkə vətəndaşların müraciət ünvanlayıb: "Bütün vətəndaş cəmiyyətinə, aktiv vətəndaşlara, seçkidə müşahidəçi olmaq istəyən, bu günə qədər fəaliyyətimizi tənqid edən, amma seçki institutunun vacibliyinə inanan hər kəsə müraciət edirik ki, məntəqə seçki komissiyalarına üzv olmaq istəklərini bildirsinlər. Biz hər müraciət edən aktiv vətəndaşı komissiya üzvlüyünə təqdim etməyə hazırıq".

2009-cu ilin yanvar ayında hərəkat olaraq təsis edilən ReAl Partiyası 31 avqust 2020-ci ildə dövlət qeydiyyatına alınıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Erkin Qədirli: "Qanun layihəsinin əleyhinə səs verdim"

İlqar Məmmədovun fikirlərinə reaksiyalar: tərəflər bir-birilərini savadsızlıqda ittiham edir

Dövlət büdcəsindən siyasi partiyalara vəsait ayrıldı

Natiq Cəfərli: “Hakimiyyət ReAl-ın MSK-da təmsilçiliyinə mane oldu”

İlqar Məmmədov: “Bəzi məsələlərdə hakimiyyət öz siyasətini dəyişmək istəyən kimi görünür”

REAL Partiyası seçkilərin təşkilində iştirak etmək istəyir

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

17 İyul 2026

azernews.az

"Azərbaycanla Rusiya mürəkkəb mərhələni geridə qoyub, münasibətlər tam normallaşıb." APA-nın xəbərinə görə, bunu xarici işlər naziri Ceyhun Bayramov Rusiya xarici işlər naziri Sergey Lavrovla Moskvada birgə mətbuat konfransında deyib. "Xüsusilə qeyd etmək istərdim ki, bu normallaşma ölkələrimizin rəhbərlərinin şəxsi mövqeyi sayəsində mümkün olub", - o əlavə edib. Lavrov da qeyd edib ki, nazirlər səviyyəsində aparılan danışıqlar prezidentlər arasındakı dialoqun davamıdır. "Bütün bunlar həyatda qaçılmaz olan və dövri olaraq yaranan çətinliklərə baxmayaraq, 2022-ci il fevralın 22-də imzaladığımız müttəfiqlik qarşılıqlı fəaliyyəti haqqında Moskva Bəyannaməsinin potensialını tam şəkildə həyata keçirməyə doğru irəlilədiyimizi göstərir”, - o əlavə edib. Azərbaycan və Rusiya arasında münasibətlər 2024-cü...

Davamını oxu

Siyasət

Qadın məhbuslar üçün aclıq edən inanclı fəallar "kars"a salınıb

17 İyul 2026

Toplum TV

Umbakı Penitensiar Kompleksində aclıq aksiyası keçirən inanclı fəallar cərimə kamerasına ("kars") salınıb. Bu barədə jurnalist Arzu Abdulla məhbuslardan birinin ailə üzvlərinə istinadən məlumat yayıb. Müsəlman Birliyi Hərəkatının (MBH) üzvləri Süleyman Ələkbərov, Vəli Allahverdiyev, Vüqar Alıyev və Elvin Zeynalov "siyasi məhbus" kimi tanınan qadınlar üçün aclıq aksiyasına başlamışdı. İlk üç inanclı iyulun 11-də, E.Zeynalov isə iyulun 13-də aclığa başlayıb. Onlar həbsdə olan 9 qadın jurnalistin, eləcə də 6 inanclı qadın fəalın azadlığa buraxılmasını tələb edirlər. Qadın jurnalistlər son üç il ərzində "Abzas Media" və "Meydan TV"-yə qarşı cinayət işləri üzrə həbs olunub. Onlar qaçaqmalçılıq, vergidən yayınma, qanunsuz sahibkarlıq kimi əməllərdə ittiham...

Davamını oxu