Sosial

“Mühacir alveri” işində təqsirləndirilənlərin məhkəməsi başlayır

19 Oktyabr, 2021

3435

Açıq mənbələrdən götürülüb

Ramin Hacılının və digərlərini işi hələ yekunlaşmayıb

ABŞ, Kanada, Avropa ölkələrinə köçmək istəyən azərbaycanlılara yardım vəd edib, onlardan pul almaqda, onların həmin dövlətlərdə siyasi sığınacaq ala bilməsi üçün saxta sənədlər hazırlamaqda ittiham olunan şəxslərdən üçünün məhkəməsi başlayır.

“Mühacir alveri” kimi tanınan bu cinayət işi üzrə təqsirləndirilənlərdən Nərminə Dadaşova, Əziz Səfərəliyev və Akif Əsədovla bağlı Baş Prokurorluğun İstintaq İdarəsində gedən araşdırmalar yekunlaşıb. Onların işi ümumi cinayət işindən ayrılaraq, Bakı Ağır Cinayətlər Məhkəməsinə göndərilib. Söhbət “Azərbaycan Avropa Hərəkatı”nın sədri Ramin Hacılının da təqsirləndirilərək həbs olunduğu cinayət işindən gedir. Eyni zamanda, “No Border Travel Agency” MMC-nin də rəhbəri olmuş Ramin Hacılı və digərlərinin haqqında istintaq hələ davam edir.

“HMH Baku Travel” MMC-nin rəhbəri olan Nərminə Dadaşova və şirkətin daha 2 əməkdaşının məhkəməsinin vaxtı və onların işinə baxan hakimlərin kimliyi də məlumdur. Meydan TV-nin əldə etdiyi məlumata görə, bu iş üzrə məhkəmənin hazırlıq iclası oktyabrın 28-də keçiriləcək. Bu işi Mahmud Ağalarovun sədrliyilə, Rahib Salmanov və Siyavuş Hacıyevdən ibarət hakimlər kollegiyası araşdıracaq.

Təqsirləndirilən şəxslərə Cinayət Məcəlləsinin 178.3.1 (mütəşəkkil dəstə tərkibində dələduzluq) və digər maddələrilə ittiham verilib.

İstintaqı davam edənlər arasında “Gəncliyin Elmi-Mədəni İnkişafı” ictimai birliyinin sədri Sərdar İsgəndərov, “Yes Travel” MMC-dən Sərxan Abdullayev, Üzeyir Bağırlı da var.

Ramin Hacılının həyat yoldaşı Aysel Əlizadə onun sifarişlə həbs olunduğunu bildirib.

Təqsirləndirilən şəxslərin bir müddət əvvəl Almaniyadan deportasiya olunaraq Azərbaycana göndərilən vətəndaşların ifadələri əsasında cinayət məsuliyyətinə cəlb edildiyi bildirilir.

Cinayət Məcəlləsinin 178.3.1 maddəsində 5 ildən 10 ilə qədər azadlıqdan məhrumetmə cəzası nəzərdə tutulub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Məhəmməd Mirzəliyə qarşı sui-qəsd planında ittiham olunan şəxsə 30 il həbs verilib

Putin "Rusiyanın maraqlarına zidd" hərəkətlər üçün ölkədən gedənlərin əmlakının müsadirəsinə icazə verdi

Dövlətə xəyanətdə təqsirləndirilən dini inanclı: "İsrailin bayrağını öz həyətimdə yandırmalı oldum"

Hərbi prokuror “Tərtər işi” barədə: "Bu, hər bir azərbaycanlı üçün qara ləkədir"

İlahiyyatçı dövlətə xəyanət ittihamı ilə həbs edildi

Yeniyetməyə təcavüz etməkdə şübhəli bilinən şəxs saxlanılıb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Sosial

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

15 Sentyabr 2026

aayda.gov.az

Azərbaycanda dövlət qurumlarının bir-biri ilə koordinasiyasız fəaliyyət göstərdiyi barədə vətəndaşlar tərəfindən vaxtaşırı şikayətlər səsləndirilir. İqtisadçı, Bakı sakini Rəşad Əliyev də sentyabrın 4-də belə bir müşahidəsini sosial media hesabında bölüşüb. “Deməli, təxminən 2 həftə əvvəl Azərbaycan Yerüstü Nəqliyyat Agentliyi (AYNA) gəlib uzun bir küçədə ödənişli parklanma tətbiq etmək üçün yolun hər iki tərəfinə xüsusi boya ilə parklanma yerləri çəkmişdi. Bunun üçün nə qədər işçi əməyi, xüsusi boya və digər materiallar, vaxt və resurs sərf olunmuşdu. Üstəlik, küçədə yaşayan və yoldan istifadə edən insanlar üçün nə qədər narahatlıq yaradılıb. İndi isə gözünə döndüyüm Azərbaycan Avtomobil Yolları Dövlət Agentliyi (AAYDA) gəlib həmin küçədə...

Davamını oxu

Sosial

Xankəndidə yaşayan iş adamı: "Evimi boşaltdılar, dedilər bir də bura ayaq basma"

9 Sentyabr 2026

Meydan TV

Qarabağda təmir-bərpa işləri görmüş və pulunu ala bilmədiyini deyən şirkət rəhbəri həbslə hədələndiyini iddia edir. "Nihat 2024" MMC-nin rəhbəri Nəsimi Hətəmov ödənişlə bağlı problemini əvvəlcə sosial mediada, daha sonra "Meydan TV" vasitəsilə ictimailəşdirib. Onun sözlərinə görə, şirkət Xocalının Daşbulaq kəndində təmir işləri görüb, lakin aidiyyəti qurumlardan ödənişini ala bilməyib. "28 nəfər işçinin məndən almalı olduğu pul var. Vergi orqanlarına 17-18 min manat borcum var. Borc yiyələri maşınımı da əlimdən alıblar. Evimdə gecələyə bilmirəm", - o, "Meydan TV"yə müsahibəsində deyib. N.Hətəmov sentyabrın 9-da yayımlanan müsahibədə isə bildirib ki, Xankəndidə yaşadığı ev polis tərəfindən boşaldılıb. "Həyat yoldaşımın başının üstündə 2-3 polis dayanıb,...

Davamını oxu