Azərbaycanda tanınmış hüquq müdafiəçisi, Repressiya və İşgəncələrə Qarşı Komitənin koordinatoru Oqtay Gülalıyeva əlilliyə görə müavinət verilməklə əlillik statusunun verilməsindən imtina ediblər. Bu barədə "Turan"ın sorğusundan sonra Dövlət Tibbi Sosial Ekspertiza və Reabilitasiya Agentliyindən bildiriblər.

Ailəyə Bakı şəhər 36 saylı poliklinikanın həkim-məsləhət komissiyasının O. Gülalıyevin əlilliyilə bağlı rəyinə cavab göndərilməyib. Gülalıyevin xanımı DOST-a  müraciət etdikdən sonra imtina barədə rəsmi təsdiq alıb.

Mayın 7-də  DOST vasitəsilə xəstənin yaşadığı yer üzrə xidmət göstərən Bakı şəhər 36 saylı poliklinikanın həkim-məsləhət komissiyasının rəyi bu agentliyə göndərilib. Rəyi nəzərdən keçirdikdən və Agentliyi maraqlandıran suallara cavab tapmadan oradan əlilliyin verilməsindən imtina edilib.

Bu barədə məlumat verən Agentliyin əməkdaşı bildirib ki, imtina tibbi rəydə zəruri informasiyanın, o cümlədən xəstəliyin əsas simptomları barədə bilginin olmamasına görə avtomatik daxil olub.

Poliklinikada tərtib edilən arayış "natamam və səthi" olub. İmtina barədə məlumat verən şəxs Gülalıyevin ailəsinə məsləhət görüb ki, poliklinikaya bir daha müraciət etsinlər.

Hazırda Gülalıyev müalicəsini evdə davam etdirir. O hərəkətsizdir, yataq rejimindədir, tərpənə bilmir. Xanımı  deyir ki, Oqtay danışılanları anlayır və zəif hərəkətlərlə öz istəyini bildirə bilir.

Buna baxmayaraq, ağır vəziyyətin bütün əlamətləri göz önündədir, əlillik ona görə verilməyib ki, 36 saylı poliklinikanın həkimləri onun vəziyyəti barədə rəy tərtib edə bilməyiblər. Bunun əsasında Gülalıyev əlillik, müalicə və dərman preparatları üçün lazım pul vəsaitini ala bilər.

"Turan"-a bildiriblər ki, hər halda, Agentlik düzgün tərtib edilmiş sənədləri aldıqdan sonra Gülalıyevin barəsində əlilliyi rəsmiləşdirəcək, o, dövlət müavinətini əlillik statusunun rəsmi təsdiq olunduğu gündən alınacaq.

Poliklinika həkimlərinin səhvi hüquq müdafiəçisinin ailəsinin ən azı bir aylıq ödəniş miqdarında əlillik müavinətini almamasına səbəb olub.

Oqtay Gülalıyevin xanımı Firuzı Gülalıyeva bildirib ki, ötən ilin sonunda Azərbaycana qayıtdıqdan sonra əlilliyin rəsmiləşdirilməsi üçün poliklinikaya müraciət edib, lakin 36 saylı poliklinika həkim-məsləhət komissiyasının rəyini mayın 7-də göndərib.

Bu gün Firuzə Gülalıyeva həkimlərin səhlənkarlığı ilə əlaqədar Səhiyyə Nazirliyinə şikayət göndərib.