Sosial

Oqtay Gülalıyevin ailəsinə ekspertiza sənədləri verilmir

8 Fevral, 2021
1144

bbc.com

Hüquq müdafiəçisi Oqtay Gülalıyevin həyat yoldaşı Füruzə Gülalıyeva baş prokuror Kamran Əliyevə müraciət edib.

O xatırladır ki, 6 yanvar tarixli əvvəlki müraciətdən sonra baş prokurorun köməkçisi Fazil Həsənəliyev ailə üzvlərini qəbul edib. O, ailəyə məlumat verib ki, yol-nəqliyyat hadisəsindən sonra fəalın vəziyyətinə cavabdeh olan həkimlərin barəsində cinayət icraatına ötən il dekabrın 29-da xitam verilib.

Bununla belə, müstəntiqin qərarının və məhkəmə-tibbi ekspertizanın rəylərinin surətləri  ailə üzvlərinə və vəkillərə verilməyib.

Yanvarın 25-də müstəntiq Asiman Hacıyevlə görüşdə cinayət icraatına xitam verilməsi haqda qərarın surəti ailəyə təqdim edilib. Bununla yanaşı, məhkəmə-tibbi ekspertizanın rəylərinin verilməsi üçün Nəsimi rayon prokurorunun adına ərizə yazmaq təklif olunub.

Belə müraciət yerindəcə yazılıb, amma rəy yenə də verilməyib.

Fevralın 3-də vəkil Fuad Ağayev müstəntiq Hacıyevlə görüşdə bir daha ekspertizanın rəyini istəyib. Ancaq müstəntiq rayon prokurorunun göstərişinə istinad edərək deyib ki, bunu edə bilməz.

F.Gülalıyeva baş prokurora müraciətində qeyd edir ki, müstəntiq və prokurorluq orqanları məhkəmə-tibbi ekspertizanın rəylərinin surətlərini ailəyə və vəkilə verməkdən imtina etməklə qanunu pozurlar.

"Bir daha sizə müraciət edərək istintaqın tam şəffaf aparılmasını təmin etməyi, o cümlədən ekspert rəylərinin surətinin bizə verilməsini xahiş edirəm", - müraciətdə bildirilir.

Oqtay Gülalıyev 2019-cu il oktyabrın 29-da Bakının mərkəzində piyada keçidində avtomobillə vurulub. O, xəstəxanaya aparılıb, lakin əməliyyat oktyabrın 30-da Respublika Neyrocərrahiyyə Xəstəxanasının cərrahları tərəfindən özəl klinikada edilib.

Yanvarın 25-də Nəsimi Rayon Məhkəməsi hüquq müdafiəçisi Oqtay Gülalıyevin səhhətinə ağır ziyan vuran Kənan Abdullayevi cəzasını məntəqə tipli koloniyada çəkməklə 2 il 3 ay müddətinə azadlıqdan məhrum edib.

Məhkəmə onu Azərbaycan CM-in 263.1-ci maddəsi (yol hərəkəti və nəqliyyat vasitələrinin istismarı qaydalarının pozulması, ehtiyatsızlıq səbəbindən zərərçəkmiş şəxsin sağlamlığına ağır ziyan vurduqda) ilə təqsirli bilib. Bundan əlavə, K.Abdullayev üç il müddətinə avtomobil sürmək hüququndan məhrum edilib ("Turan").


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Sosial

Azərbaycanda uşaqların sayı azalır 

10 İyun 2025

Foto: açıq mənbə

Azərbaycanda uşaqların sayının azaldığı bildirilir.  Bu barədə məlumat Bakı Araşdırmalar İnstitutunun (BAİ) Dövlət Statistika Komitəsinə istinadən hazırladığı infoqrafikada öz əksini tapıb.  İnfoqrafikaya əsasən, 1990-cı ildə Azərbaycanda 17 yaşa qədər uşaqlar ölkə əhalisinin 38,5 %-ni təşkil edirdisə, 2023-cü ildə bu göstərici təxminən 26 %-ə düşüb.  1990-cı ildə bu yaş qrupu üzrə əhalinin sayı 2 milyon 780 mindən çox olduğu halda, 2023-cü ildə 5,3 % azalaraq 2 milyon 633 min nəfərə düşüb.  Azalmanın daha çox qız uşaqları hesabına baş verdiyi müşahidə olunur. Oğlan uşaqlarının sayı ötən dövrdə 1,8%, qız uşaqları isə 9% azalıb. İqtisadçı Samir Əliyev bunun səbəbini ümumi nəsilvermə (fertillik) əmsalının...
Sosial

Naxçıvanda 9-u uşaq olmaqla 17 nəfər dönərdən zəhərlənib 

9 İyun 2025

Foto: Azərtac

Naxçıvan şəhərində Heydər Əliyev prospektində yerləşən “Kassap Döner” restoranında 17 nəfər qidadan zəhərlənib.  Bu barədə iyunun 9-da APA Naxçıvan Muxtar Respublikasının Qida Təhlükəsizliyi Agentliyinə istinadən xəbər verib.  Naxçıvan Muxtar Respublikası Yoluxucu Xəstəliklər Mərkəzinin həkim-infekionisti Nəzmin Allahverdiyeva jurnalistlərə deyib ki, 9-u azyaşlı olan 17 nəfər artıq evə buraxılıb.  “Daxil olarkən xəstələrin vəziyyəti orta-ağır və iki nəfər xəstənin vəziyyəti isə ağır vəziyyətdə idi. Aparılan simptomatik yardımlardan və dinamik müşahidədən sonra xəstələr tam klinik sağalma ilə evə buraxılıb. Bunlardan 3-ü ayrı ailə üzvləri olub. 5 nəfər bir ailədən, 4 nəfər bir, 3 nəfər isə ayrı bir ailədən olub”, - o qeyd edib.  Qida...

Seçilmiş Videolar

Toplum TV loqo